Newyddion a Digwyddiadau

Am y diweddaraf am systemau a gwasanaethau'r Brifysgol, ewch i Statws Gwasanaethau PA

Newid i'r system archebu ystafell astudio yn Llyfrgell Hugh Owen

13/11/2025

Mae newid ar y gweill i’r system archebu ystafelloedd astudio yn Llyfrgell Hugh Owen. Bydd defnyddwyr brwd eisoes wedi sylwi bod yr hen sgriniau archebu / joan boards wedi mynd.

Byddwn yn darparu manylion am y ffordd newydd, gyfleus ichi reoli’ch archebion cyn gynted â phosibl.

Yn y cyfamser, cewch wirio pa ystafelloedd sydd ar gael, ac archebu yma: https://faqs.aber.ac.uk/cy/2607

Helpwch i Siapio'ch Mannau Astudio!

12/11/2025

Rydyn ni am i’ch mannau astudio weithio'n well i chi. Rhannwch eich meddyliau yn ein harolwg byr a dywedwch wrthym beth sydd ei angen arnoch: https://forms.office.com/e/9drDmqFDxY 

Os oes gennych unrhyw gwestiynau am yr arolwg hwn, cysylltwch â’r llyfrgell

Bydd yr arolwg yn cau 25/11/2025

Desg gymorth mathemateg

12/11/2025

Eisiau ychydig o help ac arweiniad ar gwestiwn mathemateg neu ystadegau?

Ymwelwch â’r sesiwn galw-heibio mathemateg ac ystadegau wythnosol (yn ystod tymor)

  • Dydd Iau
  • 10:00-13:00
  • Lefel D, Llyfrgell Hugh Owen (drws nesaf i’r man gwerthu)

Gallwch hefyd anfon neges e-bost i maths-help@aber.ac.uk gyda'ch ymholiad os na allwch wneud y sesiwn galw-heibio.

Aseiniadau

03/11/2025

Wedi derbyn cwestiwn eich aseiniad cyntaf? Traethawd, adroddiad, cyflwyniad, poster academaidd? Ddim yn siwr beth sydd ei angen na beth mae geiriau’r dasg yn ei olygu?

Dewch o hyd i ffeithluniau 'Sut i ysgrifennu...' a chanllawiau cryno ar gyfer gwahanol fathau o aseiniadau ar SgiliauAber: https://www.aber.ac.uk/cy/aberskills/writing-assignments

#YmaIchHelpuChi

DA, PA a ti

04/11/2025

Mae DA ym mhobman, hyd yn oed yn y brifysgol. Dysgwch sut i’w ddefnyddio yn gall gyda’n tiwtorial rhyngweithiol newydd.

Ar gael nawr drwy Blackboard (Mudiadau - Cwrs Llythrennedd DA)

 

O 1 Rhagfyr ymlaen: llif gwaith llyfrnodi newydd yn Aspire ar gyfer staff sy'n defnyddio'r estyniad porwr

07/11/2025

O 1 Rhagfyr, wrth ddefnyddio’r estyniad porwr i ychwanegu adnoddau llyfrgell at restrau darllen eich modiwlau yn Aspire, fe welwch lif gwaith newydd a gwell sy’n cynnig y canlynol:

  • Rhagolwg o’ch llyfrnod cyn ei ychwanegu at y rhestr ddarllen
  • Dewis rhwng ffynonellau amgen gyda’r un teitl
  • Os bydd angen gwneud newidiadau, mae’r ffurflen Golygu adnodd bellach yn dangos dewisiadau’r ddewislen fel botymau mewn panel cyfochrog

Cewch ganllaw cam wrth gam yn yr erthygl gymorth gan Talis, neu gallwch wylio’r fideo byr. 

Mae croeso i chi gysylltu â'ch llyfrgellydd pwnc neu'r Tîm Cysylltiadau Academaidd i ofyn iddynt ddangos sut mae’r broses newydd yn gweithio.

Angen arweiniad ar gyfeirnodi?

