Diwrnod Iechyd a Lles i'r staff - 25 Tachwedd 2026

Llun awyrol o gampws Prifysgol Aberystwyth

Diwrnod iechyd a lles i hyrwyddo a chefnogi lles corfforol a meddyliol y staff.

Dydd Mercher 25 Tachwedd 2026, 9.30yb - 3.00yp
Ystafelloedd Cynadledda Medrus

Dewch i gwrdd â gwasanaethau allweddol a dysgu am y gwahanol gymorth ac adnoddau ar gyfer iechyd a lles sydd ar gael i’r staff, yn y Brifysgol ac yn allanol.
Dysgwch sut i gael mynediad at yr armyw o gefnogaeth sydd ar gael i chi pan fo angen (e.e., AccessAble, Rhaglen Cymorth i Weithwyr).
Meithrin ymwybyddiaeth a nodi strategaethau ar gyfer gwella iechyd corfforol, iechyd meddwl a meithrin gwytnwch.
"Gwybod eich rhifau" profwch eich pwysedd gwaed a’ch BMI a chael gwybodaeth a chyngor.
Deall pwysigrwydd meithrin arferion sy'n hybu iechyd corfforol, meddyliol ac emosiynol yn y tymor hir.

Rhaglen

Ffair Iechyd Da (9.30yb - 3.00yp)

