Cefnogaeth ariannol i fyfyrwyr israddedig llawn-amser o Gymru

• Bydd pob myfyriwr israddedig llawn amser cymwys sy’n byw yng Nghymru yn derbyn Grant Dysgu Llywodraeth Cymru gwerth £1,000 gan Lywodraeth Cymru.
• Gall myfyrwyr o Gymru hefyd wneud cais am Grant Dysgu Llywodraeth Cymru ychwanegol. Bydd y grant ychwanegol yn cael ei asesu ar incwm trethadwy cartref y myfyriwr.
• Caiff y grant yma eu talu’n uniongyrchol i’ch cyfrif banc mewn tri rhandaliad - un ar ddechrau pob tymor
• Nid fydd raid i chi dalu’r Grant Dysgu Llywodraeth Cymru yn nol ar ôl graddio.
  

• Mae Benthyciad Cynhaliaeth ar gael i’ch helpu gyda chostau byw fel llety, bwyd, llyfrau, dillad a theithio. Daw’r arian yma gan Lywodraeth Cymru drwy’r Cwmni Benthyciadau Myfyrwyr.
• Bydd incwm trethadwy eich cartref a lle byddwch chi'n byw wrth astudio yn penderfynu faint o fenthyciad byddwch yn ei dderbyn.
• Caiff benthyciadau eu talu’n uniongyrchol i’ch cyfrif banc mewn tri rhandaliad - un ar ddechrau pob tymor.
• Mae’n rhaid i fenthyciad cynhaliaeth gael ei ad-dalu unwaith y byddwch wedi gorffen eich cwrs ac yn ennill mwy na £28,470 y flwyddyn (Ebrill 2021 ymlaen). Fel rheol bydd eich cyflogwr yn tynnu’r arian o’ch cyflog trwy’r system dreth PAYE, yn yr un ffordd a threth incwm a chyfraniadau Yswiriant Gwladol. Byddwch yn ad-dalu ar gyfradd o 9% o unrhyw swm a enillwch dros £28,470 y flwyddyn (Ebrill 2021 ymlaen). Am ragor o wybodaeth am ad-dalu'ch benthyciad, ewch i'r wefan ganlynol: studentloanrepayment.co.uk

Mae'r tablau isod yn rhoi dadansoddiad o'r Taliadau Cynhaliaeth ar gyfer 25/26 yn seiliedig ar incwm yr aelwyd, p'un a ydynt yn byw gartref neu i ffwrdd.

Byw gartref

Byw i ffwrdd o gartref (Y tu allan i Lundain)

Ar gyfer Blwyddyn Academaidd 2025/26, y ffi dysgu ar gyfer myfyrwyr Prifysgol Aberystwyth sy'n ymgymryd â blwyddyn integredig mewn diwydiant yw:

Gall myfyrwyr amser llawn cymwys ar leoliadau rhyng-gwrs cyflogedig blwyddyn lawn lle mae'r cyfnodau o astudio amser llawn yn llai na 10 wythnos yn gyfanredol wneud cais am fenthyciad cynnal a chadw gostyngedig yn unig.

Y gyfradd is yw hanner y gyfradd benthyciad cynnal a chadw lawn wedi'i dalgrynnu i lawr i'r £5 cyfan agosaf.

Mae gan fyfyrwyr sy'n byw gartref hawl i fenthyciad cynhaliaeth ar gyfradd is o £4,740, pan fo cyfradd lawn y benthyciad cynhaliaeth yn £9,480.

Mae gan fyfyrwyr sy'n byw i ffwrdd o gartref, y tu allan i Lundain, hawl i fenthyciad cynhaliaeth ar gyfradd is o £5,670, pan fo cyfradd lawn y benthyciad cynhaliaeth yn £11,345. Fel yn achos Cyllid Myfyrwyr Lloegr, gallai myfyrwyr yng Nghymru sy'n ymgymryd â rhai lleoliadau di-dâl fod yn gymwys i gael cyllid llawn, ar yr amod bod y lleoliad yn bodloni un o’r canlynol:

