Cwestiynau Cyffredin Strwythur Aelodaeth

Rydym yn symleiddio ein strwythur aelodaeth i'w gwneud hi'n haws i gwsmeriaid ddod o hyd i'r aelodaeth fwyaf priodol ar gyfer eu hoedran, statws addysg, neu grŵp cyflogaeth. Bydd y newidiadau hyn yn creu ystod gliriach a mwy cyson o opsiynau aelodaeth wrth symud ymlaen.

Bydd y cynlluniau Aelodaeth Campfa Ieuenctid ar gyfer pobl ifanc 16-18 oed mewn Addysg Uwchradd yn cael eu dirwyn i ben. Bydd unrhyw un sy'n 16 oed neu'n hŷn ac sy'n dal i fod mewn Addysg Uwchradd neu mewn Addysg Amser Llawn bellach yn gymwys ar gyfer y cynllun Aelodaeth Myfyrwyr.

Ar yr un pryd, bydd yr aelodaeth a elwid yn flaenorol yn Aelodaeth Campfa Ieuenctid ar gyfer pobl ifanc 14-15 oed yn cael eu hailenwi’n Aelodaeth Iau, gan greu gwahaniaeth cliriach rhwng aelodau iau a'r rhai sy'n gymwys ar gyfer Aelodaeth Myfyrwyr.

Yn ogystal, bydd y cynllun Aelodaeth Gyswllt yn cael ei ddirwyn i ben a'i ymgorffori yn y cynllun Aelodaeth Gorfforaethol. Bydd aelodau a fyddai wedi bod yn gymwys ar gyfer Aelodaeth Gyswllt yn flaenorol bellach yn ymuno o dan y categori Aelodaeth Gorfforaethol.

Bydd yr aelodaeth bresennol Staff Wedi Ymddeol hefyd yn cael ei hailenwi’n aelodaeth Wedi Ymddeol. Mae'r newid hwn yn golygu na fydd yr aelodaeth bellach yn gyfyngedig i gyn aelodau staff y Brifysgol, a bydd unrhyw un sydd wedi ymddeol yn gymwys i ymuno o dan y categori hwn.

Mae'r newidiadau hyn yn cael eu cyflwyno i ddarparu strwythur aelodaeth cliriach, symlach a mwy cyson i gwsmeriaid a staff.

O 1 Medi 2026 ymlaen, bydd yr opsiynau aelodaeth yn cael eu grwpio o dan y categorïau isod:

• Aelodaeth Gymunedol
• Aelodaeth Myfyrwyr
• Aelodaeth Iau
• Aelodaeth Staff
• Aelodaeth Gorfforaethol
• Aelodaeth Wedi Ymddeol

Mae’n bosib y bydd pob categori ar gael gyda gwahanol opsiynau talu, gan gynnwys:

• 1 Flwyddyn Ymlaen Llaw
• 1 Flwyddyn Debyd Uniongyrchol
• 3 Mis Ymlaen Llaw (lle bo'n berthnasol)
• 1 Mis Ymlaen Llaw (lle bo'n berthnasol)
• 1 Mis Cyflogres (Staff yn unig)
• Tymor Preswyl (Myfyrwyr yn unig)
• Tymor Ymlaen Llaw (Myfyrwyr yn unig)
• Tymor Debyd Uniongyrchol (Myfyrwyr yn unig)

Gallwch. Os bydd eich amgylchiadau'n newid neu os ydych chi'n teimlo y byddai aelodaeth arall yn cyd-fynd yn well â'ch anghenion chi, gallwch newid i aelodaeth o fath gwahanol.

Bydd ein tîm yn hapus i drafod yr opsiynau sydd ar gael a'ch cynorthwyo i ddewis yr aelodaeth fwyaf priodol. I newid eich aelodaeth, ewch i Dderbynfa'r Ganolfan Chwaraeon a siaradwch ag aelod o staff, neu cysylltwch â ni drwy e-bost yn chwaraeon@aber.ac.uk.