Cyflwyniad i Droseddeg

Cod y Modiwl: CT22220
Teitl y Modiwl: Cyflwyniad i Droseddeg
Blwyddyn Academaidd: 2027/2028
Semester: Semester 1
Cyd-gysylltydd y Modiwl: Miss Demi John
Rhestr Ddarllen: Gweld ar Aspire
Anghymharus (Unrhyw Flwyddyn Acad): CT12220 neu LC12220
Anghymharus (Unrhyw Flwyddyn Acad): LC22220
Anghymharus (Unrhyw Flwyddyn Acad): CT32220 neu LC32220
Staff Eraill sy'n Cyfrannu: Dr Heather Norris

Dulliau Asesu

Math o Asesiad	Manylion Asesiad	Cyfran
Asesiad Semester	Traethawd: 2500 o eiriau	40%
Asesiad Semester	Perfformiad seminar:	20%
Arholiad Semester	Arholiad Ar Lein: 1.5 Awr Arholiad sydd ddim yn cael ei weld ymlaen llaw 1.5 Awr	40%
Asesiad Ailsefyll	Adolygiad yn lle perfformiad seminar: 1000 o eiriau	20%
Asesiad Ailsefyll	Traethawd: Rhaid i ymgeiswyr wneud yr elfennau hynny or asesiad sy'n cyfateb i'r rheiny a arweiniodd at fethu'r modiwl 2500 o eiriau	40%
Arholiad Ailsefyll	Arholiad ar lein: 1.5 Awr Nid yw'r arholiad yn cael ei weld ymlaen llaw 1.5 Awr	40%

Canlyniadau Dysgu

Wedi cwblhau'r modiwl dylai'r myfyrwyr fedru:

Dangos gwybodaeth a dealltwriaeth ddatblygedig o ddamcaniaethau troseddegol craidd;
Nodi a chloriannu sail ontolegol ac epistemolegol ystod eang o ddamcaniaethau ym maes troseddeg;
Dangos gwerthfawrogiad o sut y mae datblygiadau mewn theori droseddegol yn esblygu;
Deall a chloriannu sut y mae troseddeg ddamcaniaethol wedi helpu i siapio’r system a’r prosesau cyfiawnder troseddol cyfoes;
Nodi a dadansoddi’r cryfderau a’r cyfyngiadau o ran potensial esboniadol theori.

Disgrifiad cryno

Mae’r modiwl hwn yn ystyried safbwyntiau damcaniaethol allweddol sy’n helpu i esbonio troseddu ac anrhefn gymdeithasol mewn cymdeithas. Mae’n gosod safbwyntiau troseddegol yn eu cyd-destunau cymdeithasol a gwleidyddol gan ystyried eu perthnasedd a’u cymhwysiad yn y gymdeithas gyfoes a sut y maent wedi llywio systemau a phrosesau cyfiawnder troseddol.

Cynnwys

Bydd y prif themâu a ystyrir yn cynnwys:

Cyflwyniad i Droseddeg

Troseddeg Glasurol a Dewis Rhesymegol

Troseddeg Fiolegol a’r Ysgol Bositifaidd

Troseddeg Gymdeithasegol

Durkheim a Ffwythiannaeth Strwythurol

Damcaniaethau Straen Cymdeithasol

Ecoleg Gymdeithasol ac Anhrefn Gymdeithasol

Troseddeg Is-ddiwylliannol

Damcaniaeth Rheolaeth Gymdeithasol

Labelu

Troseddeg Feirniadol

Sgiliau Modiwl

Math o Sgiliau	Manylion Sgiliau
Cyfathrebu	Llafar: Bydd myfyrwyr yn datblygu sgiliau cyfathrebu llafar trwy gymryd rhan mewn trafodaethau seminar. Byddant yn dysgu i fod yn glir ac yn uniongyrchol wrth drafod. (Dim asesiad) Ysgrifenedig: Bydd disgwyl i'r myfyrwyr gyflwyno eu gwaith wedi’i eirbrosesu ac asesir eu sgiliau cyfathrebu ysgrifenedig ar sail eu gallu i fynegi syniadau’n effeithiol, sgiliau iaith da a dadl resymegol.
Datblygu personol a chynllunio gyrfa	Gwell gallu i feddwl yn annibynnol ac yn feirniadol. Sgiliau rheoli amser da wrth baratoi ar gyfer seminarau a chyflwyno gwaith yn brydlon.
Datrys Problemau	Bydd cymathu ystod o ddamcaniaethau cymhleth yn datblygu gallu myfyrwyr i ddatrys problemau, a bydd ystod o ymarferion rhyngweithiol yn y darlithoedd, y seminarau a'r aseiniad yn annog meddwl ochrol.
Gwaith Tim	Bydd gweithio mewn grwpiau bach a seminarau grŵp o fewn y seminarau yn meithrin sgiliau gweithio mewn tîm.
Gwella dysgu a pherfformiad ei hun	Bydd darlithoedd a seminarau rhyngweithiol yn annog myfyrwyr i feddwl yn feirniadol ac yn ochrol, gydag ymarferion a gynlluniwyd i ddarparu amrywiaeth o gyfleoedd i ddysgu cysyniadau haniaethol, a chaniatáu i fyfyrwyr fyfyrio ynghylch eu dysgu eu hunain.
Rhifedd	Bydd deall a chloriannu data ymchwil meintiol perthnasol yn elfen bwysig o’r modiwl.
Sgiliau pwnc penodol	Mae’r modiwl hwn yn darparu cyfle i’r myfyrwyr nodi, dadansoddi, cloriannu ac ymarfer cyfres o sgiliau yn ymwneud â deall theori troseddegol.
Sgiliau ymchwil	Datblygir sgiliau ymchwil trwy ddod o hyd i destunau ar wahanol ddamcaniaethau troseddegol a’u dadansoddi’n feirniadol er mwyn llunio a chyflwyno trafodaeth wybodus ar gyfer yr asesiadau. Bydd y myfyrwyr hefyd yn datblygu sgiliau ymchwil wrth baratoi ar gyfer y seminarau, fel unigolion ac fel grŵp.
Technoleg Gwybodaeth	Bydd paratoi ar gyfer seminarau, yr aseiniadau a’r arholiad oll yn golygu bod angen defnyddio cronfeydd data’r llyfrgell a chronfeydd data electronig eraill.

Nodau

Mae'r modiwl hwn yn cydymffurfio a FfCChC Lefel 5