Cymorth i Baratoi am Yrfa (CBY)

Mae ein tîm cyfeillgar CBY o Gynghorwyr Datblygu Cyflogadwyedd yn gweithio i'ch cefnogi gyda'ch anghenion cyflogadwyedd unigol.

Trwy CBY, cewch fynediad at:

• Hyfforddiant un-i-un wedi'i deilwra a mentora gan yr ymgynghorwyr
• Cymorth gyda CVs, ceisiadau a chyfweliadau
• Help i ddatblygu'r sgiliau proffesiynol y mae cyflogwyr yn chwilio amdanynt
• Cyfarfodydd â gweithwyr proffesiynol y diwydiant o amrywiaeth o sectorau (sesiynau Cwrdd â'r Gweithiwr Proffesiynol)
• Cyfleoedd i ymgymryd â phrofiadau Blasu Gwaith di-dâl o hyd at bythefnos, wedi'u trefnu'n unol â'ch nodau gyrfa. Cyfle i gymryd rhan mewn gweithdai datblygu sgiliau
• Mynediad at gyrsiau hyfforddi grŵp (megis Cymorth Cyntaf) a chefnogaeth gyda datblygiad a hyfforddiant unigol
• Cymorth ariannol i'ch galluogi i gymryd rhan mewn gweithgareddau sy'n datblygu eich cyflogadwyedd

Mae CBY ar gael i fyfyrwyr amser llawn o'u blwyddyn gyntaf ymlaen sy'n uniaethu ag un neu fwy o'r datganiadau canlynol:

Nid oes angen unrhyw dystiolaeth ffurfiol arnom, felly os ydych yn uniaethu ag unrhyw un o'r datganiadau uchod, mae'n debygol y bydd ein cefnogaeth ar gael i chi! Nid yw myfyrwyr sy'n dychwelyd i astudio ar ôl Blwyddyn Integredig lwyddiannus mewn Diwydiant neu Flwyddyn mewn Cynllun Cyflogaeth yn gymwys i gymryd rhan. Fodd bynnag, os nad aeth y flwyddyn yn dda iawn, cysylltwch â ni trwy crsupport@aber.ac.uk.

Os credwch fod un neu fwy o'r nodweddion hyn yn berthnasol i chi neu os nad ydych chi'n sicr, cwblhewch y ffurflen isod i gofrestru eich diddordeb.

Cofrestrwch eich diddordeb drwy lenwi'r Ffurflen Gymorth i Baratoi am Yrfa.

Os oes angen help arnoch i lenwi'r ffurflen neu os byddai'n well gennych chi gofrestru mewn ffordd arall, e-bostiwch ni ar crsupport@aber.ac.uk

Ar ôl i chi gyflwyno'r ffurflen, bydd aelod o'n tîm yn cysylltu â chi i gadarnhau eich cymhwysedd yn seiliedig ar y wybodaeth rydych chi wedi ei darparu. Os ydych chi'n gymwys, cewch eich ychwanegu at ein rhestr aros i gwrdd ag un o Gynghorwyr CBY, fydd yn trafod sut y gallwn eich cefnogi orau. Yna byddwch yn cael mwy o fanylion am y camau nesaf. 
 

Mae'r e-Hwb Cyflogadwyedd yn adnodd i fyfyrwyr mewn prifysgolion a cholegau yng Nghymru, wedi'i anelu at grwpiau nad ydynt mor gyffredin mewn addysg uwch. Mae'n darparu lle i chi gael gafael ar wybodaeth ac offer i wella eich rhagolygon cyflogadwyedd.

Mae Gwasanaeth Gyrfaoedd Prifysgol Aberystwyth wedi creu'r e-Hwb Cyflogadwyedd mewn partneriaeth â'r prifysgolion eraill yng Nghymru, a chyda chyllid gan Gyngor Cyllido Addysg Uwch Cymru.

