AberCollab
Mae cydweithio yn cryfhau ymchwil, yn meithrin cyfnewid gwybodaeth gadarn ac yn arwain at effaith ymchwil cryf.
Rhaglen AberCollab 2025-26:
Mae rhaglen ariannu a hyfforddi AberCollab a grëwyd yn rhan o Strategaeth Arloesi a Chyfnewid Gwybodaeth y Brifysgol.
Nod AberCollab yw helpu ymchwilwyr i adeiladu a chryfhau partneriaethau a rhannu gwybodaeth mewn modd effeithiol er mwyn cefnogi arloesedd ac effaith ymchwil. Gall y cydweithio yma ddigwydd yn ystod bob cam o'r broses ymchwil; pan yn meddwl am syniadau, pan yn gwneud yr ymchwil, pan yn ehangu rhaglenni ymchwil neu pan yn rhannu ymchwil (cyfnewid gwybodaeth ac effaith ymchwil).
Manylion
Bydd y rhaglen yn darparu hyfforddiant a chefnogaeth ariannol o hyd at £3,000 ar gyfer gweithdai cydweithio a digwyddiadau rhwydweithio gyda'r bwriad o hwyluso rhyngweithio deallusol a chreadigol rhwng ymchwilwyr y Brifysgol a phartneriaid allanol. Er mwyn gwneud y gorau o'r cyfleoedd hyn bydd enillwyr AberCollab yn mynychu gweithdy hyfforddi undydd ac yn derbyn hyfforddiant ychwanegol gan y Ganolfan Ddeialog.
Ariennir y rhaglen gan Medr drwy Gronfa Arloesi Ymchwil Cymru.
Mae’r rhaglen yn cynnwys:
- £3,000 i gefnogi gweithdy neu ddigwyddiad cydweithio
- Hyfforddiant undydd mewn sut i redeg gweithdy effeithiol ar 5 Tachwedd 2025
- Cymorth i gyfieithu eich gwaith ar gyfer cynulleidfa gyhoeddus
- Cymorth ymarferol ar gyfer eich gweithdy/digwyddiad
- Digwyddiad cwrdd hanner ffordd ar 25 Chwefror 2026
- Cinio ar 8 Gorffennaf 2026 gyda'ch cyd-enillwyr er mwyn mynd ati i rannu profiadau
Sut i wneud cais
Danfonwch eich cais erbyn 17 Hydref 2025 (4yh).
Cwblhewch a chyflwynwch Ffurlen Gais AberCollab.
Am fwy o wybodaeth:
Os oes unrhyw ymholiadau neu os hoffech drafod syniadau posibl ar gyfer gweithdai, cysylltwch â ni ar ymchwil@aber.ac.uk.