• Gwasanaeth di-dâl mewn ysbyty neu mewn labordy gwasanaeth iechyd cyhoeddus neu gyda grŵp comisiynu clinigol yn y DU
• Gwasanaeth di-dâl gydag awdurdod lleol yn y DU sy'n gweithredu wrth arfer swyddogaethau yn ymwneud â gofalu am blant a phobl ifanc, iechyd neu les, neu gyda sefydliad gwirfoddol sy'n darparu cyfleusterau neu'n cynnal gweithgareddau o'r un natur yn y DU
• Gwasanaeth di-dâl gydag awdurdod lleol sy'n gweithredu wrth arfer swyddogaethau iechyd cyhoeddus yn y DU
• Gwasanaeth di-dâl yn y carchar neu'r gwasanaeth prawf ac ôl-ofal yn y DU
• Ymchwil di-dâl mewn sefydliad yn y DU neu, yn achos myfyriwr sy'n mynychu sefydliad tramor yn rhan o'u cwrs, mewn sefydliad tramor
• Gwasanaeth di-dâl gydag Awdurdod Iechyd Arbennig, Bwrdd Comisiynu'r GIG, y Sefydliad Cenedlaethol dros Ofal a Rhagoriaeth, Canolfan Wybodaeth Iechyd a Gofal Cymdeithasol, Bwrdd Iechyd Lleol, Bwrdd Iechyd neu Fwrdd Iechyd Arbennig yn yr Alban, neu Fwrdd Iechyd a Gwasanaethau Cymdeithasol yng Ngogledd Iwerddon.
• Gwasanaeth di-dâl yn Senedd y DU

• Mae bosib gwneud cais am Fenthyciad Ffioedd Dysgu, Benthyciad Cynhaliaeth a’r Grant Dysgu Llywodraeth Cymru trwy gwblhau un ffurflen cais - PN1. 
• Mae bosib i fyfyrwyr wneud cais ar y we neu drwy lawr lwytho ffurflen oddi ar wefan Cyllid Myfyrwyr Cymru : cyllidmyfyrwyrcymru.co.uk
• Mi fydd y ffurflenni ar gael o fis Mawrth 2025 ymlaen.
• Fe’ch cynghorir i lenwi'r ffurflen cyn gynted â phosib fel bod yr asesiad ariannol wedi ei gwblhau ymhell cyn i'ch cwrs ddechrau ym mis Medi 2025.

Mae’r grantiau a benthyciad cynhaliaeth yn cael ei talu i mewn i'ch cyfrif banc mewn tri rhandaliad.  Y taliad cyntaf ar ôl cofrestru yn y Brifysgol, yr ail ran daliad ddechrau mis Ionawr ar rhandaliad olaf ar ôl Pasg.

Os ydych wedi astudio cwrs addysg uwch o'r blaen, gallai hyn effeithio ar eich hawl i gael cyllid myfyrwyr.  Rydym yn argymell eich bod yn cysylltu â Chyllid Myfyrwyr Cymru: www.cyllidmyfyrwyrcymru.co.uk neu'r Gwasanaeth Cyngor, Gwybodaeth ac Arian ym Mhrifysgol Aberystwyth am ragor o wybodaeth a chyngor cyn gynted ag y byddwch yn penderfynu gwneud cais i brifysgol. 

Mae Grant Cymorth Arbennig wedi ei gyflwyno ar gyfer myfyrwyr a all fod yn gymwys i dderbyn budd-daliadau phrawf modd megis Cymhorthdal Incwm / Credyd Cyffredinola a Budd-dal Tai. Bwriad y grant hwn yw helpu gyda chostau ychwanegol megis llyfrau, offer cwrs, a theithio. Mae ar gael i fyfyrwyr sy’n:

• Rhieni sengl
• Cyplau gyda phlant ble mae’r ddau yn fyfyrwyr llawn amser
• a rhai myfyrwyr anabl.

Mae'r Grant Cymorth Arbennig yn cael ei dalu yn lle Grant Dysgu Llywodraeth Cymru (WGLG). Mae'r swm a gewch yn dibynnu ar incwm eich cartref a ble rydych chi'n byw ac yn astudio. Dyma grynodeb o'r cymorth sydd ar gael ar gyfer blwyddyn academaidd 2025-2026:

Byw i ffwrdd o gartref rhieni ac astudio y tu allan i Lundain

Grant Gofal Plant

Gallwch wneud cais am Grant Gofal Plant i helpu i dalu costau eich gofal plant os ydych chi'n fyfyriwr israddedig sydd â phlant.

Beth sydd ar gael?

Bydd faint rydych chi'n ei gael yn dibynnu ar incwm eich cartref, faint o blant dibynnol sydd gennych a beth yw eich costau gofal plant.