Arddangoswr	Gwybodaeth am y stondin
Adnoddau Dynol a Datblygu Sefydliadol	Dewch i gwrdd â'r tîm a dysgu am yr ystod o bolisïau, adnoddau a rhaglenni sydd â'r nod o hybu iechyd, lles a datblygiad personol y gweithwyr.
Adnodd Adrodd a Chymorth i fyfyrwyr a staff	Dewch i gwrdd â’r Tîm Cymorth Gwrth-aflonyddu a Thrais i ddysgu mwy am y system Adrodd a Chymorth i fyfyrwyr a staff - platfform ar-lein diogel a chyfrinachol i roi gwybod am achosion o gamymddwyn rhywiol, bwlio, aflonyddu, gwahaniaethu neu droseddau casineb.
Adran seicoleg: Ymchwil Lles a chymwysiadau	Dewch i gwrdd ag ymchwilwyr sy'n arbenigo ym maes ymchwil lles. Cymerwch ran neu dysgwch fwy am ein hymchwil sy'n edrych ar ymwybyddiaeth ofalgar a cherdded ym myd natur, gan ddeall ffactorau unigol sy'n ffurfio lles ac Astudiaeth Seicoleg Hydredol Aberystwyth – ASHA.
Adran y Gwyddorau Bywyd: Perfformiad Chwaraeon a Phrofion Iechyd	Y cyfle i gael asesiad o gyfansoddiad y corff ac i ddysgu am y gwasanaethau masnachol sydd yn cael eu cynnig yn Adeilad Carwyn James, gan cynnwys: Asesiad o’r cynhwysedd aerobig, pennu’r trothwy lactig, asesiad cynhwysfawr o chyfansoddiad y corf a'ch pecyn iechyd.
Adran Gwyddorau Bywyd: ⁠Uned Ymchwil Asesu Lles ac Iechyd	Dewch i ddarganfod WARU a sut rydym yn cefnogi ymchwil iechyd a lles, o astudiaethau maeth a ffordd o fyw i dreialon clinigol ac asesiadau iechyd. Dysgwch am ein hymchwil cyfredol, beth mae cymryd rhan yn ei olygu, a'r cyfleoedd sydd ar gael i chi gymryd rhan.
Canolfan Addysg Gofal Iechyd	Gewch gwrdd â'r tîm nyrsio yn y Brifysgol, sy'n nyrsys cofrestredig o amryw o gefndiroedd arbenigol. Byddant yn hapus i gofnodi eich pwysedd gwaed, rhannu rhai o’n hadnoddau, a sgwrsio am ffyrdd o gefnogi eich gwydnwch a’ch dewisiadau iechyd.
Canolfan Chwaraeon	Dewch i gwrdd â'r tîm a chael gwybodaeth am yr ystod o ddosbarthiadau, cyfleusterau, a phecynnau aelodaeth sydd ar gael - gydag arddangosiad o feic sbinio a'r cyfle i gymryd rhan mewn heriau ar y diwrnod.
Canolfan y Celfyddydau Aberystwyth	Dewch i gwrdd â thîm Canolfan y Celfyddydau a chlywed am eu rhaglen amrywiol o arddangosfeydd, perfformiadau, gweithdai a gweithgareddau cymunedol.
Clwb Bridge Aberystwyth (ABC)	Mae Clwb Bridge Aberystwyth yn glwb cymunedol, sy'n awyddus i ddenu mwy o aelodau - dewch i ddysgu mwy am y clwb, pryd a ble maen nhw'n cwrdd, sesiynau hyfforddi sydd ar gael, a'r amrywiaeth o ddigwyddiadau a gynhelir drwy gydol y flwyddyn.
Cymdeithas Gwenynwyr Aberystwyth a'r Cylch (ABKA)	Gall cadw gwenyn fod yn un o alwedigaethau mwyaf cathartig bywyd: mae’n gyfle i ddod yn agos iawn at natur, a bydd eich gardd ffrwythau a llysiau yn profi peillio heb ei ail. Gallwch gadw gwenyn fel hobi a fydd yn cyfareddu eich teulu a'ch ffrindiau, neu ei drosi o hobi i alwedigaeth (neu fusnes!) gyda chynnyrch yr oedd y Ffaroaid yn ei fwynhau. Mae'r gymuned cadw gwenyn yn gefnogol dros ben i ddechreuwyr.
Cymorth a Lles Myfyrwyr	Dewch i gwrdd â staff o bob rhan o’r tîmau Cymorth a Lles Myfyrwyr i glywed sut mae ein Rhaglen ‘Cefnogi ein Myfyrwyr gyda’n Gilydd’ wedi’i chynllunio i roi gwybodaeth i staff am faterion sy’n ymwneud â myfyrwyr fel y gallant ddarparu cymorth ystyrlon a gwneud atgyfeiriadau effeithiol, gwybodus, pan fo angen.
