Cyfanswm o 213 awr

• 7 awr yr wythnos yn ystod Tymor 1 a 2 (am 20 wythnos)
• 36.5 awr yr wythnos yn ystod y lleoliad 2 wythnos olaf ym mis Mehefin ar ol arholiadau eich blwyddyn olaf

Noder y bydd hyfforddiant gorfodol yn rhan o'r rhaglen, a bydd hyn yn cael ei gynnwys yn eich oriau gwaith. 

Rydym yn croesawu ceisiadau gan fyfyrwyr israddedig blwyddyn olaf PA sy’n ceisio meithrin hyder a sgiliau sy’n uniongyrchol berthnasol i agoriadau gyrfa o fewn gwasanaethau proffesiynol o fewn y sector Addysg uwch.  

I fod yn gymwys, rhaid i chi fod:

• yn eich blwyddyn olaf o astudio gradd israddedig, e.e. BA, BSc, MPhys, yn graddio yn Haf 2027.
• ar gael i ymrwymo i'r cyfnod rhan-amser ac amser llawn
• ar gael i ymrwymo i'r sesiynau hyfforddi gorfodol, y cyfarfodydd mentora a'r tasgau myfyriol a ddarperir gan y Gwasanaeth Gyrfaoedd a Chyflogadwyedd.
• Yn gallu darparu tystiolaeth o'ch Hawl i Weithio yn y DU i'w gwirio gan adran Adnoddau Dynol y Brifysgol.
• Yn ogystal, dylai fod gennych brofiad gwaith cyfyngedig neu ddim profiad gwaith o gwbl hyd yn hyn (gan gynnwys gwaith â thâl, gwaith gwirfoddol a rolau gwirfoddol ar bwyllgorau clybiau/cymdeithasau’r brifysgol) – ni allwch gymryd rhan os gwnaethoch gwblhau Blwyddyn mewn Diwydiant neu’r Cynllun Blwyddyn mewn Gwaith yn ystod blwyddyn academaidd 2025-26.

Os oes gennych ddiddordeb mewn gwneud cais am y Rhaglen Llwybrau Proffesiynol ('26 - '27), ceir hyd i ragor o fanylion a'r ffurflen gais yma. 

Os hoffech chi wneud cais ar gyfer Llwybrau Proffesiynol '26-'27, bydd angen i chi:

• Gyflwyno CV 
• Ysgrifennu datganiad personol gan gynnwys sut y byddech chi'n elwa o'r rhaglen
• Cadarnhau eich gallu yn y Gymraeg 
• Cadarnhau datganiad o holl ofynion y rhaglen

Matilda: Chanolfan Gwasanaethau’r Gymraeg

“Un o’r rhannau mwyaf diddorol i mi yn fy rôl yw helpu i gynllunio a chreu cynnwys ar gyfer Instagram Cangen y Coleg Cymraeg Cenedlaethol yn Aberystwyth”

Eso: Gwasanaethau Gwybodaeth

"Fe wnaeth hyn fy herio mewn ffordd gadarnhaol, gan fy mod yn defnyddio fy meddwl beirniadol mewn ffordd nad wyf wedi'i wneud o'r blaen."

"Rwy'n gwybod y gallaf gymhwyso’r sgiliau yr wyf wedi'u meithrin i amgylchedd gwahanol."

Gwen: Marchnata a Chyfryngau Creadigol

"Rydw i bellach wedi cael profiad o weithio mewn lleoliad corfforaethol, sydd wedi rhoi hwb i'm hyder yn fy ngallu.”

*Tim: Adnoddau Dynol

“Rwy'n llawer mwy hyderus, mewn gwirionedd mae'r lleoliad hwn wedi cadarnhau fy awydd am yrfa benodol mewn rheoli prosiectau yn y dyfodol.”

Lilia: Gwasanaethau i Fyfyrwyr

"Roeddwn i'n meddwl ei fod yn gyfle gwych i fod gam ar y blaen o ran fy ngheisiadau graddedig, yn ogystal â chael profiad ymarferol uniongyrchol."

Tayyibah: Adborth gan y Goruchwyliwr

Tîm Cyfathrebu, Ansawdd a Marchnata

“Tayyibah oedd y grym y tu ôl i’n nifer o’n mentrau. Cydlynodd arddangosfeydd llyfrau creadigol yn Llyfrgell Hugh Owen i nodi digwyddiadau allweddol”

“Roedd ei sgiliau dadansoddol yn disgleirio yn ei gwaith ar werthuso gwasanaethau a phrofiad defnyddwyr.

Kirill: Adborth gan y Goruchwyliwr

Tîm Ymgysylltu Academaidd

“Datblygodd Kirill sgript Python i’w defnyddio i nodi dolenni sydd wedi’u torri ar draws ystod o fathau o adnoddau yn Rhestrau Darllen Aspire sydd bellach wedi’u trwsio.”

“Roedd hwn yn lleoliad llwyddiannus iawn a chafodd Kirill ei enwebu a’i roi ar y rhestr fer ar gyfer Gwobr Aelod Staff Myfyrwyr y Flwyddyn Undeb Aber 2025.”

Ewan: Adborth gan y Goruchwyliwr