Cyfraith Tir

Wedi cwblhau'r modiwl dylai'r myfyrwyr fedru:

1. Egluro mewn modd manwl yr egwyddorion cyfreithiol Cyfraith Tir
2. Dadansoddi sefyllfaoedd ffeithiol yn ymwneud â chyfraith tir a chymhwyso’n feirniadol egwyddorion cyfraith tir i’r sefyllfaoedd hynny.
3. Gwneud ymchwil annibynnol ar agweddau o’r gyfraith a chymryd rhan mewn modd beirniadol wrth drafodaethau a safbwyntiau gwahanol ynglŷn â’r gyfraith bresennol, y problemau posibl a’r diwygiadau posibl.
4. Dangos tystiolaeth o allu dadansoddi’n feirniadol ystod eang o ddeunyddiau cyfreithiol a’u hintegreiddio i ffurfio persbectifau newydd.
5. Dangos tystiolaeth o allu egluro sut mae’r gyfraith yn gweithio i’r rhai nad oes ganddynt gefndir cyfreithiol.
6. Gallu dadlau sut i gymhwyso’r gyfraith i bartïon mewn anghydfod – gan gyflwyno achos y naill a’r llall a chloriannu pa un yw’r ddadl fwyaf argyhoeddiadol.
7. Gallu cyfleu canlyniadau yn ysgrifenedig yn effeithiol ar lefel academaidd gan ddefnyddio’r derminoleg berthnasol a chyfeirnodi deunydd yn y modd priodol.
8. Gallu cymhwyso mewn modd manwl yr wybodaeth sydd ganddynt eisoes i sefyllfaoedd newydd
9. Deall agweddau allweddol o gyfraith tir, gan gynnwys dysgu gwybodaeth gydlynol a manwl, a bydd o leiaf peth o’r wybodaeth yn rheng flaenaf rhai agweddau diffinedig o’r ddisgyblaeth, neu wedi’i llywio ganddi.
10. Defnyddio technegau dadansoddi ac ymchwil sefydledig yn gywir o fewn disgyblaeth
11. Llunio a chynnal dadleuon manwl, a/neu ddatrys problemau, gan ddefnyddio syniadau a thechnegau, rhai ohonynt yn rheng flaenaf y ddisgyblaeth
12. Disgrifio a rhoi sylwadau ar agweddau penodol o ymchwil cyfredol, neu ysgoloriaeth uwch cyfatebol, yn y ddisgyblaeth
13. Gwerthfawrogi ansicrwydd, amwysedd a chyfyngiadau gwybodaeth
14. Rheoli eu dysgu eu hunain, a defnyddio adolygiadau ysgolheigaidd a ffynonellau cynradd (er enghraifft, erthyglau ymchwil wedi eu dafarnu a/neu ddeunyddiau gwreiddiol sy’n briodol i’r ddisgyblaeth).

Amcan y pwnc yw cyflwyno’r myfyrwyr i egwyddorion hanfodol perchnogaeth Tir yng Nghymru a Lloegr, a hawliau pobl eraill dros dir, a dulliau gorfodi’r hawliau hynny, gan gynnwys y cyd-berchennog ecwitïol, y prydleswr a’r morgeisiai, y cyfamodai a pherchennog y rhandir trech at ddibenion caniatáu hawddfraint.

1. Beth yw tir?
2. Pa elfennau sydd i gyfraith tir?
3. Perchnogaeth a chydberchnogaeth tir
4. Prydlesi
5. Morgeisi
6. Hawddfreintiau
7. Cyfamodau

Mae'r modiwl hwn yn cydymffurfio a FfCChC Lefel 6