Hwb Gyrfaoedd

Hwb Gyrfaoedd

Hwb Gyrfaoedd yw eich man cychwyn i gael cymorth gyrfaoedd ym Mhrifysgol Aberystwyth. Wedi'i lleoli ar Lawr D Llyfrgell Hugh Owen, gall ein tîm cyfeillgar ddarparu cymorth o bob math, o gyngor ar ysgrifennu CV a cheisiadau am swyddi i syniadau am yrfaoedd, profiad gwaith a chyfleoedd i raddedigion. 

Rydym ar agor o ddydd Llun i ddydd Gwener yn ystod y tymor, 10am–4pm (gweler ein horiau agor yn ystod gwyliau). 

Ble Ydyn Ni?

Cymorth Galw Heibio

Nid oes angen apwyntiad. Galwch heibio i'r Hwb Gyrfaoedd yn ystod yr oriau agor a siaradwch ag aelod o'r tîm. P'un a oes gennych gwestiwn cyflym yn ymwneud â gyrfaoedd, eisiau adborth ar eich CV neu gais am swydd, neu angen cymorth i gynllunio eich camau nesaf, rydym yma i helpu.  

Mae sgyrsiau galw heibio fel arfer yn para 10–15 munud, yn dibynnu ar y galw. Os byddech chi'n elwa o gael trafodaeth hirach, gallwn eich helpu i archebu Sgwrs Gyrfaoedd gyda Chynghorydd Gyrfaoedd. 

Oriau Agor y Hwb Gyrfaoedd

Mae'r Hwb Gyrfaoedd ar agor yn ystod y tymor, o ddydd Llun i ddydd Gwener, 10am–4pm. 

Oriau agor yr haf (15 Mehefin–28 Awst) yw dydd Llun i ddydd Gwener, 10am–1pm. 

Os nad ydych chi’n gallu ymweld â'r Hwb, neu os byddai'n well gennych gael cymorth o bell, anfonwch e-bosti i gyrfaoedd@aber.ac.uk a bydd aelod o'r tîm yn hapus i helpu. 

Trefnu Sgwrs Gyrfaoedd

Chwilio am gymorth mwy personol? Mae ein Sgyrsiau Gyrfaoedd yn gyfle i drafod eich cynlluniau, eich syniadau a’ch cwestiynau mewn mwy o fanylder gyda Chynghorydd Gyrfaoedd profiadol yn ystod sgwrs 30 munud pwrpasol.

P'un a ydych chi'n ystyried eich dewisiadau gyrfaol, yn cynllunio eich camau nesaf neu’n adeiladu hyder ar gyfer cyfweliadau, rydyn ni yma i helpu. 

Mae’r Sgyrsiau Gyrfaoedd sydd ar gael drwy gyrfaoeddABER yn cynnwys:

  • Sgwrs Gyrfaoedd / Ffug gyfweliad
  • Sgwrs Gyrfaoedd i Fyfyrwyr Blwyddyn Olaf
  • Sgwrs Gyrfaoedd i Fyfyrwyr Rhyngwladol
  • Sgwrs Gyrfaoedd i Uwchraddedigion
  • Sgwrs Menter

Swyddi, Lleoliadau Gwaith a Chyfleoedd

Archwiliwch y cyfleoedd sydd ar gael trwy Gyrfaoedd ABER, gan gynnwys:

  • Gwaith rhan-amser
  • Lleoliadau gwaith
  • Interniaethau
  • Swyddi gwag i raddedigion
  • Cyfleoedd Gwirfoddoli
  • Digwyddiadau a gynhelir gan gyflogwyr a ffeiriau gyrfaoedd
  • Gweithdai Gyrfaoedd