shortlist.me

Mae'r platfform yn canolbwyntio ar ddysgu drwy senarios realistig ac ymarfer dro ar ôl tro. Mae'r profion addasrwydd wedi'u cynllunio i adlewyrchu'r rhai a ddefnyddir gan lawer o gyflogwyr yn ystod prosesau recriwtio, a gallant eich helpu i ddatblygu sgiliau megis rhesymu beirniadol, gwneud penderfyniadau a datrys problemau.  

Mae'r gweithgareddau'n canolbwyntio ar bynciau megis: 

• Meddwl yn feirniadol 
• Rhesymu rhifiadol a geiriol 
• Rhesymu beirniadol 
• Rheoli amser 
• Sgiliau arwain a sgiliau yn y gweithle 

Dim ond ychydig funudau y mae pob gweithgaredd yn eu cymryd, gan ganiatáu i chi ddysgu ar eich cyflymder eich hun.  

I gael mynediad at unrhyw weithgaredd, mewngofnodwch gan ddefnyddio eich cyfeiriad e-bost a'ch cyfrinair Prifysgol Aberystwyth. 

Eich CV yn aml yw'r peth cyntaf y bydd cyflogwyr yn ei weld, a dyna lle mae CV Co-pilot yn gallu helpu. Mae'r adnodd cam wrth gam hwn wedi'i gynllunio I'ch helpu i greu, gwella a theilwra eich CV er mwyn iddo sefyll allan.

I gael mynediad at CV Co-pilot, mewngofnodwch gan ddefnyddio eich cyfeiriad e-bost a'ch cyfrinair Prifysgol Aberystwyth.   

Mae CV Co-pilot yn cynnwys pedwar offeryn: 

• Adeiladwr CV (CV Creator) - yn eich helpu i greu CV proffesiynol o'r dechrau drwy eich arwain drwy gyfres o gwestiynau am eich sgiliau, eich profiad a'ch cyflawniadau. 
• Gwirydd CV (CV Optimiser) - yn caniatáu i chi lwytho CV presennol a derbyn adborth ar ei strwythur, ei gynnwys, ei sillafu a'i ramadeg. 
• Targedydd CV (CV Targeter) - yn eich helpu i deilwra eich CV ar gyfer swyddi penodol drwy gymharu eich profiad â disgrifiad swydd ac awgrymu gwelliannau perthnasol. 
• Cyfwelwr CV (CV Interviewer) - yn creu cwestiynau cyfweld wedi'u personoli yn seiliedig ar eich CV ac yn darparu adborth wedi'i bweru gan ddeallusrwydd artiffisial (AI) i'ch helpu i baratoi ar gyfer cyfweliadau. 

Ymarferwch eich sgiliau cyfweld drwy borth shortlist.me gan ddefnyddio senarios cyfweld realistig o amrywiaeth o sectorau a meysydd gyrfa. Cofnodwch eich ymatebion, adolygwch eich perfformiad a derbyniwch adborth personol i'ch helpu i feithrin hyder cyn cyfweliad go iawn.  

Prif Nodweddion 

• Cwestiynau cyfweld realistig ar draws amrywiaeth o sectorau 
• Adborth wedi'i gynhyrchu gan ddeallusrwydd artiffisial (AI) sydd wedi'i deilwra i'ch ymatebion 
• Cyfle i adolygu ac ail-gofnodi atebion 
• Amgylchedd ymarfer preifat

I gael mynediad at unrhyw gyfweliad, mewngofnodwch gan ddefnyddio eich cyfeiriad e-bost a'ch cyfrinair Prifysgol Aberystwyth. 

Adborth 

Ar ôl cwblhau cyfweliad ymarfer, byddwch yn derbyn adborth i'ch helpu i wella eich techneg gyfweld a'ch hyder. Mae'r rhan fwyaf o'r adborth yn cael ei gynhyrchu gan ddeallusrwydd artiffisial (AI) ac fel arfer bydd ar gael o fewn awr i gwblhau gweithgaredd. Gall rhai gweithgareddau hefyd gynnwys adborth gan aelod o staff.