Tystysgrif Sgiliau Iaith Gymraeg

Mae’r Dystysgrif wedi ei datblygu er mwyn galluogi myfyrwyr sy’n astudio yng Nghymru i ennill tystysgrif sy’n dangos tystiolaeth o’u sgiliau iaith, a’u gallu i weithio drwy gyfrwng y Gymraeg. Mae llawer o gyflogwyr wedi datgan eu cefnogaeth i’r Dystysgrif. Mae’n gymhwyster cenedlaethol (national qualification) sy’n cael ei roi gan CBAC (Cyd-bwyllgor Addysg Cymru).

Mae dwy ran i’r Dystysgrif – y prawf llafar a'r prawf ysgrifenedig.

• Y prawf llafar: gwneud cyflwyniad llafar (7-8 munud) ar destun yn ymwneud â dy bwnc yn y Brifysgol, ac ateb cwestiynau a fydd yn codi o’r cyflwyniad (am 7-8 munud arall).
• Y prawf ysgrifenedig: sefyll papur arholiad (1½ awr) gyda 3 chwestiwn arno – cywiro darn, trawsieithu o’r Saesneg i’r Gymraeg, ac ysgrifennu’n rhydd drwy ymateb i gwestiwn.

Mae unrhyw un sy'n fyfyriwr neu'n aelod o staff yn y Brifysgol yn gallu sefyll y Dystysgrif.  Os ydych chi'n fyfyriwr Dysgu Cymraeg ond nid oes cyfrif myfyriwr Prifysgol Aberystwyth gennych chi, gallwch chi gofrestru fel ymgeisydd y Ganolfan Dysgu Cymraeg Genedlaethol, un o sefydliadau partner y Dystysgrif.  Os ydych chi'n gweithio i Fwrdd Iechyd Prifysgol Betsi Cadwaldr neu Lywodraeth Cymru, gallwch chi sefyll y Dystysgrif yn y Brifysgol drwy gofrestru fel ymgeisydd sefydliad partner hefyd.

Os oes gen ti ysgoloriaeth israddedig gan y Coleg Cymraeg, does dim rhaid i ti ymgeisio am y Dystysgrif, ond rydym yn annog bob myfyriwr i ystyried cofrestru. 

Mae cwblhau’r Dystysgrif Sgiliau Iaith yn amod o dderbyn ysgoloriaeth PhD gan y Coleg Cymraeg Cenedlaethol.  Bydd rhaid iti gwblhau'r Dystysgrif cyn cwblhau dy radd.

Cei. Bydd y Dystysgrif yn brawf gwerthfawr o dy allu i drafod dy bwnc yn y Gymraeg, a bydd cyflogwyr yn medru gweld fod y sgiliau gen ti, er na fyddi di wedi astudio drwy gyfrwng yr iaith.

Mae modd cofrestru rhwng Medi a Hydref bob blwyddyn. Cer i dudalennau’r Dystysgrif ar wefan y Coleg Cymraeg a chlicia ar y botwm ‘Cofrestru’.  Os wyt ti'n colli'r ffenestr cofrestru, ni fydd y ffurflen gofrestru ar gael a bydd rhaid iti aros tan y flwyddyn academaidd nesaf i gofrestru.

Nac oes – bydd y Coleg Cymraeg yn talu’r ffi cofrestru ar dy ran.

Bydd modd i ti dynnu ’nôl ond bydd rhaid i ti roi gwybod i Swyddog Cangen neu Diwtor Sgiliau Iaith yn dy brifysgol erbyn y dyddiad tynnu'n ôl ym mis Rhagfyr fan bellaf. Ond sylwa! Os byddi di’n tynnu’n ôl ar ôl y dyddiad hwnnw (e.e. drwy beidio â dod i'r cyflwyniad llafar neu'r prawf ysgrifenedig) heb reswm da, ni fydd modd i’r Coleg hawlio’r ffi cofrestru yn ôl ac felly bydd yn wastraff arian diangen.  

Yn gyntaf, paid â phoeni. Mae’n bosib’ trefnu dyddiad arall ar gyfer cyflwyniad llafar, ac mae modd trosglwyddo marc llafar i’r flwyddyn nesaf os byddi di’n sâl adeg yr arholiad ysgrifenedig, a bod gennyt bapur doctor neu dystiolaeth arall briodol. Bydd angen cwblhau ffurflen esgusodi yn y ddau achos. Cysyllta â’r tiwtor iaith i esbonio'r sefyllfa. Os wyt ti wedi bod yn sâl. gofynna i’r meddyg am bapur doctor.  Os oes amgylchiadau arbennig eraill, bydd y tiwtor iaith yn gallu esbonio pa fath o dystiolaeth sy'n dderbyniol.

Mae’r rhan fwyaf o asesiadau llafar Prifysgol Aberystwyth yn digwydd yn ystod misoedd Chwefror a Mawrth, ond mae’n bosibl eu cynnal o fis Rhagfyr ymlaen. Os wyt ti am gael dy asesiad llafar cyn mis Chwefror, trafoda hyn gyda’r tiwtor iaith. Bydd yr arholiad ysgrifenedig yn digwydd yr un pryd i bawb dros Gymru, sef 6 Mai 2020.

Oes! Mae cyfres o sesiynau paratoi ar gael, a’r rheiny’n cael eu cynnal yn semester 1 ac eto yn semester 2. Mae’n bosibl y bydd y tiwtor yn cynnig sesiynau yn dy adran di hefyd. Os na fedri di ddod i’r sesiynau sydd wedi eu trefnu, cysyllta â’r tiwtor iaith: o gael digon o rybudd, gall y tiwtor drefnu sesiynau ychwanegol ar amser sy’n gyfleus i ti. Mae cyfres o adnoddau i ddatblygu sgiliau iaith ar gael ar wefan y Coleg Cymraeg hefyd http://www.colegcymraeg.ac.uk/cy/astudio/sgiliauiaith/adnoddau/

Mae’n dibynnu ar y cwrs yr wyt ti’n ei ddilyn, ac ar dy hyder di i ddefnyddio’r Gymraeg i drafod dy bwnc. Bydd rhai myfyrwyr yn gwbl barod i ymgeisio yn eu blwyddyn gyntaf, ac mae sawl un wedi ennill y Dystysgrif gyda Rhagoriaeth yn eu blwyddyn gyntaf. Mae’n well gan eraill aros tan yr ail neu’r drydedd flwyddyn, er mwyn datblygu eu sgiliau iaith a’u sgiliau cyflwyno a pharatoi. Fel arfer, rydyn ni’n annog myfyrwyr i beidio â gadael y Dystysgrif tan eu blwyddyn olaf, oherwydd pwysau gwaith cwrs. Pa bynnag flwyddyn yr wyt ti’n ei dewis, rhaid i ti gofrestru ar wefan y Coleg Cymraeg yn ystod y cyfnod cofrestru, sef Medi-Hydref, fel arfer.

Oes. Mae modd ennill y Dystysgrif drwy Lwyddo, gyda Chlod neu gyda Rhagoriaeth.

Oes. Cysyllta â’r Tiwtor Sgiliau Iaith i drefnu sgwrs.

Nia Peris, Tiwtor Sgiliau Iaith: nip21@aber.ac.uk neu 01970 622684
Tamsin Davies, Swyddog Cangen: ted@aber.ac.uk neu 01970 628766