Materion a godwyd

Camau Gweithredu’r Gwasanaethau Gwybodaeth

Mae gan brifysgolion eraill gyngor ar gyfer uwchraddedig, e.e. sut mae cyflwyno papur cynhadledd

Fe fyddwn yn edrych ar pa gynnwys y gallwn ei ychwanegu ar gyfer uwchraddedigion ar gyfer y flwyddyn academaidd 25-26 gan weithio gyda’r Ysgol Raddedigion.

Byddai rhagor o enghreifftiau o aralleirio derbyniol ac annerbyniol yn ddefnyddiol

Gallwn edrych ar hyn fel rhan o’n arolwg blynyddol ac ystyried os allwn greu cynnwys ar gyfer y flwyddyn academaidd 25-26.

Mae gormod o destun ac nid yw'n weledol iawn

Rydym eisoes wedi trosglwyddo llawer o'r cynnwys i ffeithluniau a byddwn yn parhau gyda'r gwaith hwn.  Byddwn hefyd yn parhau i ymchwilio i ddulliau eraill o gyfleu gwybodaeth megis fideos a thiwtorialau.

Symud tuag at rai adnoddau mwy penodol i’r pwnc/adran yn enwedig ar gyfer y gwyddorau.  Yn y tab Ysgrifennu ar gyfer aseiniadau, efallai y gellir rhoi ffolderi ar wahân ar gyfer sgiliau ysgrifennu cyffredinol, rhai ar gyfer y dyniaethau a'r gwyddorau.  Gallai hyn, efallai, ei gwneud hi'n haws i fyfyrwyr o wahanol gyfadrannau ddod o hyd i’r cymorth gorau.

Mae hwn yn awgrym gwych a byddwn yn rhoi ystyriaeth i ddarparu mwy o adnoddau i fyfyrwyr gwyddoniaeth.  Fodd bynnag, nid ydym yn gallu darparu adnoddau sy’n benodol i bwnc ar hyn o bryd.

ychwanegu rhywfaint o wybodaeth ar sut i ddefnyddio rhai o'r offer rheoli cyfeirnodi ar-lein mwy diweddar e.e. MyBib a Scribbr.  Mae llawer o fyfyrwyr bellach yn defnyddio'r rhain ond o hyd yn gwneud camgymeriadau wrth fformatio eu cyfeirnodau, oherwydd nad ydyn nhw'n meddwl am y gosodiadau.

Mae hwn yn awgrym defnyddiol iawn ac rydym wrthi’n cynhyrchu canllawiau a ddylai ymddangos yn fuan yn Blog y Llyfrgellwyr.

Wrth edrych ar rai o'r ffeithluniau sy'n ymwneud ag ysgrifennu traethodau, rwy'n credu bod rhai ohonynt yn cynnwys gormod o destun neu gallent fod yn fwy atyniadol o ran eu cynllun gweledol.  Ond mae'r cynnwys ei hun yn dda iawn.

Falch eich bod wedi mwynhau'r cynnwys. Mae creu cydbwysedd yn anodd wrth ddarparu digon o ddeunydd, gan sicrhau ei fod yn apelio’n weledol a heb ormod o destun.  Byddwn yn adolygu ein ffeithluniau dros yr haf.

Mwy o opsiynau ynghylch sgiliau ysgrifennu traethodau hir a sgiliau ymchwil a dadansoddi ystadegol.  Yn enwedig ar gyfer myfyrwyr uwchraddedig. 

Diolch, byddwn yn cynnwys hyn yn ein hadolygiad o Wybodaeth i Uwchraddedigion

Mwy o adnoddau ar gyfer sgiliau astudio niwrowahanol.

Hoffem ddatblygu'r agwedd hon ar ein darpariaeth a byddwn yn siarad â'n cydweithwyr yn y Gwasanaethau i Fyfyrwyr ynglŷn â darparu adnoddau yn y maes hwn. 

Mae rhywfaint o'r wybodaeth am y Cymorth Sgiliau Iaith yn anghywir.

Rydym wedi diwygio rhywfaint o'r wybodaeth a'i drafod gyda'n cydweithwyr felly dylai fod yn gywir nawr. 

Mae wedi dyddio o ran golwg a naws.  Mae yna lawer o feddalwedd dysgu ar-lein y gellid ei ddefnyddio i'w wneud yn ddeniadol ac yn haws i'w ddefnyddio.

Rydym yn edrych ar wahanol ffyrdd o gyfleu gwybodaeth a allai fod yn haws i'n myfyrwyr.  Byddwn yn parhau i adolygu sut rydym yn cyflwyno gwybodaeth.

Rwy'n cynnig traethodau fideo byr fel dewis arall/ychwanegiad (i ddeunydd sy’n cynnwys llawer o destun)

Diolch am yr awgrym hwn.  Byddwn yn edrych ar sut y gallwn addasu rhywfaint o'n cynnwys i fformat fideo dros yr Haf.