Cwrs Maes Ecoleg Ddaearol

Cod y Modiwl: BG36620
Teitl y Modiwl: Cwrs Maes Ecoleg Ddaearol
Blwyddyn Academaidd: 2026/2027
Semester: Semester 1
Cyd-gysylltydd y Modiwl: Professor Gareth Griffith
Rhestr Ddarllen: Gweld ar Aspire
Anghymharus (Unrhyw Flwyddyn Acad): BR36620
BR36620 is the English medium version of this module.
Staff Eraill sy'n Cyfrannu: Dr Ruth Wonfor; Dr Ifat Shah; Professor Gareth Griffith

Dulliau Asesu

Math o Asesiad	Manylion Asesiad	Cyfran
Asesiad Semester	Traethawd ysgrifenedig - Adroddiad unigol wedi’i seilio: 2500 o eiriau	50%
Asesiad Semester	Traethawd ysgrifenedig -: Asesiadau mewn-gwrs 1500 o eiriau	50%
Asesiad Ailsefyll	Traethawd ysgrifenedig -: Asesiadau mewn-gwrs 1500 o eiriau	50%
Asesiad Ailsefyll	Traethawd ysgrifenedig - Adroddiad unigol wedi’i seilio: 2500 o eiriau	50%

Canlyniadau Dysgu

Wedi cwblhau'r modiwl dylai'r myfyrwyr fedru:

1. Trafod problemau amserol a pherthnasol ym meysydd ecoleg, cadwraeth a gwyddor amgylcheddol.
2. Dangos medrusrwydd wrth adnabod y prif rywogaethau a’r elfennau biotig yn y cynefinoedd lle y caiff y cwrs maes ei ddysgu.
3. Dangos medrusrwydd mewn amrywiaeth o dechnegau casglu/ dadansoddi data yn y maes.
4. Cynllunio strategaethau ymchwil i gasglu a dadansoddi data sy’n berthnasol i’r cwestiynau ymchwil penodedig.
5. Cyfathrebu casgliadau’r ymchwil trwy lunio adroddiadau ysgrifenedig.

Disgrifiad cryno

Trwy ddadansoddi themâu perthnasol ac amserol ym meysydd ecoleg, cadwraeth a gwyddor amgylcheddol, bydd y modiwl yn rhoi sylw i’r materion canlynol:
*Cymhwyso dulliau labordy damcaniaethol, technegol a/neu wyddonol i’r amgylchedd maes mwy cymhleth ac afreoledig er mwyn deall sut y mae hinsawdd a daeareg lleoliad maes penodol yn dylanwadu ar brosesau creiddiol o safbwynt ecoleg a’r defnydd o dir.
*Llunio cwestiynau ymchwil ecolegol, a datblygu’r sgiliau angenrheidiol i’w datrys/ateb trwy brofi rhagdybiaethau, cynllunio arbrofion trylwyr, a chasglu, dadansoddi a dehongli data.
*Ystyried, lle bo’n briodol, agweddau logistaidd (gan gynnwys diogelwch) a moesegol y prosesau ymchwil hyn.
*Datblygu sgiliau trosglwyddadwy sy’n greiddiol i ymchwil maes ym meysydd ecoleg/gwyddor amgylcheddol, gan gynnwys gwaith tîm, arsylwi, cadw cofnodion, adrodd/cyfathrebu data arbrofion a sgiliau adnabod planhigion/ffyngau.

Cynnwys

Bydd amcanion y modiwl yn cael eu cyflawni drwy waith maes, a ategir gan nifer cyfyngedig o ddarlithoedd a seminarau (e.e. dehongli/dadansoddi data) yn ystod cwrs maes preswyl. Gall y pynciau a drafodir mewn unrhyw flwyddyn benodol amrywio gan ddibynnu ar leoliad y cwrs maes, amodau’r tywydd a’r trefniadau staffio, ond byddant yn cynnwys themâu megis:
Technegau ar gyfer dadansoddi planhigion
Effaith bodau dynol ar gymunedau biolegol
Agweddau o newidiadau amgylcheddol/hinsoddol a phrosesau olyniaethol
Cynllunio a chynnal prosiectau ymchwil sy’n seiliedig ar waith maes

Sgiliau Modiwl

Math o Sgiliau	Manylion Sgiliau
Cyfathrebu	Bydd y myfyrwyr yn datblygu eu sgiliau cyfathrebu, yn ysgrifenedig ac ar lafar, trwy drafod y data sy’n deillio o’u gwaith maes mewn grwpiau, trwy lunio adroddiadau a thrwy wneud cyflwyniadau llafar.
Datrys Problemau	Dadansoddi samplau a data a chyfosod gwybodaeth, a asesir drwy’r adroddiadau.
Gwaith Tim	Datblygir yr elfen hon trwy osod y myfyrwyr mewn grwpiau bach yn ystod y gwaith maes.
Gwella dysgu a pherfformiad ei hun	Bydd y myfyrwyr yn gyfrifol am gymryd eu nodiadau maes eu hunain, am ddatblygu strategaethau effeithiol i weithio mewn tim, ac am ddatblygu dulliau realistig ac effeithlon o gasglu data yn y maes o fewn cyfyngiadau ehangach amserlen y cwrs maes.
Rhifedd	Lle bo’n briodol, bydd y myfyrwyr yn derbyn hyfforddiant yn y technegau ystadegol sydd eu hangen i ddadansoddi eu data maes.
Sgiliau pwnc penodol	Adnabod planhigion/ffyngau trwy ddefnyddio allweddau.
Sgiliau ymchwil	Gofynnir i’r myfyrwyr gwblhau nifer o brosiectau ymchwil a chynllunio/cyflawni o leiaf un a fydd yn cynnwys: canfod problemau, cynllunio ymchwil, a chaffael, dadansoddi, cyflwyno a dehongli data.
Technoleg Gwybodaeth	Bydd y myfyrwyr yn llunio adroddiadau ysgrifenedig, dadansoddi data a chwilio am destunau/gwybodaeth yn electronig.

Nodau

Mae'r modiwl hwn yn cydymffurfio a FfCChC Lefel 6