Dy Pilates ar Beiriant mewn Grwpiau Bach

+ Hyfforddwyr Pilates ar Beiriant cymwysedig a phrofiadol

+ Hyfforddi mewn grŵp bach gydag uchafswm o 5 cyfranogwr

+ Rhaglenni strwythuredig 4 wythnos i gefnogi cynnydd hirdymor

+ Gwella cryfder a sefydlogrwydd craidd

+ Cynyddu hyblygrwydd a symudedd

+ Gwella ystum ac ymwybyddiaeth o'r corff

+ Adeiladu cryfder main gydag ymarfer corff effaith isel

+ Addas ar gyfer ystod o lefelau ffitrwydd

Darganfydda fanteision Pilates ar Beiriant mewn Grwpiau Bach yn Stwdio 5. Gan ddefnyddio peiriannau arbenigol, mae'r sesiynau hyn dan arweiniad hyfforddwyr yn darparu ymarfer corff llawn wedi'i gynllunio i wella cryfder, hyblygrwydd, ystum a sefydlogrwydd craidd.

Cynhelir y sesiynau fel rhaglenni bloc 4 wythnos, gyda chyfranogwyr yn mynychu un sesiwn 60 munud yr wythnos. Mae'r dull strwythuredig hwn yn dy alluogi i ddatblygu dy dechneg, adeiladu hyder a chyflawni cynnydd cyson dros gyfnod pob bloc.

Gyda dim ond 5 peiriant ar gael fesul sesiwn, byddi di’n elwa o brofiad mwy personol, gwell arweiniad gan yr hyfforddwr a mwy o gefnogaeth trwy gydol dy daith Pilates ar Beiriant.

P'un a wyt yn newydd i Bilates ar Beiriant neu eisiau adeiladu ar brofiad presennol, gellir addasu dy sesiynau i weddu i ystod o alluoedd a lefelau ffitrwydd.

Mae Pilates ar Beiriant yn addas ar gyfer:

• Dechreuwyr sydd eisiau magu hyder gyda chyfarwyddyd
• Unigolion sydd eisiau gwella cryfder a hyblygrwydd
• Unigolion sy'n dychwelyd i ymarfer corff ar ôl seibiant
• Unigolion heini sy'n ceisio gwella eu symudiad a’u perfformiad
• Unrhyw un sy'n chwilio am ymarfer corff effaith isel ond hynod effeithiol

Bydd aelodau Chwaraeon Aber yn mwynhau cyfraddau gostyngol unigryw ar bob rhaglen floc Pilates ar Beiriant.

Mae ein blociau 4 wythnos yn berffaith ar gyfer cadw dy gynnydd personol a dy boced ar y trywydd iawn, gan dy helpu i ymrwymo i hyfforddiant rheolaidd tra'n sicrhau'r cyfraddau gorau sydd ar gael i aelodau.

Cyfradd i Aelodau: £50 y person. Yn cynnwys un sesiwn Pilates ar Beiriant am 60 munud yr wythnos dros rhaglen floc 4-wythnos.

Cyfradd i rai nad ydynt yn aelodau: £80 y person. Yn cynnwys un sesiwn Pilates ar Beiriant am 60 munud yr wythnos dros rhaglen floc 4-wythnos.

Hyd y Rhaglen: Blociau 4 wythnos

Lansio’r Bloc Cyntaf: Wythnos yn cychwyn ar 19 Hydref 2026

Fformat y Sesiwn: Un sesiwn 60 munud yr wythnos

Maint y Grŵp: Uchafswm o 5 cyfranogwr fesul sesiwn

Diwrnodau y mae ar gael: Diwrnodau penodol o’r wythnos ar gael (yn amodol ar argaeledd yr amserlen)

Gwybodaeth Archebu: Bydd blociau newydd 4 wythnos o Pilates ar Beiriant mewn Grwpiau Bach yn cael eu cyflwyno'n rheolaidd trwy gydol y flwyddyn, gyda dyddiadau dechrau newydd yn lansio bob ychydig wythnosau. Mae hyn yn darparu hyblygrwydd i ymuno â bloc sy'n gweddu i dy amserlen tra'n cynnal cysondeb yn dy hyfforddiant.

Prisiau:

Cyfradd i Aelodau: £50 y person.

Yn cynnwys un sesiwn Pilates ar Beiriant am 60 munud yr wythnos dros rhaglen floc 4-wythnos.

Cyfradd i rai nad ydynt yn aelodau: £80 y person.

Yn cynnwys un sesiwn Pilates ar Beiriant am 60 munud yr wythnos dros rhaglen floc 4-wythnos.

Mae ein blociau 4 wythnos wedi'u cynllunio i sicrhau cynnydd rheolaidd a chynnig gwerth rhagorol ar yr un pryd. Bydd aelodau Chwaraeon Aber yn manteisio ar gyfraddau gostyngol unigryw ar bob rhaglen Pilates ar Beiriant.

Lle i 5 cyfranogwr sydd ym mhob grŵp a bydd lleoedd yn cael eu clustnodi ar sail y cyntaf i'r felin. Argymhellir archebu ymlaen llaw.