07/11/2025

Mae cyfeirnodi’n rhan hanfodol o ysgrifennu academaidd. Mae’n sicrhau cydnabyddiaeth briodol i ffynonellau. Ewch i’r adran Cyfeirnodi ar SgiliauAber i ddysgu sut i gyfeirnodi’n gywir pob ffynhonnell a ddefnyddiwch yn eich gwaith, a deall goblygiadau methu â gwneud hynny: https://www.aber.ac.uk/cy/aberskills/referencing/

Eisiau gwella eich ysgrifennu academaidd?

10/11/2025

Trefnwch sesiwn rhad ac am ddim â’n Cymrawd Ysgrifennu dan nawdd y Gronfa Lenyddol Frenhinol, Samantha Wynne Rhydderch. Mae Samantha yn awdur proffesiynol, cyhoeddedig, a’i rôl yw eich helpu i gryfhau a gwella eich sgiliau ysgrifennu.

  • Ar gael i staff ac i fyfyrwyr o unrhyw ddisgyblaeth ac ar unrhyw lefel – o’r flwyddyn gyntaf i ôl-raddedig.
  • Cefnogaeth un-i-un wedi’i theilwra i’ch anghenion.

Ewch i SgiliauAber 1:1 am fanylion ar sut i archebu apwyntiad.

Ewch â’ch ysgrifennu i’r lefel nesaf!

Staff a Myfyrwyr: Gwneud cais am sgan gyda'r Gwasanaeth Digideiddio

24/10/2025

Ydych chi angen sgan o bennod mewn llyfr, erthygl mewn cyfnodolyn, neu draethawd ymchwil sy'n cael ei gadw fel fersiwn argraffedig yn y llyfrgell? Gallwch nawr wneud cais yn hawdd trwy ein Gwasanaeth Digideiddio.

Ewch i Primo a dewis DIGIDEIDDIO o'r bar dewislen ar frig y dudalen. Ar y dudalen we, dewiswch y math o adnodd rydych chi'n chwilio amdano (erthygl, pennod, traethawd ymchwil) a chwblhewch y ffurflen fer.

Bydd ein tîm yn gwirio hawlfraint, yn sganio'r deunydd, ac yn anfon y copi digidol atoch yn uniongyrchol i’ch e-bost Prifysgol Aber, gan arbed amser ac ymdrech i chi.

Oriau agor Llyfrgell Hugh Owen i'r tymor newydd

08/08/2024

O ddydd Sadwrn 20 Medi, bydd Llyfrgell Hugh Owen ar agor 08:30 i 22:00 bob diwrnod yr wythnos yn ystod y tymor. Mae Lefel D (y llawr gwaelod) ar agor 24/7.

Gwiriwch yr oriau agor y Llyfrgell ar ein calendr ar-lein yma: https://www.aber.ac.uk/cy/is/about/opening-hours/

Diweddariad Blackboard fis Tachwedd

07/11/2025

Hoffai’r Grwp Addysg Ddigidol dynnu sylw at welliannau yn niweddariad Blackboard fis Tachwedd: 

  • Cynhyrchu neu uwchlwytho Bathodynnau Cyflawniad wedi’u haddasu
  • Anfon negeseuon at fyfyrwyr yn awtomatig yn seiliedig ar reolau lefel cwrs 
  • Newid pwyntiau cwestiynau mewn swmp ar gyfer profion
  • Gwell llywio ym mhenawdau colofnau’r Llyfr Graddau

Am fanylion pellach, gweller ein blog: Beth sy’n newydd yn Blackboard Tachwedd 2025.

Cymorth 1:1 gyda SgiliauAber

20/10/2025

P'un a oes angen arweiniad ysgrifennu academaidd, cyngor gyrfa, llyfrgell, lles neu gymorth technegol arnoch (...a llawer mwy!) bydd gennych fynediad at gefnogaeth pwrpasol 1:1 i'ch helpu i gyrraedd eich potensial academaidd llawn. Archwiliwch y rhestr o wasanaethau cymorth 1:1 yn SgiliauAber: https://www.aber.ac.uk/cy/aberskills/one-to-one-appointments/  

Pa sgiliau academaidd sydd gennych?

13/10/2025

Ydych chi'n gwybod pa sgiliau academaidd sydd gennych? Eisiau gwella a datblygu eich sgiliau?  Dysgwch sut gall SgiliauAber eich helpu. Mwy o wybodaeth: https://www.aber.ac.uk/cy/aberskills/