Dysgu Cymraeg	Dewch i gwrdd â staff o’r timoedd Cymorth a Lles Myfyrwyr i glywed am sut mae ein Rhaglen ‘Cefnogi ein Myfyrwyr gyda’n Gilydd’ wedi’i llunio i roi gwybodaeth i’r staff am faterion sy’n berthnasol i’r myfyrwyr fel y gallai’r staff ddarparu cefnogaeth ystyrlon a chyfeirio myfyrwyr ymlaen i wasanaethau eraill pan fo angen, mewn ffordd effeithiol wedi’i seilio ar wybodaeth gadarn.
Dysgu Gydol Oes	Gwybodaeth am y cyrsiau sydd ar gael sy'n addas ar gyfer datblygiad personol a phroffesiynol, ac arddangosiadau wrth y stondin trwy gydol y dydd.Mae cyrsiau Dysgu Gydol Oes AM DDIM i holl aelodau staff Prifysgol Aberystwyth - Dod o hyd i gwrs i chi.
Gorsaf bwyd iach	*Taleb 15% o ostyngiad i’r Neuadd Fwyd i'r rhai sy'n dod draw*Ewch i https://www.aber.ac.uk/cy/hospitality/ am wybodaeth ar yr opsiynau sydd ar gael am fwyd iach, prydau gwerth am arian, hyrwyddiadau ar gynhyrchion di-glwten, alergenau, bwydlenni
Gwasanaeth Cyffuriau ac Alcohol Dyfed (GCAD)	Gwybodaeth a chymorth i unrhyw oedolyn dros 18 oed sydd â phroblem cyffuriau neu alcohol eu hunain neu sy'n poeni am sut mae rhywun arall yn defnyddio cyffuriau a/neu alcohol.
Gwasanaeth Tân ac Achub Canolbarth a Gorllewin Cymru	Mae Gwasanaeth Tân ac Achub Canolbarth a Gorllewin Cymru yn cynnig y cyfle i gael ymweliad Diogel ac Iach yn eich cartref. Mae Ymweliad Diogel ac Iach yn cynnwys gwiriadau diogelwch tân ar holl gynnwys y cartref ond bydd hefyd yn cynnwys negeseuon diogelwch eraill a allai fod yn berthnasol i'r bobl sy'n byw yn yr eiddo. Bydd y pum prif bwnc ychwanegol yn ymdrin â rhoi'r gorau i ysmygu; Diogelwch yn y cartref; Atal cwympiadau; Ymwybyddiaeth o sgamio; a Mynd i'r afael ag unigrwydd ac ynysu
Heddlu Dyfed Powys	Mae Heddlu Dyfed-Powys yn gwasanaethu'r Sir Gaerfyrddin, Ceredigion, Sir Benfro a Phowys - dros 515,000 o bobl sy’n cynyddu’n sylweddol gyda thwristiaid bob blwyddyn. Dewch i gwrdd a PC Helen Yelland i glywed am y gwaith, ymyrchoedd a'r cymorth sydd ar gael i chi.
Iechyd, Diogelwch ac Amgylchedd	Cadwch yn ddiogel y gaeaf hwn. Cadwch yn gyfreithlon. Paratowch. Gall tywydd y gaeaf greu amodau gyrru heriol, ond gall ychydig o wiriadau syml leihau eich risg ar y ffordd yn sylweddol. Ewch i'n stondin am gyngor ymarferol. Paratowch eich cerbyd. Amddiffynnwch eich hun. Cyrhaeddwch yn ddiogel.
Parkrun Aberystwyth	Parkrun Aberystwyth a parkrun ieuenctid Aberystwyth: cyfleoedd i gymryd rhan (cerdded/rhedeg) a gwirfoddoli.
Rhwydweithiau staff	Dewch i gwrdd ag aelodau o amryw rwydweithiau a grwpiau staff, a chlywed am y cyfarfodydd a’r digwyddiadau sydd ar ddod, a sut i gymryd rhan.
Tîm Estyn Allan Datblygu Cymunedol Hywel Dda (CDOT)	Mae CDOT yn darparu gwybodaeth am iechyd sy'n helpu unigolion i wneud dewisiadau am eu hiechyd a'u lles ar sail gwybodaeth gadarn (gan gynnwys rhoi'r gorau i ysmygu, yfed llai o alcohol, imiwneiddio a brechiadau, a bwyta a byw'n iach).
Undebau Llafur	UCU, UNSAIN ac UNITE - gwybodaeth am y cymorth sydd ar gael, aelodaeth, a'r manteision a'r gwasanaethau.

