Sioe Frenhinol Cymru 2026

 

Meysydd y Dyfodol: IBERS yn arddangos AgriTech, cnydau gwydn a dysgu gydol oes yn Sioe Frenhinol Cymru

O beiriannu drôn, roboteg a deallusrwydd artiffisial i ddatblygu cnydau sy'n gallu gwrthsefyll heriau'r hinsawdd a darparu cyfleoedd dysgu hyblyg, bydd gan Athrofa y Gwyddorau Biolegol, Amgylcheddol a Gwledig (IBERS) raglen lawn o ddigwyddiadau a gweithgareddau yn Sioe Frenhinol Cymru eleni yn Llanelwedd (20-23 Gorffennaf).

Fel rhan o thema eleni, Meysydd y Dyfodol, caiff ymwelwyr â stondin IBERS gyfle i gwrdd ag ymchwilwyr, clywed am dechnolegau amaethyddol newydd, darganfod y datblygiadau diweddaraf mewn gwyddor cnydau a dysgu mwy am gyfleoedd ar gyfer cydweithio, arloesi a datblygiad proffesiynol.

Ymhlith uchafbwyntiau'r wythnos bydd lansio Hyb Ymchwil Meysydd y Dyfodol, sgyrisau dyddiol ar y cnydau porthiant diweddaraf sy'n addas ar gyfer hinsawdd sy'n newid, arddangosiadau technoleg amaeth, gwyobdaeth am yr Arolwg Busnes Fferm sy’n dathlu’r 90 eleni, gweithgareddau i blant a chyflwyniad ar botensial pryfed fel ffynhonnell bwyd a maeth, gan gynnwys cyfle i flas browni sioced wedi’i bobi â phowdwr cricsyn.

Dydd Llun 20 Gorffennaf

Trwy’r dydd | Drôn ymchwil amaeth ac offer roboteg, gan gynnwys Bwgan, robot i gadw adar draw, a chi roboteg

Trwy’r dydd | Arolwg Busnes Fferm: Wrth i’r Arolwg Busness Fferm ddathlu’r 90, cyfle i ganfod sut gall ffermwyn fod yn rhan o’r arolwg blynyddol, di-enw hwn sy’n helpu ymchwilwyr, gwenuthurwyr polisi a diwydiant i ddeall tirlun economaidd amaeth yng Nghymru. 

11yb-2.30yp | Gweithgareddau Gwyddoniaeth i Blant

Gweithgareddau ymarferol i ymwelwyr iau, sy’n edrych mewn ffordd hawdd i’w ddeall ar wyddor planhigion a chnydau a'r ymchwil sy'n helpu i ddatblygu cnydau mwy gwydn ar gyfer y dyfodol.wrs ar hadau’r dyfodol gan Germinal

2yp | Sgwrs gan Germinal: Cefnogi Dyfodol Busnesau Fferm

Cyflwyniad dyddiol ar y glaswelltir a’r cnydau porthiant diweddaraf a ddatblygwyd rhwng IBERS, ein partner ymchwil Germinal Horizon a’n partner masnachnol Germinal

3yp | Lansio Hyb Ymchwil Meysydd y Dyfodol 

Lansiad Hyb Ymchwil Meysydd y Dyfodol,  menter gyffrous newydd sy'n dwyn ynghyd arbenigedd o bob rhan o Brifysgol Aberystwyth i gyflymu arloesedd ymarferol sy'n seiliedig ar ddata ar ffermydd. Nod yr Hyb yw cefnogi mabwysiadu technolegau newydd, datblygu sgiliau digidol ar gyfer yr economi wledig a sicrhau buddion cynaliadwy ar gyfer dyfodol carbon isel.

Dydd Mawrth 21 Gorffennaf

Trwy'r Dydd | Dewch i weld ein drôn amaethyddol o safon diwydiannol a dysgu sut mae ymchwilwyr yn defnyddio systemau awyr di-griw i gefnogi amaethyddiaeth fanwl drwy fonitro cnydau, mapio caeau ac asesu pridd.

