Dod o hyd i Gyflogaeth

P'un a ydych chi'n chwilio am swydd ran-amser i gyd-fynd â'ch astudiaethau, profiad gwaith i greu eich CV, neu rôl raddedig ar ôl y brifysgol, mae nifer o gyfleoedd ar gael ar y campws a thu hwnt. Ar y dudalen hon ceir adnoddau allweddol i'ch helpu i ddod o hyd i swyddi gwag, cael profiad, a mynediad at gymorth gan y Gwasanaeth Gyrfaoedd a Chyflogadwyedd yn ystod eich amser ym Mhrifysgol Aberystwyth.

I gael unrhyw gymorth sy'n ymwneud â dod o hyd i waith, gan gynnwys help gyda'ch CV, llythyr eglurhaol, ffurflen gais a sgiliau cyfweliad, ewch i'r Hwb Gyrfaoedd yn llyfrgell Hugh Owen (dydd Llun i ddydd Gwener rhwng 10am a 4pm, yn ystod y tymor), neu e-bostiwch gyrfaoedd@aber.ac.uk.

Swyddi ar y Campws

Mae swyddi rhan-amser ac achlysurol ar gael ar draws nifer o adrannau gwasanaethau academaidd a phroffesiynol trwy gydol y flwyddyn, gan gynnwys rhai rolau sydd ar gael i fyfyrwyr yn unig. Mae'r holl gyfleoedd yn cael eu hysbysebu ar dudalen we Swyddi Gwag Mewnol Prifysgol Aberystwyth a gallent fod ar gael gyda gwasanaethau megis:

Swyddi yn yr Ardal Leol

Chwilio am waith rhan-amser yn Aberystwyth neu yn ystod gwyliau'r brifysgol? Mae'r adnoddau canlynol yn hysbysebu swyddi gwag gyda chyflogwyr lleol a gallant eich helpu i ddod o hyd i gyfleoedd sy'n cyd-fynd â'ch astudiaethau. Mae llawer o gyflogwyr yn recriwtio ar hyd y flwyddyn academaidd, gyda chyfleoedd ychwanegol ar gael yn ystod cyfnodau gwyliau.

Gyrfaoedd ABER – Porth y Gwasanaeth Gyrfaoedd a Chyflogadwyedd, gyda detholiad o rolau rhan-amser
Find a Job – Gwasanaeth chwilio am swydd Llywodraeth y DU
Indeed – Gwefan recriwtio ar-lein
Asiantaethau cyflogaeth – New Directions (swyddi addysg), Travail (swyddi diwydiannol ac mewn swyddfa), a 1st Grade Care (swyddi gofal cymdeithasol)
Beth sy’ ymlaen yn Aberystwyth – tudalen cyfryngau cymdeithasol ar gyfer cyflogwyr lleol a cheiswyr gwaith

Yn ogystal â byrddau swyddi ar-lein, cadwch lygad am swyddi gwag sy'n cael eu hysbysebu a’u harddangos mewn ffenestri siopau a busnesau o amgylch y dref, gan fod llawer o gyflogwyr lleol yn hysbysebu cyfleoedd fel hyn. Cyn gwneud cais, gwnewch yn siŵr bod gennych CV cyfredol. I gael cyngor ynglŷn â sut i greu neu wella eich CV, ewch i'r canllaw Prospects i CVs a llythyrau eglurhaol.

Os hoffech adborth ar eich CV neu lythyr eglurhaol, gallwch naill ai:

Eu huwchlwytho i shortlist.me i dderbyn adborth yn syth
Siarad ag aelod o'r tîm drwy fynd i’r Hwb Gyrfaoedd yn llyfrgell Hugh Owen (dydd Llun i ddydd Gwener rhwng 10am a 4pm, yn ystod y tymor)
E-bostio copi i gyrfaoedd@aber.ac.uk a byddwn yn ei adolygu i chi.

