Casgliadau a Threftadaeth

Dros y blynyddoedd rydym wedi bod yn gweithio gyda'n casgliadau a'n cymuned i ddatgelu straeon anhygoel Prifysgol Aberystwyth i'w rhannu gydag ymwelwyr â'r Hen Goleg hanesyddol. Mae rhai o'r rhain i'w gweld yn ein cyhoeddiad diweddar Ceiniogau'r Werin/The Pennies of the People, lle rydym yn trin a thrafod hanes y Brifysgol trwy 150 o wrthrychau. Cyfrol Dathlu’r 150  : Amdanom Ni , Prifysgol Aberystwyth. Edrychwch ar gyfryngau cymdeithasol yr Hen Goleg am ddiweddariadau yn ymwneud â'r prosiect, gan gynnwys ein casgliadau a'n mannau arddangos.

Gallwch wylio recordiadau o weminarau am hanes yr Hen Goleg:  

• "Cas gŵr na charo y wlad a’i maco”, Dr Calista Williams. Cyfle i glywed hanes taith Coleg Prifysgol Cymru, Aberystwyth i Ogledd America i godi arian yn 1890.

• “Aber yn Gafael gyda Cara Cullen a Julie Archer”. Cyfle i glywed am ymchwil Prifysgol Aberystwyth i’w hanes a’i chasgliadau ar gyfer ein horielau newydd cyffrous yn yr Hen Goleg.

• “Yr Annisgwyl yn Aberystwyth: rhannu straeon o archif y Brifysgol”, Julie Archer. Mynnwch gip ar archif y Brifysgol. Byddwn yn edrych ar rai o’r bobl a’r digwyddiadau sydd wedi cael eu dwyn i gof ac sydd wedi cael llwyfan o’r newydd yn sgil eitemau yn y casgliad.
• "O’r Coleg Ger y Lli i’r Coleg ar y Bryn – gan alw mewn ambell le arall ar y ffordd", Elgan Davies. Dyma hanes sut y daeth y Coleg Ger y Lli yn Goleg ar y Bryn.

Gwyliwch ragor o weminarau am hanes Prifysgol Aberystwyth.