Lleoliad Ymarferydd Blynyddoedd Cynnar Blwyddyn 3

Cod y Modiwl: AD35860
Teitl y Modiwl: Lleoliad Ymarferydd Blynyddoedd Cynnar Blwyddyn 3
Blwyddyn Academaidd: 2027/2028
Semester: Semester 1
Cyd-gysylltydd y Modiwl: Mr Berian Lewis
Rhestr Ddarllen: Gweld ar Aspire
Staff Eraill sy'n Cyfrannu: Mrs Annabel Latham; Mr Prysor Davies; Dr Rosemary Cann

Dulliau Asesu

Math o Asesiad	Manylion Asesiad	Cyfran
Asesiad Semester	Portffolio: (sy'n cynnwys is-unedau asesedig a sesiynau a aseswyd) 12000 o eiriau	100%
Asesiad Ailsefyll	Portffolio: (sy'n cynnwys is-unedau asesedig a sesiynau a aseswyd) Rhaid ailwneud yr elfennau a fethwyd.) 12000 o eiriau	100%

Canlyniadau Dysgu

Wedi cwblhau'r modiwl dylai'r myfyrwyr fedru:

1. Integreiddio safbwyntiau damcaniaethol wrth gyflwyno ymarfer proffesiynol, gan gynnwys sgiliau arwain.
2. Bodloni a dangos tystiolaeth o'r safonau galwedigaethol cenedlaethol ar gyfer ymarferwyr blynyddoedd cynnar (mae'r SGC ar gyfer yr Amcanion Dysgu yma yn fwy datblygedig na'r rhai a aseswyd ym mlwyddyn 2 gan ganolbwyntio ar rinweddau arwain).
3. Ystyried a gwerthuso goblygiadau canfyddiadau ymchwil ar gyfer datblygu yn bersonol ac o fewn y proffesiwn yn y dyfodol.

Disgrifiad cryno

Bydd y modiwl yn annog myfyrwyr i gymryd perchnogaeth o'u datblygiad personol, proffesiynol ac academaidd a defnyddio hyn i wella eu hymarfer. Bydd yn ofynnol i fyfyrwyr gadw portffolio o dystiolaeth i ddangos eu gallu i fodloni'r safonau galwedigaethol cenedlaethol ar gyfer ymarferwyr blynyddoedd cynnar. Bydd myfyrio beirniadol mewn perthynas ag arfer cyfredol a rolau proffesiynol yn rhan annatod o'r portffolio. Anogir gwerthuso canfyddiadau ymchwil cyfredol ac archwilio'r posibiliadau a'r goblygiadau ar gyfer datblygu yn bersonol ac o fewn y proffesiwn yn y dyfodol. Bydd myfyrwyr yn cael goruchwyliwr prifysgol a mentor lleoliad.

Cynnwys

Cysyniadau allweddol mewn dysgu seiliedig ar waith (gweithdy 2 awr)
Gweithdy Ymholiadau Proffesiynol (2 awr)
Arweinyddiaeth mewn Ymarfer (2 awr)
Strwythuro'r portffolio (2 awr)

Sgiliau Modiwl

Math o Sgiliau	Manylion Sgiliau
Addasrwydd a gwydnwch	Bydd y gallu i fyfyrio ar eich cynnydd eich hun a nodi a gweithredu ar eich anghenion datblygu eich hun yn hanfodol drwy gydol y modiwl hwn.
Cydlynu ag erail	Tra byddant allan ar leoliad, bydd yn ofynnol i fyfyrwyr weithio gydag eraill a myfyrio ar hyn yn eu portffolio.
Cyfathrebu proffesiynol	Bydd y gallu i gyfathrebu'n glir, ar lafar ac yn ysgrifenedig, yn elfen hanfodol o'r portffolio. Bydd angen i fyfyrwyr ddatblygu dadl resymegol a chlir a dangos dawn ar gyfer defnyddio gwybodaeth yn effeithiol mewn ffordd uniongyrchol a phriodol.
Datrys Problemau Creadigol	Bydd angen i fyfyrwyr ddangos effeithlonrwydd wrth drefnu symiau mawr o wybodaeth gymhleth a'r gallu i nodi, disgrifio a dadansoddi nodweddion allweddol y wybodaeth.
Gallu digidol	Bydd angen i fyfyrwyr ddefnyddio TGCh briodol drwy gydol eu portffolio, yn enwedig yn achos dadansoddi data. Bydd angen i fyfyrwyr weithio gyda neu gyflwyno data lle bo hynny'n briodol.
Meddwl beirniadol a dadansoddol	Bydd angen i fyfyrwyr ddefnyddio sgiliau ymchwil er mwyn archwilio'r arferion y maent yn eu cynnwys yn y portffolio.
Myfyrdod	Bydd angen i fyfyrwyr fyfyrio'n barhaus ar eu hymarfer eu hunain ac ystyried eu datblygiad personol.
Sgiliau Pwnc-benodol	Bydd angen i fyfyrwyr ddangos y sgiliau angenrheidiol ar gyfer gweithio mewn practis proffesiynolSgiliau Arweinyddiaeth: Cymhwyso theori i ymarfer
Synnwyr byd go iawn	Cynllunio Gyrfa a Datblygiad Proffesiynol: Mae ymholiad proffesiynol i ymagweddau pedagogaidd i wella ymarfer yn gofyn am allu i addasu a hyblygrwydd o fewn amgylcheddau sy'n benodol i gyd-destun. Mae ymchwil annibynnol, rheoli amser, hunan-gyfrifoldeb a hunanfyfyrio yn cael eu datblygu ac yn cefnogi dilyniant gyrfa ac astudiaethau ôl-raddedig.

Nodau

Mae'r modiwl hwn yn cydymffurfio a FfCChC Lefel 6