Newyddion a Digwyddiadau

Am y diweddaraf am systemau a gwasanaethau'r Brifysgol, ewch i Statws Gwasanaethau PA

Mae agor 24/7 ar gyfer y cyfnod arholiadau yn Llyfrgell Hugh Owen yn dechrau 26 Ebrll 2026

05/01/2026

Mae pob llawr yn y llyfrgell ar agor 24/7 i gefnogi adolygu arholiadau: Dydd Sul 26 Ebrill – Dydd Iau 28 Mai. Oriau agor llawn y llyfrgell: https://www.aber.ac.uk/cy/library/llyfrgelloedd/opening-hours/

Adolygu ac arholiadau

22/04/2026

Ydych chi am adeiladu ar eich gwaith adolygu wrth i’r arholiadau agosáu? Mae SgiliauAber yn cynnig cyngor clir ac ymarferol ar adolygu’n effeithiol, rheoli diwrnod yr arholiad, a datblygu eich sgiliau astudio ac adolygu. Cewch ragor o wybodaeth yn: https://www.aber.ac.uk/cy/aberskills/exams/

Amserlen Arholiadau Terfynol - Semester 2

23/03/2026

Mae amserlen arholiadau terfynol ar gyfer semester 2 ar gael ar y wefan amserlennu: https://ow.ly/a6GI50Qanas

Mae deunyddiau o'r gynhadledd fer: niwroamrywiaeth bellach ar gael

21/04/2026

Cynhaliodd Taith y Myfyriwr a'r Adran Seicoleg gynhadledd fer ar Niwroamrywiaeth yn ddiweddar.

Mae deunyddiau o'r gynhadledd fer bellach ar gael - gweler ein blog am ragor o wybodaeth.   

Arowlg Profiad Mewnwelediad Digidol Myfyrwyr: Cyfle i ennill talebau gwerth £100 a 2 x £20

20/04/2026

Dywedwch wrthym am eich profiadau diweddar wrth ddysgu digidol.  Cymerwch ran yn y Arowlg Profiad Mewnwelediad Digidol Myfyrwyr - arolwg byr ar-lein i ddarganfod sut rydych chi'n defnyddio technoleg a sut mae hyn yn effeithio eich profiad ddysgu.

Mae’n gyfle i chi leisio eich barn am eich profiadau digidol ac yn gyfle i ennill taleb gwerth £100 neu £20.

Thorium - y darllenydd newydd ar gyfer eLyfrau EBSCOHost

13/04/2026

Bydd EBSCO yn lansio Thorium Reader ar 14 Ebrill, gan ddisodli Adobe Digital Editions fel y ffordd newydd a mwy hygyrch o ddarllen eLyfrau wedi'u lawrlwytho ar eich dyfais.

Mae'n cynnwys ymarferoldeb testun-i-leferydd parod ar gyfer eLyfrau EPUB a DAISY, opsiynau arddangos y gellir eu haddasu a swyddogaethau anodi / amlygu hawdd.

Gallwch barhau i ddarllen eLyfrau EBSCOHost yn uniongyrchol yn eich porwr yn union fel ag yr ydych yn ei wneud nawr heb osod y darllenydd os yw'n well gennych. Mae rhagor o wybodaeth ar gael yma: https://connect.ebsco.com/s/article/EBSCO-eBooks-LCP-Thorium-Frequently-Asked-Questions?language=en_US

Rydym yn gobeithio y bydd y darllenydd newydd hwn yn gwneud eich profiad o ddarllen all-lein yn llyfnach ac yn fwy pleserus!

Diweddariad Blackboard fis Ebrill

08/04/2026

Hoffai’r Tîm Addysg Ddigidol dynnu sylw at welliannau yn diweddariad Blackboard fis Ebrill: 

  • Aseiniadau
    • Dull cyflwyno ar gyfer Aseiniadau
    • Maint ffeil SafeAssign
    • Addasu graddau unigol mewn cyflwyniadau grwp
  • Profion
  • Sgyrsiau DA
  • Trafodaethau
  • Cyhoeddiadau

Am fanylion pellach, gweller ein blog: Beth sy’n Newydd yn Blackboard Ebrill 2026.

Digwyddiad Cynnydd Gwobr Addysg a Phrofiad y Myfyrwyr

09/04/2026

Y mis diwethaf, trefnodd Tîm Addysg Ddigidol ddigwyddiad arbennig hanner diwrnod i dderbynwyr y Grant Addysg a Phrofiad y Myfyrwyr.

Nod y digwyddiad oedd rhoi ddiweddariad am gynnydd y pedwar prosiect. Gallwch ddarllen rhagor o wybodaeth amdano ar ein blog.

Angen gwybodaeth cryno am wahanol sgiliau?

10/03/2026

Cofiwch - rydych chi eisoes wedi cofrestru yn y Sefydliad SgiliauAber / AberSkills yn Blackboard: Content / SgiliauAber / AberSkills

Cymerwch funud i bori drwy’r deunyddiau addysgu gweithdai sydd ar gael yno. Maen nhw’n llawn canllawiau bach hawdd eu dilyn i’ch helpu i wella eich sgiliau—p’un a ydych yn ailddysgu hanfodion y llyfrgell neu’n trio rhywbeth newydd. Os ydych chi’n chwilio am grynodeb syml o’r pethau pwysica’, dyma’r lle i fynd!

Sesiynau galw-heibio mathemateg ac ystadegau

28/01/2026

Eisiau ychydig o help ac arweiniad ar gwestiwn mathemateg neu ystadegau?

Ymwelwch â’r sesiwn galw-heibio wythnosol (yn ystod tymor):

  • Dydd Iau
  • 10:00-13:00
  • Lefel D, Llyfrgell Hugh Owen (drws nesaf i’r man gwerthu)

Gallwch hefyd anfon e-bost i maths-help@aber.ac.uk gyda'ch ymholiad os na allwch wneud y sesiwn galw-heibio.

Archebu Ystafelloedd Astudio yn y Llyfrgell a'r Weithfan

23/03/2026

P'un a oes angen lle tawel ar gyfer adolygu, ystafell ar gyfer gwaith grwp, neu le i ymarfer cyflwyniadau, galli di sicrhau lle astudio ymlaen llaw. Archeba ystafell astudio yn uniongyrchol trwy dy galendr Outlook.

Pam mae'n ddefnyddiol

  • Trefnu dy amser Archeba’r ystafell sydd ei heisiau arnat ti ar adeg sy'n addas iti hyd at wythnos ymlaen llaw.
  • I’r dim ar gyfer gwaith grwp Gwna yn siwr bod pawb yn gwybod ble a phryd i gyfarfod ac yn derbyn nodyn atgoffa calendr!
  • Hawdd i'w defnyddio Archebu ar-lein ar dy ffôn neu dy gyfrifiadur.

Sut i archebu lle: https://faqs.aber.ac.uk/cy/9512

Sesiynau Addysg Ddigidol sydd ar ddod

23/03/2026

Mis Ebrill

14/04 Cynhadledd fach: Niwrowahaniaeth Mini-Conference: Neurodiversity (Wyneb yn wyneb)

Amserau/archebu