IBERS yn cyhoeddi cyfleoedd PhD newydd ar gyfer 2026 gyda Phartneriaeth Hyfforddiant Doethurol FoodBioSystems

Mae Partneriaeth Hyfforddiant Doethurol FoodBioSystems wedi rhyddhau manylion ar gyfer ei charfan nesaf o ysgoloriaethau PhD pedair blynedd wedi'u hariannu'n llawn, yn dechrau yn hydref 2026. Mae'r alwad eleni yn cynnwys nifer o gyfleoedd ymchwil cyffrous dan arweiniad neu gyd-oruchwyliaeth academyddion yn IBERS, sy'n cwmpasu amaethyddiaeth gynaliadwy, gwyddor planhigion, technolegau manwl, lleihau gwastraff, gwyddor maeth a mwy.

Mae prosiectau FoodBioSystems yn ymdrin â’r gadwyn gwerth bwyd lawn, gyda meysydd ymchwil yn cynnwys: systemau bwyd amgen; ymwrthedd gwrthficrobaidd; iechyd a lles anifeiliaid a ffermir; gwyddor bwyd; iechyd gydol oes; maeth dynol; technolegau clyfar; un iechyd; amaethyddiaeth fanwl; lleihau gwastraff; a systemau amaethyddol cynaliadwy.

Mae cyfanswm o 40 o brosiectau yn cael eu hysbysebu, gydag o leiaf 19 o ysgoloriaethau cyflogedig ar gael. Gall ymgeiswyr wneud cais am hyd at ddau brosiect ar draws unrhyw un o brifysgolion partneriaethol y Bartneriaeth Hyfforddiant Doethurol.

Prosiectau Partneriaeth Hyfforddiant Doethurol FoodBioSystems dan arweiniad IBERS

Pwnc FoodBioSystems	Teitl y Prosiect	Prif Ymchwilydd
Maeth / Systemau Amaethyddol Cynaliadwy	AI-Guided Understanding of Nutrient and Microbe Changes in Sprouted Grains for Sustainable and Nutritious Foods	Dr Aiswarya Girija
Systemau Amaethyddol Cynaliadwy / Amaethyddiaeth Manwl a Thechnolegau Clyfar	Flower Power: Petal and pistil adaptations for climate resilience	Dr Maurice Bosch
Systemau Amaethyddol Cynaliadwy / Amaethyddiaeth Manwl a Thechnolegau Clyfar	Bean_AI for breeding better beans	Yr Athro John Doonan
Systemau Amaethyddol Cynaliadwy / Deall a Manteisio ar Genomeg	Understanding control of Rubisco degradation in forage ingested by ruminants	Yr Athro Alison Kingston-Smith

Prosiectau FoodBioSystems gyda Chyd-oruchwyliaeth IBERS

Amaethyddiaeth fanwl a thechnolegau clyfar / systemau amaethyddol cynaliadwy	Can roots plasticity improve nitrogen use efficiency (NUE) in wheat lines with biological nitrification inhibitors (BNI) properties?	Yr Athro John Doonan
Lleihau gwastraff	Plastic biodegradation by compost microorganisms: a sustainable strategy to mitigate microplastic contamination in food systems	Dr Gordon Allison
Systemau Amaethyddol Cynaliadwy / iechyd cnydau	How Plants Prevent Self-Fertilisation: Unlocking Pathways to Better Crops	Dr Maurice Bosch
Systemau bwyd cynaliadwy / systemau bwyd amgen	SALTERA – Seaweed-derived Alternatives for Low-sodium Taste Enhancement and Reduction Applications	Dr Jessica Adams

Sut i wneud cais 

Mae’r ceisiadau’n agor ar 16 Rhagfyr 2025 drwy'r porth ar-lein:

 https://foodbiosystemsdtp.grantplatform.com/ 

Dyddiad cau ar gyfer ceisiadau: Dydd Llun 26 Ionawr 2026 (10:00 GMT)

Gall ymgeiswyr ddod o hyd i ganllawiau manwl, rhestrau o’r prosiectau, gwybodaeth am hyfforddiant ac astudiaethau achos myfyrwyr ar wefan y Bartneriaeth Hyfforddiant Doethurol:

 https://research.reading.ac.uk/foodbiosystems/apply-for-a-foodbiosystems-phd/for-phd-students-2/ 

Y cymorth sydd ar gael

Mae'r Bartneriaeth Hyfforddiant Doethurol yn cynnig:

• Cynllun Sicrwydd Cyfweliad
• Cynllun Mentora Ymgeiswyr (dyddiad cau: 9 Ionawr 2026, 10:00 GMT)

Mae'r cynlluniau hyn yn cefnogi myfyrwyr o grwpiau ethnig cymwys (statws ffioedd y DU) sy'n bodloni'r meini prawf academaidd.

Os oes gennych ddiddordeb mewn PhD sy'n cyfrannu at ddyfodol bwyd mwy gwydn, cynaliadwy a maethlon, dyma’ch cyfle.