Bydd yn rhaid i chi dalu unrhyw gostau gofal plant sy'n weddill eich hun. Os ydych chi'n fyfyriwr rhan-amser, byddwch yn cael eich asesu am gyfanswm is o grant gofal plant yn seiliedig ar ddwysedd eich astudiaethau.

Nid oes angen talu'ch grant yn ôl.

Blwyddyn academaidd 2025/26

Gallech gael 85% o'ch costau gofal plant hyd at uchafswm o:

• £192 yr wythnos ar gyfer 1 plentyn dibynnol
• £329 yr wythnos ar gyfer 2 neu fwy o blant dibynnol

Os nad oes gennych ddarparwr gofal plant ar yr adeg y byddwch yn gwneud cais, gallwch gael grant gofal plant o hyd, ond bydd hyn yn cael ei gapio ar £147 yr wythnos neu 85% o'r costau gwirioneddol, pa un bynnag sy'n is. Pan fyddwch chi’n darparu manylion darparwr gofal plant, byddwn yn ailgyfrifo eich cyllid ar gyfer y swm uwch.

Ydw i’n gymmwys?

Gallwch wneud cais am y grant gofal plant:

• os oes gennych o leiaf un plentyn o dan 15 oed sy'n dibynnu arnoch yn ariannol, neu o dan 17 oed os oes ganddynt anghenion addysgol arbennig
• os ydych yn defnyddio darparwr gofal plant sydd wedi'i gofrestru gan Arolygiaeth Gofal Cymru (AGGC)
• os ydych yn mynychu cwrs amser llawn neu ran-amser (gan gynnwys cwrs dysgu o bell) ac yn cael cyllid myfyrwyr israddedig sy'n dibynnu ar incwm eich cartref.

Ni allwch wneud cais:

• os ydych yn hawlio'r elfen gofal plant o’r Credyd Cynhwysol neu’r Credyd Treth Gwaith
• os ydych yn cael gofal plant di-dreth gan Gyllid a Thollau EF
• os ydych yn talu i berthynas ofalu am eich plentyn yn unig
• os ydych chi neu eich partner yn derbyn cyllid gan y GIG.

Os ydych chi'n rhiant i blentyn rhwng 3 a 4 oed, efallai y byddwch yn gymwys i gael rhagor o gymorth gofal plant gan Lywodraeth Cymru o dan y Cynnig Gofal Plant  sydd wedi'i ehangu'n ddiweddar i gynnwys myfyrwyr sy'n rhieni.

Lwfans Dysgu i Rieni

Dyfernir y lwfans hwn nad oes angen ei ad-dalu i helpu myfyrwyr â phlant dibynnol.

• Uchafswm y Lwfans Dysgu i Rieni sy'n daladwy yn 2025/26 fydd £1,945 a'r isafswm fydd £53.00.
• Mae faint a gewch yn dibynnu ar incwm trethadwy eich cartref.
• Bydd yr Adran Gwaith a Phensiynau a’r Adran Budd-dal yn diystyru'r swm a ddyfarnwyd i chi pan fyddant yn cyfrifo eich hawl am fudd-dal.
• Mae'r grant hwn fel arfer yn cael ei dalu mewn tri rhandaliad, un ar ddechrau pob tymor ar yr un pryd â'ch benthyciad cynhaliaeth a grantiau eraill.

Grant Oedolion Dibynnol

Mae Grant yma ar gael i fyfyrwyr sydd â dibynyddion sy'n oedolion. Os oes gennych bartner, sy'n dibynnu arnoch yn ariannol, efallai y byddwch yn gymwys i wneud cais am y grant hwn nad oes rhaid ei ad-dalu. 

• Uchafswm y Lwfans Dysgu Rhieni sy'n daladwy yn 2025/26 fydd £3,407.
• Bydd faint o gymorth a dderbyniwch yn dibynnu ar incwm eich dibynyddion.
• Bydd y grant hwn yn cael ei drin fel incwm gan unedau budd-dal Tai neu Dreth Gyngor neu Fudd-dal Lles eraill.
• Ni fydd y Ganolfan Byd Gwaith nac adrannau Budd-dal Tai yn cyfrif y grant hwn wrth gyfrifo eich hawl i gael budd-daliadau

• Cyllid Myfyrwyr Cymru www.cyllidmyfyrwyrcymru.co.uk
• Gwasanaeth Cyngor, Gwybodaeth ac Arian: https://www.aber.ac.uk/cy/sscs/advice-info-money/ 
• Budd-Daliadau Lles: https://www.gov.uk/cymraeg