Ymddygiad Defnyddwyr a Phrynwyr

Cod y Modiwl: CB27220
Teitl y Modiwl: Ymddygiad Defnyddwyr a Phrynwyr
Blwyddyn Academaidd: 2027/2028
Semester: Semester 2
Cyd-gysylltydd y Modiwl: Dr Jonathan Fry
Rhestr Ddarllen: Gweld ar Aspire
Rhagofynion: AB17120 neu CB17120
Staff Eraill sy'n Cyfrannu: Dr Jonathan Fry

Dulliau Asesu

Math o Asesiad	Manylion Asesiad	Cyfran
Asesiad Semester	Adroddiad ysgrifenedig: 2000 o eiriau	50%
Arholiad Semester	Arholiad: 2 Awr 2 Awr	50%
Asesiad Ailsefyll	Adroddiad ysgrifenedig: 2000 o eiriau	50%
Arholiad Ailsefyll	Arholiad: 2 Awr 2 Awr	50%

Canlyniadau Dysgu

Wedi cwblhau'r modiwl dylai'r myfyrwyr fedru:

Cymhwyso gwahanol safbwyntiau damcaniaethol ynghylch yr 'Hunan' a sut mae’r rhain yn gysylltiedig ag ymddygiad defnyddwyr.
Esbonio safbwyntiau am ddefnyddwyr fel unigolion, eu hanghenion a’u cymhellion unigol, gan adnabod sail resymegol ac emosiynol llawer o’u gweithredoedd.
Disgrifio gwahanol bersbectifau cymdeithasol-ddiwylliannol ynghylch sut, ble, pryd, beth a pham y mae unigolion a grwpiau yn prynu.
Dangos dealltwriaeth o’r defnyddiwr fel bod cymdeithasol, eu hanghenion cymdeithasol, eu cymhellion, a’u safleoedd o fewn strwythurau cymdeithasol a sut y bydd y rhain yn llywio eu penderfyniadau ynglŷn a phrynu.

Disgrifiad cryno

Mae ymddygiad defnyddwyr a phrynwyr yn canolbwyntio ar sut y mae defnyddwyr yn gwneud penderfyniadau yn ymwneud â'r eitemau y maent yn eu prynu. Mae hyn yn cynnwys y ddealltwriaeth seicolegol o'r hyn y maent yn ei brynu, pam y maent yn ei brynu, ymhle y maent yn ei brynu, pa mor aml y maent yn ei brynu a pha mor aml y maent yn ei ddefnyddio.

Cynnwys

Sylfeini Ymddygiad Defnyddwyr
- Prosesau ymddygiadol
- Canlyniadau ymddygiadol

Dylanwadau seicolegol ar brynwriaeth
- Prosesau emosiynol
- Prosesu gwybyddol
- Personoliaeth a'r Hunan

Sgiliau Modiwl

Math o Sgiliau	Manylion Sgiliau
Cyfathrebu	Bydd y seminarau’n gyfle i’r myfyrwyr ddatblygu sgiliau cyfathrebu llafar a chyflwyno, a bydd y gwaith cwrs yn gyfle i ddatblygu sgiliau cyfathrebu gwerthfawr yn ymwneud â busnes.
Datblygu personol a chynllunio gyrfa	Datblygu ymwybyddiaeth o sgiliau, credoau a rhinweddau personol, mewn perthynas â chynnydd ar y cwrs/gyrfaol – bydd y myfyrwyr yn gallu trosi theori yn ymarfer a dysgu yn ddealltwriaeth.
Datrys Problemau	Nodi problemau. Nodi ffactorau a allai ddylanwadu ar ddatrysiadau posibl. Datblygu dulliau o ddatrys problemau trwy feddwl yn greadigol. Cloriannu manteision ac anfanteision atebion posibl. Llunio ymateb rhesymegol i broblem.
Gwaith Tim	Bydd ymarferion yn y dosbarth a gwaith yn y seminarau yn gyfle i’r myfyrwyr wella eu sgiliau gweithio mewn tîm.
Gwella dysgu a pherfformiad ei hun	Cyflawnir hyn trwy’r seminarau, y gwaith cwrs a’r trafodaethau yn y darlithoedd.
Rhifedd	Bydd ymchwil cynradd yn gofyn am sgiliau llunio graffiau a sgiliau rhifyddol.
Sgiliau pwnc penodol	Bydd y myfyrwyr yn datblygu eu gwybodaeth a’u sgiliau ymchwil ym maes ymddygiad cwsmeriaid. Ymdrinnir ag amrywiaeth o faterion yn ymwneud ag ymddygiad cwsmeriaid, er enghraifft: canfyddiad, cymhelliant, agweddau a gwerthoedd, y rhan mae strwythurau cymdeithasol yn ei chwarae wrth lunio hunaniaethau cwsmeriaid, ac ati.
Sgiliau ymchwil	Deall ystod o ddulliau ymchwil. Cynllunio a chynnal ymchwil. Defnyddio ymchwil cynradd i drosi elfennau o theori yn ymarfer.
Technoleg Gwybodaeth	Defnyddio amrywiaeth o becynnau meddalwedd a ddefnyddir yn aml. Cyflwyno gwybodaeth a data. Defnyddio e-bost/y rhyngrwyd yn briodol ac yn effeithiol.

Nodau

Mae'r modiwl hwn yn cydymffurfio a FfCChC Lefel 5