Diwrnod Iechyd a Lles i'r staff - Gaeaf 2025

Dewch i gwrdd â'r tîm a dysgu am yr ystod o bolisïau, adnoddau a rhaglenni sydd â'r nod o hybu iechyd, lles a datblygiad personol y gweithwyr.

Dewch i gwrdd â’r Tîm Cymorth Gwrth-aflonyddu a Thrais i ddysgu mwy am y system Adrodd a Chymorth i fyfyrwyr a staff - platfform ar-lein diogel a chyfrinachol i roi gwybod am achosion o gamymddwyn rhywiol, bwlio, aflonyddu, gwahaniaethu neu droseddau casineb.

Dewch i gwrdd ag ymchwilwyr sy'n arbenigo ym maes ymchwil lles. Cymerwch ran neu dysgwch fwy am ein hymchwil sy'n edrych ar ymwybyddiaeth ofalgar a cherdded ym myd natur, gan ddeall ffactorau unigol sy'n ffurfio lles ac Astudiaeth Seicoleg Hydredol Aberystwyth – ASHA.

Y cyfle i gael asesiad o gyfansoddiad y corff ac i ddysgu am y gwasanaethau masnachol sydd yn cael eu cynnig yn Adeilad Carwyn James, gan cynnwys: Asesiad o’r cynhwysedd aerobig, pennu’r trothwy lactig, asesiad cynhwysfawr o chyfansoddiad y corf a'ch pecyn iechyd.

Gewch gwrdd â'r tîm nyrsio yn y Brifysgol, sy'n nyrsys cofrestredig o amryw o gefndiroedd arbenigol. Byddant yn hapus i gofnodi eich pwysedd gwaed, rhannu rhai o’n hadnoddau, a sgwrsio am ffyrdd o gefnogi eich gwydnwch a’ch dewisiadau iechyd trwy gyfrwng y Gymraeg neu’r Saesneg.

Dewch i gwrdd â'r tîm a chael gwybodaeth am yr ystod o ddosbarthiadau, cyfleusterau, a phecynnau aelodaeth sydd ar gael - gydag arddangosiad o feic sbinio a'r cyfle i gymryd rhan mewn heriau ar y diwrnod.

Dewch i gwrdd â thîm Canolfan y Celfyddydau a chlywed am eu rhaglen amrywiol o arddangosfeydd, perfformiadau, gweithdai a gweithgareddau cymunedol.

Dewch i gwrdd â staff o bob rhan o’r tîmau Cymorth a Lles Myfyrwyr i glywed sut mae ein Rhaglen ‘Cefnogi ein Myfyrwyr gyda’n Gilydd’ wedi’i chynllunio i roi gwybodaeth i staff am faterion sy’n ymwneud â myfyrwyr fel y gallant ddarparu cymorth ystyrlon a gwneud atgyfeiriadau effeithiol, gwybodus, pan fo angen.

Dewch i gwrdd â Cŵn Cymorth Cariad - cŵn cymorth a'u perchnogion gwirfoddol - lledfu straen wrth gael dêt 'da ci! Mae Cŵn Cymorth Cariad yn creu cysylltiadau cydsyniol rhwng bodau dynol a chŵn er lles i'w gilydd.

Dewch i gwrdd â staff o’r timoedd Cymorth a Lles Myfyrwyr i glywed am sut mae ein Rhaglen ‘Cefnogi ein Myfyrwyr gyda’n Gilydd’ wedi’i llunio i roi gwybodaeth i’r staff am faterion sy’n berthnasol i’r myfyrwyr fel y gallai’r staff ddarparu cefnogaeth ystyrlon a chyfeirio myfyrwyr ymlaen i wasanaethau eraill pan fo angen, mewn ffordd effeithiol wedi’i seilio ar wybodaeth gadarn.

Gwybodaeth am y cyrsiau sydd ar gael sy'n addas ar gyfer datblygiad personol a phroffesiynol, ac arddangosiadau wrth y stondin trwy gydol y dydd.

Mae cyrsiau Dysgu Gydol Oes AM DDIM i holl aelodau staff Prifysgol Aberystwyth - Dod o hyd i gwrs i chi.

Taleb 25% o ostyngiad i’r Neuadd Fwyd i'r rhai sy'n dod draw

Ewch i https://www.aber.ac.uk/cy/hospitality/ am wybodaeth ar yr opsiynau sydd ar gael am fwyd iach, prydau gwerth am arian, hyrwyddiadau ar gynhyrchion di-glwten, alergenau, bwydlenni

Mae Gwasanaeth Cam-drin Domestig Gorllewin Cymru yn darparu gwasanaethau cymorth cynhwysfawr i bawb sy'n profi neu'n cael eu heffeithio gan gam-drin domestig neu cam-drin Rhywiol a Thrais.

