Gyrfaoedd mentrus
Oes gennych chi ddiddordeb mewn troi eich angerdd yn fwy na gweithgaredd amser hamdden? Ydych chi am weithio, ond ar eich telerau eich hun? Ydych chi’n awyddus i greu gyrfa o amgylch eich credoau, yn ogystal â'ch anghenion?
Mae darpariaeth menter y Gwasanaeth Gyrfaoedd a Chyflogadwyedd yma i roi arweiniad, cefnogaeth a chyfleoedd i fyfyrwyr a graddedigion sydd â diddordeb mewn gweithio'n llawrydd ac mewn entrepreneuriaeth.
Rydym yn cynnig:
- cyfle i frysbennu mewn sesiynau un-i-un er mwyn eich helpu i ddod o hyd i'r adnoddau cywir
- rhaglen amrywiol o ddigwyddiadau sy'n annog entrepreneuriaeth
- mentrau i chi gael eich syniadau allan i'r byd
I gael mwy o wybodaeth gweler isod.
Cysylltwch a ni yma: enterprise@aber.ac.uk
Cefnogaeth unigol
Rhaglen o ddigwyddiadau
Cystadlaethau a mentrau
Hacathon Cymru Gyfan 2026, 04/03/26, 2yp i 7yh, Prif Neuadd Gwleidyddiaeth Ryngwladol
Digwyddiad undydd lle mae timau o fyfyrwyr yn meddwl am syniad i fynd i'r afael â phroblem fyd-eang gymhleth. Mae’r digwyddiad yn cynnwys sesiynau mentora a gwobrau – gallwch gael rhagor o fanylion a chofrestru yma: enterprise@aber.ac.uk
.png)
Gwobrau menter blynyddol i fyfyrwyr
Bob haf, mae'r brifysgol yn cynnig cyfres o wobrau i fyfyrwyr sy'n dymuno dod yn hunangyflogedig a dechrau eu busnesau eu hunain.
Cystadleuaeth Gwobrau Menter Digwyddiad Lansio
Dewch i ddysgu am y Gystadleuaeth
Dysgwch sut i wneud cais a chael cyfle i ennill gwobrau ariannol a mwy!
Pryd: 6 Mai, 3-4pm
Ble: Y Ganolfan Ddelweddu 0.06
archebwch yma
Adnoddau
Astudiaethau Achos
Maurice Akpan
Drwy fod yn rhan o gystadleuaeth Menter 2023 fe ges i lwyfan gwerthfawr i ystyried fy syniadau a meddwl yn fwy difrifol am sut i'w troi'n fusnes go iawn.
Roedd y broses yn help i mi i fireinio fy syniad a, hyd yn oed nawr, wrth i mi weithio ar ddatblygu fy ngwefan http://mihydrosense.co.uk/, a'r ap y soniais amdano yn ystod y gystadleuaeth, bydd hynny’n fy nghynorthwyo i redeg fy menter cynhyrchu ffrwythau a llysiau’n hydroponig o fy ffôn.
Gwnaeth argymhellion y beirniaid hefyd roi i mi ddealltwriaeth ddefnyddiol am hunan-wella, chwilio am gyfleoedd, a gwthio fy syniadau ymhellach. Byddwn yn bendant yn annog pawb sydd â chynllun busnes neu syniad am fusnes i gymryd rhan yn y gystadleuaeth - mae'n brofiad gwych ac yn fan cychwyn cryf.
Jamila La Malfa Donaldson
Yn rhan o’m gwaith yn paratoi fy nghais am wobr menter y myfyrwyr 'GwobrCaisDyfeisio', cymerais i ran mewn gweithdy ar-lein a ddarparwyd drwy'r rhaglen Menter. A minnau’n dod o gefndir STEM, rhoddodd y gweithdy gyflwyniad gwerthfawr i mi ar gysyniadau busnes allweddol, gan helpu i bontio’r gagendor rhwng arbenigedd technegol a mentergarwch. Roedd y siaradwyr yn ddifyr ac yn rhannu eu cyngor yn hael, ac roedd y sgyrsiau dilynol yn arbennig o ddefnyddiol wrth lunio a chryfhau fy nghais.
Fi enillodd y wobr yn y pen draw, a gwnaeth y profiad chwarae rhan bwysig wrth i mi ddatblygu'r sgiliau busnes a'r hyder sy'n dal i gefnogi fy musnes heddiw.
Harry Warne
Mae'r gefnogaeth gan y rhaglen Menter yn fy helpu i brynu caledwedd i lunio prototeip i’m cynnyrch, yn ogystal â’m talu fy hun i weithio ar y prosiect. Cyn y rhaglen Menter, y cyfan oedd gennyf i oedd un syniad gwallgof. Pan enillais i’r wobr fe welais ei bod yn bosib cymryd syniad, a allasai fod wedi aros yn rhyw syniad gwallgof am byth, a’i droi’n rhywbeth go iawn yn y byd. Mae ffordd hir o'm blaen, ond rydw i mor ddiolchgar fy mod wedi cael cefnogaeth frwd ar gam mor gynnar.
