Y Gymraeg yn y Gweithle

Wedi cwblhau'r modiwl dylai'r myfyrwyr fedru:

1. dangos ymwybyddiaeth o’r defnydd o’r iaith Gymraeg yng ngweinyddiaeth rhai o sefydliadau cyhoeddus a phreifat Cymru.
2. dangos dealltwriaeth o brif ofynion Deddf yr Iaith Gymraeg 1993, gyda golwg ar weithredu Cynllun Iaith y Gymraeg.
3. Myfyrio ar y gwahanol gyd-destunau gweinyddol lle defnyddir yr iaith yn y gymdeithas.
4. Cloriannu’r defnydd o’r Gymraeg mewn sefydliadau gan sylwi ar gryfderau a gwendidau, a gwahaniaethau rhwng arferion da a gwael.
5. Meithrin agwedd hyderus wrth weinyddu trwy gyfrwng y Gymraeg gan droi llaw at lunio dogfennau, eu golygu a’u cyfieithu.
6. bod yn ymwybodol o’r prif gynorthwyon printiedig ac electronig a ddefnyddir gan sefydliadau sy’n gweinyddi’ bennaf trwy gyfrwng y Gymraeg.
7. cynhyrchu portffolio proffesiynol ei ddiwyg a’i gynnwys ar sail eu cyfnod profiad gwaith.
8. trafod yn hyderus a graenus ganlyniadau eu hymchwiliadau yn ysgrifenedig.
9. Gweithredu fel unigolyn cyfrifol ac fel aelod llawn o dîm yn y dosbarth ac yn y gweithle.

Mae’r modiwl yn ychwanegiad gwerthfawr at ddarpariaeth academaidd a galwedigaethol yr Adran ac yn fodd i ganolbwyntio meddyliau’r myfyrwyr ar y defnydd cynyddol a wneir o’r Gymraeg yn y byd gwaith yng Nghymru. Bydd yn bont effeithiol rhwng y ddarlithfa a’r byd tu allan, ac yn rhoi i’r myfyrwyr brofiad ymarferol o weld yr iaith ar waith, gyda golwg ar eu cyfeirio at ymgymryd â swyddi gweinyddol ar ôl graddio.

Mae’r modiwl hwn yn creiddiol i fyfyrwyr Q5P0 ar Lefel 2 ac yn rhan o’r arlwy ar y radd Cymraeg Proffesiynol. Maer modiwl yn gosod sylfaen alwedigaethol gref i Rhan 2 Q5P0 (Cymraeg Proffesiynol) ac yn bwysig i agenda cyflogadwyedd yr Adran.

Gogwydd galwedigaethol sydd i’r modiwl hwn. Gwelir yn gynyddol yr angen am baratoi’r myfyrwyr ar gyfer gwasanaethu’r gymdeithas ygn Nghymru, lle y mae galw mawr am raddedigion a all drin y Gymraeg yn hyderus mewn pob math o sefydliadau a busnesau. Bydd y cwrs yn cyflwyno’r myfyrwyr i anghenion cyflogwyr yn y sector preifat a chyhoeddus yn sgil gofynion Deddf yr Iaith 1993, gan ganolbwyntio’n bennaf ar weinyddiaeth.
Edrychir yn benodol ar y defnydd o’r iaith yng ngweinyddiaeth rhai o sefydliadau preifat a chyhoeddus Cymru, a bydd lleoli’r myfyrwyr ar brofiad gwaith yn rhai ohonynt yn eu galluogi i ddysgu’n uniongyrchol sut y defnyddir y Gymraeg yn y gweithle.
Semester 1
1. Cyflwyniad i’r modiwl
2. Llunio CV
3. Y Gymraeg yn ein sefydliadau 1
4. Y Gymraeg yn ein sefydliadau 2
5. Cyfieithu a Deddfwriaeth Iaith Gymraeg
6. Gweinyddu trwy’r Gymraeg
7. Cyfathrebu yn y Gweithle : dibenion a chynulleidfaoedd
8. Iaith yn y gweithle
9. Gweithredu Cynllun Iaith Gymraeg 1
10. Gweithredu Cynllun Iaith Gymraeg 2.

Semester 2
1. Golygu a phrawf-ddarllen testun print.
2. Dysgu Cymraeg i Oedolion.
3. Sut i wneud cyflwyniad llafar.
4. Dylunio gwefan lwyddiannus
5. Cyflwyniadau llafar myfyrwyr 1.
6. Cyflwyniadau llafar myfyrwyr 2.

Mae'r modiwl hwn yn cydymffurfio a FfCChC Lefel 5