Coroni’r Adran Saesneg ac Ysgrifennu Creadigol yn Adran y Flwyddyn Aberystwyth

Llwyddodd yr Adran Saesneg ac Ysgrifennu Creadigol i gipio teitl Adran y Flwyddyn yng Ngwobrau Dysgu, Addysgu a Phrofiad y Myfyrwyr.

Cynhelir y gwobrau blynyddol, a dderbyniodd dros 700 o enwebiadau gan fyfyrwyr, gan undeb myfyrwyr y Brifysgol, Undeb Aberystwyth.

Roedd dau gategori newydd eleni ar gyfer Hyrwyddwr Niwroamrywiaeth a Hyrwyddwr Myfyriwr Rhyngwladol a chyfanswm o 16 gwobr.

Llwyddodd yr Adran Saesneg ac Ysgrifennu Creadigol, sy'n rhan o’r Ysgol Ieithoedd a Llên, i ennill cyfanswm o dair gwobr. Enillodd Dr Alex Hubbard wobrau Darlithydd y Flwyddyn ac Ymrwymiad i Gyflogadwyedd Myfyrwyr. Gwnaeth yr adran Ystadau, Cyfleusterau a Phreswylfeydd hefyd ennill tair gwobr.

Cafwyd canmoliaeth eang i'r Adran Saesneg ac Ysgrifennu Creadigol. Dywedodd un o enwebwyr Dr Hubbard:

"Mae [ei] egni, brwdfrydedd, diwydrwydd a chymhwysedd proffesiynol, a'i wybodaeth a'i sylfaen o sgiliau, yn asedau gwerthfawr sydd o fudd sylweddol i waith yr Adran Saesneg ac Ysgrifennu Creadigol."

Dywedodd yr Athro Anwen Jones, Dirprwy Is-Ganghellor: Addysg a Phrofiad y Myfyrwyr ym Mhrifysgol Aberystwyth:

"Llongyfarchiadau i’r holl enillwyr ac i bawb a enwebwyd am wobr eleni. Mae'r ganmoliaeth a dderbyniwyd ar gyfer pob un o'r enwebeion yn dyst i’r parch sydd gan ein myfyrwyr tuag atynt ac yn tanlinellu ein henw da am addysgu a phrofiad y myfyrwyr."

Dywedodd Will Parker, Swyddog Materion Academaidd Undeb Aber:

"Mae'r Gwobrau Dysgu, Addysgu a Phrofiad y Myfyrwyr blynyddol yn un o'r uchafbwyntiau yn y calendr academaidd ac yn dyst i'r gwaith caled a wnaed gan staff a myfyrwyr yn ystod y 12 mis diwethaf. Hoffwn longyfarch yr holl enillwyr yn ogystal â'r rhai a enwebwyd."

Yr enillwyr yn llawn:

Aelod Staff sy'n Fyfyriwr y Flwyddyn  
Karen McGuirk

Darlithydd y Flwyddyn 
Dr Alexander Hubbard (Yr Adran Saesneg ac Ysgrifennu Creadigol)

Cynrychiolydd Academaidd y Flwyddyn
Abi Shipman

Aelod Staff Ategol/Gwasanaeth y Flwyddyn           
Kirsten Foerster (Marchnata a Denu Myfyrwyr)

Myfyriwr-Wirfoddolwr y Flwyddyn         
Francesco Lanzi

Mentor Myfyrwyr y Flwyddyn
Mary Rendell (Gwasanaethau Myfyrwyr)

Goruchwyliwr y Flwyddyn          
Dr Eryn White (Adran Hanes a Hanes Cymru)

Adran y Flwyddyn      
Saesneg ac Ysgrifennu Creadigol

Pencampwr Diwylliant Cymreig          
Nel Jones

Athro Ôl-raddedig y Flwyddyn    
Harry Marsh

Tiwtor Personol y Flwyddyn   
Dr Martine Robson (Adran Seicoleg)

Hyrwyddwr Rhyddid
Tristan Wood a Marty Fennell (Ystadau, Cyfleusterau a Phreswylfeydd)

Hyrwyddwr Myfyriwr Rhyngwladol     
Alex Molotska (Undeb Aberystwyth)

Hyrwyddwr Cynaliadwyedd y Flwyddyn           
Daniel Teelan (Ystadau, Cyfleusterau a Phreswylfeydd)

Gwobr Ymrwymiad i Gyflogadwyedd Myfyrwyr
Dr Alexander Hubbard (Saesneg ac Ysgrifennu Creadigol)

Hyrwyddwr Niwroamrywiaeth
Dr Emma Sheppard (Yr Adran Daearyddiaeth a Gwyddorau Daear)