Gwybodaeth a chymorth i unrhyw oedolyn dros 18 oed sydd â phroblem cyffuriau neu alcohol eu hunain neu sy'n poeni am sut mae rhywun arall yn defnyddio cyffuriau a/neu alcohol. 

Elusen y Brifysgol eleni, - gwybodaeth am yr elusen, cyfleoedd i wirfoddoli, diddordebau ymchwil a'u cyfleuster byw yn dda.

Darparwr Rhaglen Cymorth i Weithwyr - gwybodaeth am y gwasanaeth cyfrinachol 24/7 am ddim a’r gwasanaeth cwnsela, gwybodaeth a chyngor sydd ar gael i’r staff.

Mae Hyfforddiant Iechyd y GIG yn cynnig partneriaeth sy'n canolbwyntio ar y claf, wedi'i chynllunio i rymuso unigolion i wella eu hiechyd a'u lles eu hunain trwy ddysgu gwybodaeth ac ennill sgiliau a hyder i hunanreoli a newid ymddygiad.

Dewch i gwrdd â'r tîm a chlywed am ergonomeg yn y swyddfa (dangosiad o sut i sicrhau bod dyluniad y gadair ac uchder y weithfan yn gywir) ac am y datblygiadau a’r prosiectau sydd ar y gweill o ran yr Amgylchedd a Chynaliadwyedd. 

Gofynnwch unrhyw gwestiynau llosg, neu gael adborth ar unrhyw ddogfennau megis asesiadau risg. Gwybodaeth ac adnoddau ar gael calon iach a deall straen gan Sefydliad Prydeinig y Galon, peli straen i gydweithwyr fynd gyda nhw, gwybodaeth am argaeledd a lleoliadau diffibrilwyr ar y safle a defnyddio gwefan The Circuit.

Dewch i gwrdd ag aelodau o amryw rwydweithiau a grwpiau staff, a chlywed am y cyfarfodydd a’r digwyddiadau sydd ar ddod, a sut i gymryd rhan.

Tîm Diogelu Iechyd yn darparu gwybodaeth am les, hydradu, a chadw'n iach wrth atal heintiau.

Mae CDOT yn darparu gwybodaeth am iechyd sy'n helpu unigolion i wneud dewisiadau am eu hiechyd a'u lles ar sail gwybodaeth gadarn (gan gynnwys rhoi'r gorau i ysmygu, yfed llai o alcohol, imiwneiddio a brechiadau, a bwyta a byw'n iach).

UCU, UNSAIN ac UNITE - gwybodaeth am y cymorth sydd ar gael, aelodaeth, a'r manteision a'r gwasanaethau.

Eich rhaglen cymorth i staff | Cofrestrwch yma

Leanne El‑Sayed, HA | Wisdom Wellbeing

Dewch i gwrdd a chlywed wrth y darparwr o'n Rhaglen Cymorth i staff, HA | Wisdom Wellbeing, bydd yn eich cyflwyno a'ch tywys trwy'r cymorth cyfrinachol 24/7, cyngor a'r gwasanaethau sydd ar gael i chi a'ch teulu agos.

Gwirfoddoli i blannu coed a llwyni | Cofrestrwch yma

Dewi Day, Ymgynghorydd Cynaliadwyedd

Yn rhan o ddiwrnod Iechyd a Lles y Staff rydym yn chwilio am wirfoddolwyr i gymryd rhan mewn plannu coed a llwyni i greu ardal cyfoethogi bioamrywiaeth newydd wrth ymyl y Ganolfan Chwaraeon. Mae’r gwaith hwn yn rhan o uchelgais ehangach y Brifysgol i ddiogelu a chyfoethogi bioamrywiaeth ym mhob rhan o’n hystad, drwy greu perthi cynhenid newydd, plannu coed a chreu mwy o fannau cyfeillgar i beillwyr sydd mor hygyrch â phosib fel y bydd pobl yn gallu cael budd o’r cysywllt agos â byd natur. Mae perthi a choetiroedd newydd yn darparu adnoddau hanfodol i famaliaid, adar a phryfed. Yn ogystal â bod yn gynefin pwysig ynddynt eu hunain, maent hefyd yn goridorau sy’n galluogi bywyd gwyllt i symud rhwng cynefinoedd ynysig. Bydd 2 sesiwn blannu ar y diwrnod – pob un yn para rhyw awr.

