Cyflwyno Cymorth Cyfoedion Croeso Aber

Myfyrwyr yn siarad ar y campws

Fel myfyriwr newydd sy’n dod yma i astudio yn Aberystwyth y gobaith yw bydd yn antur newydd gyffrous yn eich taith bywyd.

Efallai bydd yna bryderon a heriau bydd yn rhaid i chi oresgyn yn ystod yr wythnosau neu’r misoedd cyntaf yn benodol. Gall yr heriau hyn amrywio o ddarganfod ble mae adeiladau, darlithoedd a digwyddiadau’n cymryd lle ar draws ein campws, i fyw’n annibynnol neu i fod i fwrdd o gartref am y tro cyntaf.  

Fel myfyriwr newydd, gall addasu i arddull ddysgu fwy annibynnol fod yn anesmwyth ar y dechrau a dysgu sut i reoli eich amser yn fwy effeithiol. 

Mae dechrau yn y brifysgol yn gyfnod cyffrous ond yn gallu bod yn un frawychus ar yr un pryd felly! Dyma lle gall cefnogaeth gan gymheiriaid fod o gymorth mawr i chi. 

5 nod ein Cynllun Cymorth Cyfoedion Croeso Aber… 

1

Eich croesawu i’n cymuned wych yma ym Mhrifysgol Aberystwyth gan ein myfyrwyr presennol. 

2

Rhoi cyfle i chi elwa o'r wybodaeth a phrofiadau myfyrwyr eraill sydd wedi bod trwy’r hyn rych chi’n mynd drwyddo, ac iddyn nhw rannu eu profiadau o’r flwyddyn gyntaf efo chi. 

3

Hwyluso'r broses pontio i fywyd prifysgol fel eich bod yn dod yn gyfarwydd â'ch amgylchedd academaidd a’r amgylchedd ehangach ar y campws. 

4

Eich cyfeirio at y gwasanaethau priodol cywir a’r amryw ohonynt sydd ar gael yn ystod eich wythnosau cyntaf efo ni yn Aberystwyth fel y gallwn ddarparu cefnogaeth barhaus pan fydd ei hangen arnoch. 

5

Ateb unrhyw gwestiynau llosg sydd gennych ynghylch bywyd prifysgol a lleddfu unrhyw ofnau a allai fod gennych wrth i chi ddechrau ar eich taith fel myfyriwr gyda ni. 

Ein Arweinwyr Cyfoed Adrannol  

Mae Arweinwyr Cyfoed Adrannol yn cynnig cymorth, gwybodaeth, cyngor ac arweiniad anfurfol i chi wrth ddechrau eich taith prifysgol. Bydd Arweinyddion Cyfoed yn astudio yn yr un adran (au) â chi ac yn eich helpu i ymgartrefu i fywyd prifysgol ac academaidd drwy rannu eu profadau efo chi. Wrth I chi ddarganfod eich fordd trwy’r cyfnod cyfeiriadaeth ac ymgartrefu maent wrth law i’ch croesawu a’ch cefnogi. 

Sut mae Arweinydd Cyfoed yn gallu helpu chi wrth ddechrau yn y Brifysgol?

  • Drwy gyflwyno eu hunain i chi yn ystod cyfnod Cyn Aber (cyn cyrraedd) gall arweinydd fod yn bwynt cyswllt cyntaf i chi leddfu’ch pryderon cyn i chi gyrraedd y campws. 
  • Gwneud cyfeiriadedd yn brofiad llai brawychus a’ch helpu chi lywio trwy’r cyfnod hwn. 
  • Eich helpu gyda chwestiynau sy’n benodol i’ch adran (e.e. modiwlau neu bwyntiau cyswllt o fewn yr adran) yn ogystal â chwestiynau a phryderon sylfaenol eraill a allai fod gennych ynghylch bywyd myfyriwr. 
  • Fel myfyrwyr sydd eisoes wedi ymgartrefu ers o leiaf blwyddyn, gallwch ddysgu o’u profadau nhw a chael awgrymiadau a chyngor ymarferol ganddynt. 
  • Bod ar gael drwy gydol yr wythnosau a’r misoedd cyntaf i ddarparu rhagor o wybodaeth a sicrwydd pan fydd ei angen arnoch ar yr adegau cywir. Helpu i’ch cyfeirio drwy’r cyfnod ymgartrefu estynedig i wneud y cyfnod cychwynnol ym Mhrifysgol Aberystwyth yn un da. 

Sut mae i gyd yn gweithio?

Bydd gan y mwyafrif o adrannau academaidd dîm o arweinwyr cyfoed adrannol sydd ar hyn o bryd yn astudio yn eu hail neu drydedd fwyddyn neu ar lefel ôl-raddedig. Gan ddibynnu ar yr adran rydych yn astudio gyda hi, mae’n bosibl y bydd arweinydd cyfoed yn cysylltu â chi yn awtomatig cyn i chi gyrraedd, neu bydd eich adran yn cysylltu â chi i ofyn a ydych yn dymuno cofrestru ar gyfer arweinydd cyfoed neu beidio.  

Bydd yr Arweinydd Cyfoed yn trafod efo chi sut yr hofech gwrdd a bydd cyfeoedd amrywiol o amgylch y cyfnod croeso i chi ofyn cwestiynau a derbyn gwybodaeth a fydd o gymorth. Byddwch yn derbyn gwybodaeth drwy e-bost a chyfeoedd eraill i gysylltu pan fydd ei hangen arnoch. 

Beth yw’r themâu Ymgartrefu Estynedig?

Rydym yn focysu ar saith brif thema i’ch galluogi chi i wneud y gorau o’ch hamser gyda ni yn ystod eich cyfnod pontio i’r Brifysgol. Wrth i chi ddechrau ymgyfarwyddo â’r brifysgol rydym am gefnogi eich cyfnod pontio i’r brifysgol, ac i chi ddod i adnabod y Brifysgol yn well. 

Mae ein tudalennau CaruAber – Dod i adnabod dy Brifysgol yn esbonio beth mae'r themau hyn yn canolbwyntio ar yn ystod wythnosau cyntaf eich cyfnod yn y Brifysgol. 

CaruAber – Dod i adnabod dy Brifysgol

Dyma dy le i ddarganfod, i ddysgu ac i ddatblygu. 

Wrth i chi ddechrau ymgyfarwyddo â'r brifysgol rydym am gefnogi eich cyfnod pontio i'r brifysgol, ac i chi ddod i adnabod y Brifysgol yn well. Mae ein themâu CaruAber yn canolbwyntio ar saith elfen allweddol a fydd yn eich galluogi i wneud y gorau o'ch amser gyda ni yn ystod eich cyfnod pontio.

CaruAber – Dod i adnabod dy Brifysgol