2yp | Sgwrs gan Germinal: Cefnogi Dyfodol Busnesau Fferm

Cyflwyniad dyddiol ar y glaswelltir a’r cnydau porthiant diweddaraf a ddatblygwyd rhwng IBERS, ein partner ymchwil Germinal Horizon a’n partner masnachnol Germinal

3yp | Pryfed fel Bwyd a Phorthiant Anifeiliaid

Cyfle i ddysgu sut y gallai cynhyrchu pryfed ddarparu ffynhonnell ychwanegol o brotein cynaliadwy i bobl ac anifeiliaid, tra’n creu cyfleoedd newydd i fusnesau amaethyddol. Bydd cyfle hefyd i flasu brownis siocled wedi'u gwneud gyda phowdr cricsyn!

Dydd Mercher 22 Gorffennaf

Trwy’r Dydd | Ymchwil ar Dda Byw a Goleuo 

Bydd Dr Hannah Rees yn gwahodd ffermwyr i gymryd rhan mewn arolwg sy'n ymchwilio i sut y gall amodau goleuo mewn adeiladau effeithio ar iechyd, lles a chynhyrchiant da byw, fel rhan o raglen ymchwil Bioclocks UK.

11yb-2.30yp | Gweithgareddau Gwyddoniaeth i Blant

Cyfle arall i ymwelwyr iau gymryd rhan mewn gweithgareddau ymarferol sy'n ymwneud â gwyddor planhigion a chnydau

2yp | Sgwrs gan Germinal: Cefnogi Dyfodol Busnesau Fferm

Cyflwyniad dyddiol ar y glaswelltir a’r cnydau porthiant diweddaraf a ddatblygwyd rhwng IBERS, ein partner ymchwil Germinal Horizon a’n partner masnachnol Germinal

3yp | Cynllun Talebau Ymchwil Amaeth-Fwyd

Dewch i glwyed am sgwch fwy am Gynllun Talebau Ymchwil Amaeth-Fwyd newydd. Mae’r cynllun yn cynnig chwe Thaleb Arloesi, pob un yn darparu cyllid o 50% tuag at becyn ymchwil gwerth £4,000, gan alluogi busnesau amaeth-fwyd a biotechnoleg Cymru i weithio gydag arbenigwyr Prifysgol Aberystwyth ar heriau ac ar gyfleoedd ymchwil ymarferol.

Dydd Iau 23 Gorffennaf

2yp | Sgwrs gan Germinal: Cefnogi Dyfodol Busnesau Fferm

Cyflwyniad dyddiol ar y glaswelltir a’r cnydau porthiant diweddaraf a ddatblygwyd rhwng IBERS, ein partner ymchwil Germinal Horizon a’n partner masnachnol Germinal

Trwy'r Wythnos

  • Arddangosfa drôn amaethyddol a roboteg
  • Arddangosfa o golofn gwreiddiau rhizotron
  • Ymchwil ar lieiniau cnydau amlrywogaeth
  • Miscanthus fel deunydd gorwedd I  dda byw
  • Cyfleoedd Dysgu o Bell sy’n cwrdd ag anghenion y Cynllun Ffermio Cynaliadwy 
  • Gwybodaeth a chyhoeddiadau'r Arolwg Busnes Fferm
  • Cyfleoedd ar gyfer cydweithio ac arloesi gyda busnesau

Wrth siarad cyn sioe amaethyddol fwyaf Ewrop, dywedodd yr Athro Iain Donnison, Pennaeth IBERS:

"Mae Sioe Frenhinol Cymru yn uchafbwynt blynyddol i bawb sy'n ymwneud ag amaethyddiaeth yng Nghymru ac rydyn ni’n edrych ymlaen at ymgysylltu â'r gymuned ffermio i drafod yr heriau a'r cyfleoedd cyffrous sy'n wynebu'r sector mewn cyfnod o newid technolegol sylweddol.

“O wyddor cnydau ac ymchwil da byw i dechnolegau digidol, amaethyddiaeth fanwl a chyfleoedd datblygiad proffesiynol, mae'r gwaith sy'n cael ei arddangos gan IBERS yn amlygu sut y gall ymchwil ac arloesi helpu i gefnogi ffermio cynhyrchiol, proffidiol a chynaliadwy. Edrychwn ymlaen at groesawu ymwelwyr i'n stondin drwy gydol yr wythnos."

Mae stondin IBERS wedi'i lleoli yn Ardal Gofal Cefn Gwlad (877-CCA). Bydd gan Brifysgol Aberystwyth raglan lawn o weithgareddau a digwyddiadau hefyd yn y Pafiliwn Addysg ger y Prif Gylch.