Datblygiad a Dysgu Plant

Cod y Modiwl
AD14520
Teitl y Modiwl
Datblygiad a Dysgu Plant
Blwyddyn Academaidd
2027/2028
Semester
Semester 1
Cyd-gysylltydd y Modiwl
Dr Sian Lloyd-Williams
Rhestr Ddarllen
Gweld ar Aspire
Staff Eraill sy'n Cyfrannu
Dr Sian Lloyd-Williams
Mrs Annabel Latham
Dr Rhodri Evans
Mr Prysor Davies
Dr Rosemary Cann

Dulliau Asesu

Math o Asesiad

Manylion Asesiad

Cyfran
Asesiad Semester Traethawd: 900 o eiriau 30%
Asesiad Semester Portffolio: 2100 o eiriau 70%
Asesiad Ailsefyll Aseiniad ysgrifenedig: 900 o eiriau 30%
Asesiad Ailsefyll Portffolio: 2100 o eiriau 70%

Canlyniadau Dysgu

Wedi cwblhau'r modiwl dylai'r myfyrwyr fedru:

  1. Dangos gwybodaeth a dealltwriaeth am ddatblygiad a dysgu plant.
  2. Deall effaith oedolion a’r amgylchedd ar ddatblygiad a dysgu plant.
  3. Myfyrio ynghylch datblygiad a dysgu plant yn ymarferol, a’u cloriannu.

Disgrifiad cryno

Mae’r modiwl hwn yn cyflwyno i’r myfyrwyr ddulliau astudio plant, arferion gofal plant a seicoleg ddatblygiadol ac mae’n ystyried y rhain yng nghyd-destun ymarferol gweithio gyda phlant ifanc. Bydd myfyrwyr yn ystyried y prif egwyddorion o ran datblygiad plant yn ogystal ag anghenion dysgu ychwanegol penodol. Byddant yn ystyried effaith yr amgylchedd ar ddatblygiad a dysgu plant, ac yn myfyrio ynghylch pwysigrwydd monitro, adolygu a chloriannu datblygiad plant a’u harferion eu hunain. Fel rhan o’r modiwl, bydd myfyrwyr yn ymgymryd â 50 awr mewn lleoliad blynyddoedd cynnar.

Cynnwys

Bydd y darlithoedd a’r seminarau yn seiliedig ar y pethau canlynol:

Egwyddorion a Chysyniadau Allweddol
Datblygiad cyn-eni a datblygiad yr ymennydd
Damcaniaethau Gwybyddol
Damcaniaeth y Meddwl
Anghenion Dysgu Ychwanegol
Effaith yr amgylchedd ar ddysgu plant
Damcaniaethau Dysgu Cymdeithasol ac Arweinyddiaeth mewn Addysg
Diwallu anghenion pob plentyn – ACE's
Monitro, adolygu a gwerthuso datblygiad ac ymarfer

Wythnosau 9 a 10 – bydd myfyrwyr yn ymgymryd â lleoliadau gwaith (cyfanswm o 50 awr). Trwy gydol y sesiynau seminar, bydd myfyrwyr yn cael cymorth i ddod o hyd i leoliadau gwaith, ac i wneud y trefniadau perthnasol.

Sgiliau Modiwl

Math o Sgiliau

Manylion Sgiliau
Cyfathrebu Mae technegau cyfathrebu yn elfen hanfodol drwy gydol darlithoedd a seminarau. Cyfathrebu ar lafar drwy gydol gweithgareddau seminar. Cyfathrebu ysgrifenedig drwy gydol aseiniadau ysgrifenedig.
Datblygu personol a chynllunio gyrfa Anogir myfyrwyr i fyfyrio ynghylch eu sgiliau a’u cloriannu
Datrys Problemau Elfen hanfodol o’r broses o asesu’n feirniadol
Gwaith Tim Bydd gwaith tîm, ar ffurf ymddygiadau proffesiynol allweddol a gweithdrefnau gweithio rhyngddisgyblaethol, yn sgìl bwysig a fydd yn cael ei datblygu trwy gydol y modiwl
Gwella dysgu a pherfformiad ei hun Mae adborth ar gyfer yr aseiniad ysgrifenedig a myfyrio personol yn ystod tasgau seminar yn annog gwella perfformiad
Rhifedd Ystadegau disgrifiadol achlysurol mewn darlithoedd a ffynonellau.
Sgiliau pwnc penodol Bydd myfyrwyr yn cael eu herio a’u hannog i ddatblygu ystod o sgiliau proffesiynol.
Sgiliau ymchwil Bydd angen ymchwilio ar gyfer y prif aseiniadau a rhai o'r tasgau seminar
Technoleg Gwybodaeth Dylid geirbrosesu aseiniadau ysgrifenedig a bydd myfyrwyr yn defnyddio TGCh i wneud gwaith ymchwil.

Nodau

Mae'r modiwl hwn yn cydymffurfio a FfCChC Lefel 4