Sgiliau Ymchwil Ymarferol (10 credyd)

Cod y Modiwl: FG35110
Teitl y Modiwl: Sgiliau Ymchwil Ymarferol (10 credyd)
Blwyddyn Academaidd: 2026/2027
Semester: Semester 1
Cyd-gysylltydd y Modiwl: Professor Huw Morgan
Rhestr Ddarllen: Gweld ar Aspire
Rhagofynion: FG15510 neu FG15720 neu PH15510 neu PH15720
Anghymharus (Unrhyw Flwyddyn Acad): PH25720
Anghymharus (Unrhyw Flwyddyn Acad): PH35110
Anghymharus (Unrhyw Flwyddyn Acad): FG25720
Staff Eraill sy'n Cyfrannu

Dulliau Asesu

Math o Asesiad	Manylion Asesiad	Cyfran
Asesiad Semester	Adolygiad llenyddiaeth: 2 dudalen (Grŵp)	15%
Asesiad Semester	Poster: 1 tudalen (Grŵp)	15%
Asesiad Semester	Cyflwyniad Llafar: 15 munud (Grŵp)	15%
Asesiad Semester	Adroddiad Unigol: 10 tudalen (Unigol)	40%
Asesiad Semester	Ymarfer – Asesiad risg: 2 dudalen (Grŵp)	15%
Asesiad Ailsefyll	Fel bennir gan y Bwrdd Arholi Adrannol.	100%

Canlyniadau Dysgu

Wedi cwblhau'r modiwl dylai'r myfyrwyr fedru:

1. Chwilio am wybodaeth berthnasol i'r gwaith prosiect drwy ymchwil ar-lein o bapurau ac erthyglau gwyddonol, adolygu y llyfryddiaeth yn feirniadol a chyflwyno adolygiad gan ddefnyddio meddalwedd llyfryddiaeth pwrpasol.
2. Trefnu a chymryd rhan mewn prosiect heb lawer o fewnbwn gan staff addysgu, gan arddangos sgiliau labordy a dadansoddi a ddatblygwyd yn ystod y cwrs.
3. Casglu data drwy arbrawf neu adnoddau ar-lein gan arddangos ymwybyddiaeth o weithrediad yr offerynnau a'u graddnodiad.
4. Dadansoddi, dehongli a gwerthuso data arbrofol.
5. Rhannu canlyniadau arbrawf a'i ganlyniadau mewn cyflwyniad llafar, poster ac adroddiad ffurfiol.
6.Ffurfio asesiad risg ar gyfer gwaith arbrofol.

Disgrifiad cryno

Mae'r modiwl yn bont rhwng gwaith labordy blwyddyn gyntaf a phrosiectau blwyddyn olaf. Mae'n rhoi profiad i fyfyrwyr o ofynion ymchwil ffiseg ymarferol. Caiff y myfyrwyr eu cyflwyno i'r sgiliau sydd eu hangen ar gyfer prosiectau blwyddyn olaf a byddant yn datblygu'r rhain drwy weithio ar brosiect gosod mewn tîm bychan (o bedwar neu bump fel arfer). Bydd y myfyrwyr yn datblygu dealltwriaeth o gynllunio a gweithredu ar brosiect, technegau offeryniaeth a chyfrifiadura, asesu risg, chwilio'r lenyddiaeth, dadansoddi a dehongli data. Byddant yn cyfathrebu eu gwaith-prosiect a'r canlyniadau drwy boster, cyflwyniad llafar ac adroddiad ffurfiol.

Cynnwys

Caiff y myfyrwyr eu cyflwyno i:
- Chwiliadau llyfrgell a rhyngrwyd, meddalwedd cyfeiriadau, darllen ac ysgrifennu papurau gwyddonol.
- Technegau dadansoddi a chyfrifiadurol ar destunau megis prosesu delweddau, modelu ac efelychu.
- Offeryniaeth a data o adnoddau amrywiol.
- Diogelwch mewn gwaith prosiect yn cynnwys Asesu Risg ac eitemau megis COSHH, DSEAR, diogelwch laser a phelydredd.
Mae'r myfyrwyr yn gweithio mewn timau (o bedwar neu bump fel arfer) ar brosiect gosod. Mae angen iddynt gymhwyso'r sgiliau a ddatblygir yn y modiwl i ymchwilio cefndir y prosiect, cynllunio'r prosiect, datblygu strategaeth arbrofol, a dadansoddi a dehongli'r canlyniadau. Mae asesiad y gwaith prosiect yn cynnwys adolygiad llenyddiaeth, poster a chyflwyniad llafar gan y grŵp ac adroddiad ffurfiol gan yr unigolyn. Bydd y myfyrwyr hefyd yn cael eu hasesu ar ymarfer asesu risg ffurfiol.

Sgiliau Modiwl

Math o Sgiliau	Manylion Sgiliau
Cydlynu ag erail	Mae myfyrwyr yn gweithio ar brosiect mewn timau bychain (o bedwar neu bump fel arfer).
Cyfathrebu proffesiynol	Bydd y myfyrwyr yn cyfathrebu eu gwaith prosiect drwy adolygiad llenyddiaeth, cyflwyniad llafar, poster ac adroddiad ffurfiol.
Datrys Problemau Creadigol	Mae datrys problemau yn sgil craidd mewn gwaith prosiect ffiseg.
Gallu digidol	Mae myfyrwyr yn ymchwilio i gefndir y prosiect gan ddefnyddio'r rhyngrwyd a chwiliadau llyfrgell, ac yn cyflwyno adolygiad llenyddiaeth gan ddefnyddio Endnote neu feddalwedd llyfryddiaeth tebyg. Mae'r myfyrwyr yn datblygu sgiliau cyfrifiadurol i ddadansoddi data ac yn defnyddio'r cyfleusterau sydd ar gael ar gyfer prosesu-geiriau a chyflwyniadau.
Meddwl beirniadol a dadansoddol	Disgwylir i'r myfyrwyr ymchwilio cefndir y gwaith, cyd-destun yr arbrofion a bod yn ymwybodol o'r llenyddiaeth berthnasol mwyaf diweddar.
Myfyrdod	Mae myfyrwyr yn datblygu a gwella eu perfformiad mewn set o sgiliau a ddefnyddir ar gyfer prosiectau blwyddyn-olaf i israddedigion.
Sgiliau Pwnc-benodol	Gwybodaeth o'r teclynnau ymchwil priodol e.e. rhaglennu cyfrifiadurol, offeryniaeth.Mae cymhwyso rhif yn angenrheidiol mewn dadansoddi data, yn cynnwys ansicrwydd mewn data a'u lledaeniad.
Synnwyr byd go iawn	Mae llawer o'r sgiliau a ddatblygir yn elfennau hanfodol o radd ffiseg ac yn y byd gwaith yn y dyfodol. Mae asesiad risg yn sgil a ellir ei drosglwyddo yn y gweithle.

Nodau

Mae'r modiwl hwn yn cydymffurfio a FfCChC Lefel 6