Sgyrsiau a gweithdai Iechyd a Lles (9.30yb - 3.00yp)

Rhaglen o sgyrsiau a gweithdai i'w chynnal yn Medrus 2, Medrus 3 ac ar-lein

Amser	Sgwrs/ Gweithdy	Lleoliad
9.30yb - 10.20yb	Making Work Work for You: Understanding Adjustment Passports \| Cofrestrwch yma Rachel Harris, Cynghorydd gweithrediadau AD Bydd y sesiwn hon yn esbonio sut y gall Pasbortau Addasu gefnogi lles staff trwy ddarparu ffordd syml o gofnodi addasiadau yn y gweithle ac anghenion cymorth y cytunwyd arnynt. P'un a ydych chi’n dychwelyd o absenoldeb salwch, yn rheoli cyflwr iechyd, anabledd, neu amgylchiadau eraill, gall Pasbortau Addasu helpu i sicrhau bod cymorth yn cael ei ddeall, ei gofnodi a'i gynnal dros amser.	Medrus 3
10.30yb - 11.20yb	Gweithdy Celf i Bawb \| Cofrestrwch yma (wedi'i gyfyngu i'r 10 cyntaf i gofrestru) Rhys Pugh, Tiwtor Dysgu Gydol Oes Cymerwch seibiant ystyriol o ofynion y diwrnod gwaith gyda'r gweithdy celf pensil ymlaciol, cyfeillgar hwn i ddechreuwyr. Trwy ymarferion darlunio syml, arlliwio ysgafn, ac ystyried siapiau a gweadau, cewch gyfle i arafu, anghofio am bwysau gwaith, a chanolbwyntio ar yr eiliad honno. Nid oes angen unrhyw brofiad artistig - dim ond parodrwydd i arbrofi, bod yn greadigol, a mwynhau ychydig o amser tawel, adferol i chi'ch hun. Mae'r gweithdy hwn yn seiliedig ar y cwrs Art for All a gynigir gan Dysgu Gydol Oes.	Medrus 2
10.30yb - 11.20yb	Creu Eich Pwrs Eich Hun \| Cofrestrwch Yma (wedi'i gyfyngu i'r 25 cyntaf i gofrestru) Robyn Carlson, Tiwtor Dysgu Gydol Oes Gweithdy hamddenol, creadigol sy'n rhoi cyfle i staff gymryd seibiant o'u hamserlen brysur, ymlacio a chanolbwyntio ar eu lles. Bydd modd i gyfranogwyr wneud eu pwrs bach eu hunain i ddal darnau arian, gan ymarfer eu creadigrwydd wrth gysylltu â chydweithwyr mewn lleoliad cyfeillgar ac anffurfiol. Bydd pawb yn gadael gyda phwrs wedi'i wneud â llaw, ac ymdeimlad o gyflawniad, tawelwch ac egni adnewyddedig. Mae'r gweithdy hwn yn seiliedig ar y cwrs Sewing for Beginners a gynigir gan Dysgu Gydol Oes.	Medrus 3
10.30yb - 11.20yp	Lessons from Positive Psychology: The Importance and Function of Positive Emotions \| Cofrestrwch yma Anna Udalowska, Tiwtor Dysgu Gydol Oes Pa rôl y mae emosiynau cadarnhaol yn ei chwarae yn ein lles, a sut allwn ni feithrin mwy ohonynt yn ein bywydau bob dydd? Gan dynnu ar ymchwil mewn Seicoleg Gadarnhaol, bydd y gweithdy rhyngweithiol hwn yn ystyried swyddogaeth emosiynau cadarnhaol a'u rôl wrth ein helpu i ffynnu. Byddwn yn cyflwyno'r Ddamcaniaeth Ehangu ac Adeiladu i ddeall sut y gall emosiynau cadarnhaol ehangu ein meddwl a'n helpu i adeiladu adnoddau seicolegol parhaol. Byddwn hefyd yn ystyried ymyriadau seicoleg gadarnhaol sy'n seiliedig ar dystiolaeth ar gyfer cynyddu emosiynau cadarnhaol ac yn trafod yr hyn y mae ymchwil yn ei ddweud wrthym am y cydbwysedd rhwng emosiynau cadarnhaol a negyddol sy'n cefnogi lles. Mae'r gweithdy hwn yn seiliedig ar y cwrs Applied Positive Psychology a gynigir gan Dysgu Gydol Oes.	Ar-lein
1.00yp - 2.00yp	Taith Cerdded Lles \| Cofrestrwch yma Dewch i ymuno â Chlwb Cerdded y Brifysgol am daith gerdded (tua 45 munud) drwy’r campws a'r coed. Mae’n gyfle gwych i ddianc o’r ddesg, arsylwi ar fyd natur, a sgwrsio ag eraill! Byddwn yn cyfarfod yn Nerbynfa'r Brifysgol (Campws Penglais) am 1.00 yp yr unig ystyriaethau wrth gerdded yw bod pawb yn gwisgo esgidiau addas, dillad addas i’r dirwedd a'r tywydd, a chadw'r cyflymder i gyd-fynd â'r cerddwr arafaf. Opsiwn i godi sbwriel ar y daith Fe welwch ddyddiadau digwyddiadau’r dyfodol a’r llwybrau cerdded diweddaraf ar safle y Clwb Cerdded ar Teams (dwy daith gerdded y mis ar gampws Penglais a champws Gogerddan).	Campws Penglais
2.10yp - 3.00yp	The Role of Self Compassion in the workplace \| Cofrestrwch yma Jenny Smith - Tiwtor Dysgu Gydol Oes (Seicoleg) Mae hunandosturi yn cael ei gydnabod fwyfwy fel adnodd seicolegol hanfodol yn y gweithle. Gall gefnogi ein lles trwy adeiladu gwir wydnwch a helpu i liniaru ein hymateb i straen o ran y pwysau, y gofynion a’r ansicrwydd niferus yr ydym yn eu hwynebu. Bydd y gweithdy rhagarweiniol hwn yn cynnig ystyriaeth brofiadol ac ymarferol o sut i ddatblygu'r dull hwn o ddod yn fwy sylwgar, caredig ac ymatebol i ni ein hunain.	Medrus 3

