Technegau Labordy ar gyfer Ffisegwyr Arbrofol a Pheirianwyr (20 Credyd)

Cod y Modiwl: FG15700
Teitl y Modiwl: Technegau Labordy ar gyfer Ffisegwyr Arbrofol a Pheirianwyr (20 Credyd)
Blwyddyn Academaidd: 2027/2028
Semester: Semester 1 Dysgwyd dros 2 semester
Cyd-gysylltydd y Modiwl: Dr Rachel Cross
Rhestr Ddarllen: Gweld ar Aspire
Rhagofynion: Safon Uwch Ffiseg a Mathemateg neu gyfatebol
Anghymharus (Unrhyw Flwyddyn Acad): PH15510
Anghymharus (Unrhyw Flwyddyn Acad): FG15510
Anghymharus (Unrhyw Flwyddyn Acad): PH15720
Staff Eraill sy'n Cyfrannu: Dr Rachel Cross

Dulliau Asesu

Math o Asesiad	Manylion Asesiad	Cyfran
Asesiad Semester	Adroddiadau Labordy Ysgrifenedig: (2 x 1000 gair)	30%
Asesiad Semester	Dyddiaduron Labordy Ysgrifenedig.: Caiff y myfyrwyr eu hasesu ar ansawdd eu nodiadau yn ystod arbrofion. Mae pob arbrawf yn unigryw ac mae hyd yr ysgrif sydd ei hangen yn wahanol. Y gofyniad lleiaf yw 200 gair yr arbrawf.	70%
Asesiad Ailsefyll	Fel bennir gan y Bwrdd Arholi Adrannol:	100%

Canlyniadau Dysgu

Wedi cwblhau'r modiwl dylai'r myfyrwyr fedru:

Dangos cymhwysedd ymarferol a chywirdeb wrth gynnal gweithdrefnau arbrofol, gan gynnwys mesur, defnyddio offer gwyddonol a chofnodi canlyniadau.
Ysgrifennu adroddiad gwyddonol clir gan gynnwys y cefndir damcaniaethol, disgrifiad arbrofol, cyflwyniad a dadansoddiad o ganlyniadau, a dehongli a gwerthuso.
Adnabod mathau o ansicrwydd mewn arbrawf a phenderfynu ar ledaeniad y cyfeiliornadau.
Dangos y gallu i weithio gydag eraill mewn modd ystyriol a chydweithredol.
Parchu a chydnabod eiddo deallusol eraill.

Disgrifiad cryno

Mae arbrofi yn ran sylfaenol o'r gwyddorau ffisegol. Mae'n ein galluogi i ddeall y byd o'n cwmpas, i ddatblygu damcaniaethau ac i brofi'r damcaniaethau hynny. Yn y modiwl yma byddwch yn dysgu'r technegau sylfaenol o gynnal arbrofion, gwneud mesuriadau, rhoi sylw i ansicrwydd yn eich mesuriadau, dadansoddi canlyniadau a'u cymharu gyda theori.

Mae modiwlau arbrofol y cynlluniau gradd wedi eu llunio fel bo myfyrwyr yn datblygu o ddilyn set o gyfarwyddiadau manwl i gyflawni arbrofion syml ar y dechrau, i ymchwilio testun a datblygu eu harbrofion a'u hymchwilio eu hunain yn eu prosiectau blwyddyn olaf.

Bydd y modiwl hwn yn cyflwyno israddedigion i waith labordy mewn meysydd allweddol o'r gwyddorau ffisegol, sy'n gallu cael eu defnyddio i ddeall y byd o'n cwmpas. Rhoddir pwyslais ar gywirdeb cymryd nodiadau. Bydd disgwyl i'r israddedigion gadw dyddiadur labordy wrth iddynt gynnal yr arbrofion. Yn ogystal â'r nodiadau yn y dyddiadur, bydd disgwyl i'r myfyrwyr ysgrifennu am ddau o'r arbrofion mewn adroddiadau ffurfiol, gan gynnwys ymchwilio i gefndir y testunau. Yn ychwanegol at hyn, yn yr ail semester bydd y myfyrwyr yn cael eu cyflwyno i ffyrdd o recordio a chyflwyno data gan ddefnyddio dyfeisiau electronig a phecynnau cyfrifiadurol.

Cynnwys

• Dadansoddi cyfeiliornadau sylfaenol.
• Cadw dyddiaduron labordy ac ysgrifennu adroddiadau.
• Mae'r arbrofion yn seiliedig ar bynciau craidd yn y gwyddorau ffisegol, yn cwmpasu meysydd allweddol drwy ymchwilio ymarferol.

Sgiliau Modiwl

Math o Sgiliau	Manylion Sgiliau
Cyfathrebu	Bydd y myfyrwyr yn cadw dyddiadur labordy ac yn ysgrifennu adroddiadau ar yr arbrofion. Bydd yr myfyrwyr yn gweithio mewn parau a grwpiau bychain, gan drafod eu darganfyddiadau arbrofol.
Datrys Problemau	Bydd y myfyrwyr yn defnyddio technegau datrys problemau yn ystod yr arbrofi ac wrth drin data o'r arbrofion.
Gwaith Tim	Yn gyffredinol bydd y myfyrwyr yn gwneud yr arbrofion mewn grwpiau o ddau a byddwn yn annog cydweithio wrth ddatrys problemau modelu.
Gwella dysgu a pherfformiad ei hun	Bob wythnos bydd yr adborth a roddir ar y dyddiaduron labordy yn annog y myfyrywr i ddatblygu eu sgiliau o ysgrfennu nodiadau.
Rhifedd	Yn ei hanfod, mae'r gwyddorau ffisegol yn seiliedig ar ddefnyddio mathemateg a mesuriadau arbrofol. Mae defnyddio rhifau yn ran ganolog o'r modiwl yma.
Sgiliau pwnc penodol	Defnyddio offer gwyddonol. Cynnal arbrofion. Ysgrifennu mewn dull gwyddonol. Dadansoddi cyfeiliornadau arbrofol.
Sgiliau ymchwil	Disgwylir i'r myfyrwyr ymchwilio i gefndir yr arbrofion.
Technoleg Gwybodaeth	Mae dadansoddi data modern yn ddibynnol ar ddefnyddio cyfrifiaduron. Bydd y myfyrwyr yn defnyddio pecyn cyfrifiadurol i ddadansoddi data mewn rhai o'r arbrofion, a disgwylir iddynt ddefnyddio prosesydd geiriau ar gyfer eu hadroddiadau labordy.

Nodau

Mae'r modiwl hwn yn cydymffurfio a FfCChC Lefel 4