Caring for self in relationship with others | Coftrestwch yma

Alison Mackiewicz, Uwch Darlithydd mewn Seicoleg & Martine Robson, Darlithydd mewn Seicoleg

Gan ddefnyddio offer a modelau Dadansoddi Rhyngweithredol, sef math o seicotherapi, byddwn yn dangos sut, wrth ddod yn fwy hunanymwybodol, y gallwch fynd i'r afael â'ch anghenion meddyliol a chorfforol eich hun, yn enwedig yn eich perthynas ag aelodau staff ac eraill. Trwy ddeall y ddeinameg sy’n sail i ryngweithio ag eraill, gall pobl gael goleuni pellach ar yr hyn sydd wrth wraidd problem(au) a gweithio tuag at eu datrys. O ddydd i ddydd, mae Dadansoddi Rhyngweithredol yn cynnig cyfoeth o fanteision a all effeithio'n gadarnhaol ar agweddau personol a phroffesiynol eich bywyd. Bydd hwn yn weithdy ymarferol, sy'n cynnwys esboniad byr o fodelau Dadansoddi Rhyngweithredol, ac yna yn eu rhoi ar waith mewn grwpiau bach.

Managing Stress with Mindfulness and Self-compassion | Cofrestrwch yma

Jenny Smith, ymarferydd iechyd meddwl a thiwtor Dysgu Gydol Oes.

Bydd pob un ohonom yn wynebu straen yn ystod ein bywydau, ac mae llawer o’r pethau sy’n achosi’r straen hwn y tu hwnt i’n rheolaeth. Mae sut rydyn ni'n ymateb i’r pethau hyn, fodd bynnag, i ryw raddau, o fewn ein rheolaeth.

Mae datblygu pecyn cymorth o dechnegau a safbwyntiau yn rhan hanfodol o ddod yn fwy creadigol a gwydn. Mae ymwybyddiaeth ofalgar a hunan-dosturi yn ddau beth a all ein cefnogi i ymateb yn well i'r straen a wynebwn yn ein bywydau bob dydd. Bydd y gweithdy profiadol hwn yn cyflwyno ffyrdd syml y gallwn fod yn fwy tosturiol gyda’n hunain wrth i ni ddelio â heriau bywyd bob dydd.

Sesiwn ffeltio â nodwyddau – ‘Storom mewn cwpan’ | Cofrestrwch Yma (y 12 cyntaf gaiff gofrestru)

Charlie Kenobi, Tiwtor Dysgu Gydol Oes: Celf a Dylunio

Cyfle i chi gorddi’ch storom eich hun mewn cwpan ar y diwrnod lles staff hwn lle y dysgwch sylfeini ffeltio â nodwyddau, gan greu’ch byd bach eich hun mewn cwpan – rhywbeth i'w ddefnyddio fel pincws, neu ddim ond yn rhywbeth gwych i’w edmygu.

Gwirfoddoli i blannu coed a llwyni | Cofrestrwch yma

Dewi Day, Ymgynghorydd Cynaliadwyedd

Yn rhan o ddiwrnod Iechyd a Lles y Staff rydym yn chwilio am wirfoddolwyr i gymryd rhan mewn plannu coed a llwyni i greu ardal cyfoethogi bioamrywiaeth newydd wrth ymyl y Ganolfan Chwaraeon. Mae’r gwaith hwn yn rhan o uchelgais ehangach y Brifysgol i ddiogelu a chyfoethogi bioamrywiaeth ym mhob rhan o’n hystad, drwy greu perthi cynhenid newydd, plannu coed a chreu mwy o fannau cyfeillgar i beillwyr sydd mor hygyrch â phosib fel y bydd pobl yn gallu cael budd o’r cysywllt agos â byd natur. Mae perthi a choetiroedd newydd yn darparu adnoddau hanfodol i famaliaid, adar a phryfed. Yn ogystal â bod yn gynefin pwysig ynddynt eu hunain, maent hefyd yn goridorau sy’n galluogi bywyd gwyllt i symud rhwng cynefinoedd ynysig. Bydd 2 sesiwn blannu ar y diwrnod – pob un yn para rhyw awr.

2.10yp - 3.00yp

Psychological Safety in your Team | Cofrestrwch yma
Ian Archer, Swyddog Datblygu Sgiliau

Diogelwch Seicolegol yw’r amgylchedd lle y mae unigolion yn teimlo’n ddiogel ac yn teimlo eu bod yn cael eu cefnogi. Mae’n meithrin cyfathrebu agored, ymddiriedaeth a chydweithio o fewn timau. Bydd y sesiwn hon yn edrych ar faint o hyn rydym ni’n ei deimlo o fewn ein timau, a sut rydym yn annog hyn, gan alluogi unigolion i ffynnu a gwella deinameg, arloesedd a pherfformiad sefydliadol y tîm.