Prosesu Cig

Cod y Modiwl: BBM8720
Teitl y Modiwl: Prosesu Cig
Blwyddyn Academaidd: 2026/2027
Semester: Semester DL
Cyd-gysylltydd y Modiwl: Dr Micael De Andrade-Lima
Rhestr Ddarllen: Gweld ar Aspire
Staff Eraill sy'n Cyfrannu: Dr Ifat Shah

Dulliau Asesu

Math o Assesiad	Manylion Assesiad	Cyfran
Asesiad Ailsefyll	Gall myfyriwr ail-sefyll elfennau asesiad sy'n cyfateb i'r rhai a arweiniodd at fethiant y modiwl.	100%
Asesiad Semester	Astudiaeth Achos (2000 o eiriau)	40%
Asesiad Semester	Adolygiad Llenyddol (2500 o eiriau)	35%
Asesiad Semester	Fforwm Ar-lein (1200 o eiriau)	25%

Canlyniadau Dysgu

Wedi cwblhau'r modiwl dylai'r myfyrwyr fedru:

1. Esbonio'r heriau cyfredol a rhai'r dyfodol sy'n gysylltiedig â phrosesu cig yn y cadwyni cyflenwi bwyd a bioseiliedig.
2. Esbonio'r newidiadau biocemegol post-mortem mewn cyhyrau a'u harwyddocâd ar ansawdd cig.
3. Gwerthuso'r ystod o fethodolegau a thechnolegau a ddefnyddir i fesur carcas ac ansawdd cig.
4. Archwilio rol cynhwysion wrth ddatblygu cynnyrch cig.
5. Cynnig dulliau posibl ar gyfer datblygu cynhyrchion cig diogel, iach a maethlon.
6. Gwerthuso rol technolegau newydd ar gyfer prosesu a chynhyrchu cig cynaliadwy.

Disgrifiad cryno

Gyda thueddiadau'r farchnad gystadleuol yn y sector cig a'r galw cynyddol am gig oen a chig eidion o Gymru y tu allan i'r DU, yn ogystal a sector cig gwyn sy'n tyfu; mae diwydiant cig Cymru yn edrych yn gyson am ddulliau arloesol ac effeithlon i sicrhau twf cynaliadwy. Bydd y modiwl hwn yn cael ei gyflwyno trwy gyfuniad o ddysgu ar-lein a gweithdai, gan ganolbwyntio ar wahanol agweddau o brosesu cig ar gyfer cynnyrch diogel, iach a maethlon. Mae'r modiwl yn gwneud cydbwysedd perffaith rhwng gwyddoniaeth prosesu cig a datblygu cynnyrch cig. Bydd o werth i broseswyr cig, manwerthwyr neu unrhyw un sy'n dechrau busnes newydd yn y sector cig.

Cynnwys

Bydd y cwrs yn gyfres o ddarlithoedd a dysgu dan arweiniad gyda phwyslais ar:

Cyflwyniad i brosesu cig: mathau o gig a chategorïau, cyfansoddiad carcas, bileg cynhyrau, strwythur a nodweddion cyhyrau, prosesu cig diwydiannol

Prosesu sylfaenol ar gyfer cig coch: gweithredau ladd, newidiadau biocemegol ol-mortem a'u harwyddocâd ar ansawdd cig coch, graddio carcasau a mesur ansawdd cig

Prosesu sylfaenol ar gyfer dofednod: prosesu sylfaenol dofednod, newidiadau biocemegol ol-mortem a'u harwyddocâd ar ansawdd cig gwyn, graddio carcasau a mesur ansawdd cig

Diogelwch microbiolegol, ansawdd ac ymestyn bywyd silff cig ffres: microbioleg cig a difetha, egwyddorion cadw cig

Technoleg arloesol mewn prosesu cig: dulliau breuo newydd, awtomeiddio a roboteg

Cig iach: cig fel bwyd swyddogaethol posibl, cynhyrchion probiotig, technegau ail-lunio

Datblygu cynnyrch cig: Cynhwysion a ddefnyddir, mathau o gynnyrch cig

Defnydd sgil-gynhyrchion a deunyddiau gwastraff gan y diwydiant cig

Cynaliadwyedd cig: rol gwyddoniaeth mewn amgylchedd byd-eang heriol

Bydd y modiwl hwn yn cynnwys ymweliad a Chanolfan Bwyd Cymru yn Horeb, (neu debyg) i gael profiad mewn cigyddiaeth a datblygu cynnyrch cig

Sgiliau Modiwl

Math o Sgiliau	Manylion Sgiliau
Cyfathrebu	Disgwylir i fyfyrwyr gyfathrebu allbwn ymchwil cymhleth i'w cyfoedion yn y fforymau ar-lein a hefyd trwy aseiniadau eraill.
Datblygu personol a chynllunio gyrfa	Bydd y modiwl hwn rhannu'r technoleg bresennol ac y dyfodol mewn prosesu cig gyda'r myfyrwyr i'w helpu i ddatblygu eu busnes neu ddarparu'r wybodaeth/cyngor mwyaf diweddar i'w cydweithwyr/cleientiaid yn y diwydiant cig.
Datrys Problemau	Bydd heriau dysgu yn seiliedig ar broblemau trwy astudiaeth achos ochr yn ochr a fforwm ar-lein yn cael eu defnyddio trwy gydol y modiwl i helpu i ddatblygu a gwella sgiliau datrys problemau myfyrwyr.
Gwaith Tim	Bydd fforymau ar-lein yn mynnu bod myfyrwyr yn dadlau ymhlith ei gilydd i ddatblygu consensws barn.
Gwella dysgu a pherfformiad ei hun	Rhoddir adborth manwl ar gyfer gwaith aseiniad. Bydd hwn yn cael ei fesur drwy’r adborth, sy'n darparu arweiniad cyffredinol tuag at aseiniad nesaf y myfyriwr.
Rhifedd	Defnyddir rhifedd wrth gyfrifo'r swm cywir o gynhwysion a ddefnyddir wrth ddatblygu cynnyrch.
Sgiliau pwnc penodol	Bydd cysyniadau pwnc penodol sy'n ymwneud â phrosesu cig yn cael eu datblygu a'u hasesu drwy gydol y modiwl.
Sgiliau ymchwil	Trwy'r modiwl, bydd gofyn i fyfyrwyr ymgymryd a hunanastudiaeth gyfeiriedig, gan wella eu medrau ymchwil llenyddiaeth.
Technoleg Gwybodaeth	Bydd gofyn i fyfyrwyr gyrchu gwybodaeth o amryw o ffynonellau gwyddonol ac i ddefnyddio Blackboard ar gyfer holl agweddau’r modiwl.

Nodau

Mae'r modiwl hwn yn cydymffurfio a FfCChC Lefel 7