Gwirfoddoli i blannu coed a llwyni (10.30yb & 11.30yb)

10.30yb - 11.30yb | Cofrestru'ch diddordeb
11.30yb - 12.30yp | Cofrestru’ch diddordeb

Yn rhan o ddiwrnod Iechyd a Lles y Staff rydym yn chwilio am wirfoddolwyr i gymryd rhan mewn plannu coed a llwyni i greu ardal cyfoethogi bioamrywiaeth newydd wrth ymyl y Ganolfan Chwaraeon. Mae’r gwaith hwn yn rhan o uchelgais ehangach y Brifysgol i ddiogelu a chyfoethogi bioamrywiaeth ym mhob rhan o’n hystad, drwy greu perthi cynhenid newydd, plannu coed a chreu mwy o fannau cyfeillgar i beillwyr sydd mor hygyrch â phosib fel y bydd pobl yn gallu cael budd o’r cysywllt agos â byd natur. Mae perthi a choetiroedd newydd yn darparu adnoddau hanfodol i famaliaid, adar a phryfed. Yn ogystal â bod yn gynefin pwysig ynddynt eu hunain, maent hefyd yn goridorau sy’n galluogi bywyd gwyllt i symud rhwng cynefinoedd ynysig.

Bydd 2 sesiwn blannu ar y diwrnod – pob un yn para rhyw awr. I gofrestru os oes gennych ddiddordeb mewn dod i’r naill sesiwn neu’r llall, llenwch y ffurflen cofrestru hon.

Taith Cerdded Lles (1.00yp - 2.00yp)

Taith Cerdded Lles (1.00yp - 2.00yp) | Cofrestrwch yma

Dewch i ymuno â Chlwb Cerdded y Brifysgol am daith gerdded (tua 45 munud) drwy’r campws a'r coed. Mae’n gyfle gwych i ddianc o’r ddesg, arsylwi ar fyd natur, a sgwrsio ag eraill!

Byddwn yn cyfarfod yn Nerbynfa'r Brifysgol (Campws Penglais) am 1.00 yp
yr unig ystyriaethau wrth gerdded yw bod pawb yn gwisgo esgidiau addas, dillad addas i’r dirwedd a'r tywydd, a chadw'r cyflymder i gyd-fynd â'r cerddwr arafaf.
Opsiwn i godi sbwriel ar y daith

Fe welwch ddyddiadau digwyddiadau’r dyfodol a’r llwybrau cerdded diweddaraf ar safle y Clwb Cerdded ar Teams (dwy daith gerdded y mis ar gampws Penglais a champws Gogerddan).

Cariad.Dog (9.30yb - 3.00yp)

Dewch i gwrdd â Cariad.Dog - cŵn cymorth a'u perchnogion gwirfoddol - lleddfu straen wrth gael dêt 'da ci!

Mae Cariad.Dog yn creu cysylltiadau cydsyniol rhwng bodau dynol a chŵn er lles i'w gilydd.

Mi fydd Cariad.Dog yn y Ffair Iechyd Da ar yr amserau canlynol:

9.30yb - 11.00yb: Thor a Jo
11.00yb - 12.30yp: Ash a Charlotte
1.30yp - 3.00yp: Milo a Jackie

Cyffwrdd â Choeden Drofannol (10.00yb i 3.00yp)

Cyffwrdd â Choeden Drofannol (10.00yb i 3.00yp) | Cofrestrwch yma

Wyddoch chi fod gardd drofannol gudd ar Rhiw Penglais?

Cymerwch egwyl fach ar Ddydd Lles a chamu mewn i wres ein tŷ gwydr trofannol. Darganfyddwch goed banana, coco a afocado, archwiliwch ein casgliad o blanhigion anarferol, a dysgwch ychydig am y rhywogaethau sy’n tyfu’n union ar eich carreg drws.

Galwch heibio unrhyw bryd yn ystod ein oriau agor: 10yb i 3yp.

Sut i ddod o hyd i ni: Cerddwch i fyny’r rhodfa sydd ar draws y campws tuag at Goedwig Penglais, cymerwch y troiad cyntaf i’r dde a dilynwch yr arwyddion.