Mae Prifysgol Aberystwyth wedi ymrwymo i gefnogi myfyrwyr a allai wynebu rhwystrau cyflogadwyedd ychwanegol oherwydd eu cefndir. Trwy Gymorth Paratoi am Yrfa (CBY) rydym yn darparu cymorth cyflogadwyedd wedi'i deilwra i helpu myfyrwyr sydd heb gynrychiolaeth ddigonol i feithrin y sgiliau, yr hyder a'r rhwydweithiau sydd eu hangen i lwyddo ar ôl graddio. Rydym yn gwahodd cyflogwyr, unigolion a darparwyr hyfforddiant i gydweithio â ni drwy gynnig profiadau hyblyg, ystyrlon (a gyflwynir yn rhithwir neu wyneb yn wyneb) i nerthu myfyrwyr. Yn ogystal â buddsoddi yn nyfodol myfyriwr drwy gynnig cyfle iddynt ddysgu mwy am eich sefydliad, eich rôl a'ch sector, gallech ddod o hyd i ddarpar recriwtiaid, elwa o safbwynt gwahanol a chael cyfle i ddangos eich cyfrifoldeb cymdeithasol. Isod mae rhai awgrymiadau ar sut i gymryd rhan.

• Cwrdd â Gweithiwr Proffesiynol, Un i Un: rhannwch daith eich gyrfa, eich rôl a'r sgiliau allweddol sydd eu hangen yn eich sector mewn cyfarfod un i un rhithiol neu wyneb yn wyneb gydag un o'n myfyrwyr
• Cwrdd â Gweithiwr Proffesiynol, Grŵp: rydym ni'n cydweithio â phrifysgolion eraill Cymru i gynnig cyfarfodydd grŵp cysylltiedig â diwydiant neu sgiliau penodol
• Blasu Gwaith Pwrpasol: cynnal myfyriwr am gyfnod byr (hyd at bythefnos) o brofiad gwaith di-dâl i'w helpu i ddysgu am wahanol swyddi, cwrdd â staff a magu hyder
• Blasu Gwaith Grŵp: croesawu grŵp o fyfyrwyr i ddysgu am eich sector, cwrdd â staff, a rhoi cynnig ar weithgareddau'r gweithle
• Gweithdy: cydweithio â ni i ddarparu gweithdai rhithwir neu wyneb yn wyneb ar bynciau fel rhwydweithio, cyfweliadau a sgiliau'r gweithle

Rydym yn awyddus i glywed am gyfleoedd gwirfoddoli, cynlluniau graddedigion a lleoliadau â thâl a allai wella cyflogadwyedd ein cyfranogwyr. E-bostiwch crsupport@aber.ac.uk os oes gennych chi ddiddordeb mewn cydweithio.

Rydym yn annog atgyfeiriadau gan staff sy'n gweithio'n agos gyda myfyrwyr sy'n wynebu rhwystrau i gyflogaeth ar lefel raddedig. Mae Cymorth i Baratoi am Yrfa (CBY) yn cynnig datblygiad cyflogadwyedd wedi'i deilwra ar gyfer y rhai sy'n teimlo'n ansicr ynglŷn â'r dyfodol, boed hynny oherwydd diffyg hyder, dim digon o brofiad gwaith, neu ddiffyg rhwydweithiau proffesiynol.

I atgyfeirio, adolygwch yr adran uchod Pwy Sy'n Cael Cymryd Rhan? gyda'r myfyriwr a'u cyfeirio i gofrestru eu diddordeb. Fel arall, mae croeso i chi eu cyfeirio atom ni trwy anfon e-bost at crsupport@aber.ac.uk ac anfon copi i'r myfyriwr (CC) a byddwn yn cysylltu'n uniongyrchol gyda'r myfyriwr.

*Sylwch nad oes modd inni gefnogi myfyrwyr sydd wedi cael cymorth CRS yn y blynyddoedd academaidd blaenorol.