Profiad Gwaith

Mae profiad gwaith tra ydych yn y brifysgol yn ffordd wych o ddatblygu sgiliau, datblygu eich CV, ac ystyried gwahanol lwybrau gyrfa. P'un a ydych chi'n chwilio am gyfleoedd gwirfoddoli, gwybodaeth am sector penodol, neu brofiad sy'n gysylltiedig â'ch gradd, mae'r adnoddau canlynol yn lle da i ddechrau:

Gyrfaoedd ABER
Undeb Aber (Undeb Myfyrwyr Aberystwyth) | Sgiliau a Gwirfoddoli
Rhaglen Interniaeth Llwybrau Proffesiynol - Cynllun interniaeth ym Mhrifysgol Aberystwyth ar gyfer myfyrwyr blwyddyn olaf sydd â phrofiad gwaith cyfyngedig
Cymorth i Baratoi am Yrfa - Rhaglen ym Mhrifysgol Aberystwyth sydd wedi'i hanelu'n benodol at fyfyrwyr sydd ag ychydig neu ddim profiad gwaith, sydd hefyd yn uniaethu â nodweddion a allai olygu eu bod yn wynebu rhwystrau i ddod o hyd i waith.
Sut i gael swydd heb unrhyw brofiad - canllaw gan Prospects

Gair am interniaethau: Mae interniaethau yn gyffredin mewn rhai diwydiannau ond yn llai felly mewn eraill. Os nad ydych chi'n siŵr pa gyfleoedd profiad gwaith sy'n iawn i chi, siaradwch ag aelod o'n tîm.

I gael unrhyw gymorth sy'n ymwneud â dod o hyd i brofiad gwaith neu wneud cais amdano, ewch i'r Hwb Gyrfaoedd yn Llyfrgell Hugh Owen (dydd Llun i ddydd Gwener, 10am i 4pm yn ystod y tymor) neu e-bostiwch gyrfaoedd@aber.ac.uk.

Lleoliadau Blwyddyn Ddiwydiannol

Os yw eich cwrs yn cynnwys blwyddyn integredig mewn diwydiant, mae'n bwysig dechrau chwilio am leoliad cyn gynted â phosibl, gan fod llawer o gyflogwyr yn recriwtio ymhell ymlaen llaw. Gallwch ddod o hyd i nifer o leoliadau gwaith, gan gynnwys interniaethau a chynlluniau blwyddyn mewn diwydiant, drwy'r adnoddau canlynol:

Dim blwyddyn integredig yn rhan o’ch cwrs ond eisiau cael profiad yn y diwydiant? Cymerwch olwg ar ein Cynllun Blwyddyn mewn Gwaith (BMG).

Os nad ydych yn siŵr pa leoliad, interniaeth neu brofiad gwaith sy'n iawn i chi, ewch i'r Hwb Gyrfaoedd yn Llyfrgell Hugh Owen (dydd Llun i ddydd Gwener, 10am i 4pm yn ystod y tymor) neu e-bostiwch gyrfaoedd@aber.ac.uk am gyngor.

Swyddi i Raddedigion

Mae llawer o sefydliadau yn cynnig llwybrau mynediad pwrpasol i raddedigion trwy gynlluniau graddedigion a rolau ar lefel graddedig. Mae’r broses recriwtio ar gyfer llawer o gynlluniau graddedigion yn agor yn yr hydref cyn graddio, felly mae'n syniad da dechrau edrych ar gyfleoedd ar ddechrau eich blwyddyn olaf.

Os hoffech gael cymorth i chwilio am swydd i raddedigion, gyda cheisiadau, CV neu i baratoi at gyfweliad, ewch i'r Hwb Gyrfaoedd yn Llyfrgell Hugh Owen (dydd Llun i ddydd Gwener, 10am i 4pm yn ystod y tymor) neu e-bostiwch gyrfaoedd@aber.ac.uk.

Aros yng Nghymru

Mae Cymru'n cynnig dewis helaeth o gyfleoedd i raddedigion ar draws amryw o sectorau, a rhagwelir y bydd y galw am sgiliau ar lefel-graddedigion yn cynyddu yn y blynyddoedd i ddod. Os oes gennych ddiddordeb mewn datblygu eich gyrfaoedd yng Nghymru, ewch i'n tudalen we Gweithio yng Nghymru i gael rhagor o wybodaeth ac arweiniad.

Eisiau gwella eich siawns o sicrhau rôl i raddedigion yng Nghymru? Ewch i'r dudalen Dysgu Cymraeg am fanylion cyrsiau Cymraeg am ddim sydd ar gael i fyfyrwyr Prifysgol Aberystwyth.