Mrs Elizabeth Wile

Community Lecturer in Healthcare Education

Manylion Cyswllt

Ebost: elw91@aber.ac.uk
Swyddfa:0:24 Adeilad Gwendolen Rees
Ffôn: +44 (0) 1970 1682
Proffil Porth Ymchwil (https://research.aber.ac.uk/en/persons/87366a97-3584-42a6-b9e4-7692d9969991)
Personal Pronouns: Hi / Ei

Proffil

Mae Betty (Elizabeth) wedi ymuno â Phrifysgol Aberystwyth fel Darlithydd Cymunedol rhan-amser mewn Addysg Gofal Iechyd.

Mae gan Betty gofrestriad deuol gyda'r Cyngor Nyrsio a Bydwreigiaeth fel Nyrs Gofrestredig ac fel Nyrs Gymunedol Arbenigol ym maes Iechyd Cyhoeddus. Mae hefyd yn Nyrs Gofrestredig sy’n Rhagnodi.

Cyn ymuno a'r Brifysgol, gweithiodd Betty ym maes gofal iechyd dros y 40 mlynedd diwethaf, gan weithio mewn gwahanol leoliadau a thimau gan gynnwys ysbytai'r GIG, gwaith asiantaeth yn Llundain, cartref gofal preswyl preifat i oedolion hŷn a Gwasanaethau Ymwelwyr Iechyd. Mae wedi gweithio mewn ardaloedd Dechrau'n Deg fel Ymwelydd Iechyd, yng Nghyngor Sir Ceredigion a Gwasanaethau Cymdeithasol. Bu’n Frechwr Covid (Banc) a'i swydd ddiwethaf oedd gweithio fel Ymwelydd Iechyd Arbenigol/Gweithiwr Allweddol o fewn y Tîm Anabledd Iechyd Plant, gan weithio ledled Ceredigion.

Cyfrifoldebau

Mae cyfrifoldebau Betty yn cynnwys:

Tiwtor Personol/Asesydd Academaidd

Darlithydd Cyswllt Cymunedol

Cydlynydd Modiwlau

Dirpwy Gydlynydd Cynllun ar gyfer y Dystysgrif Lefel 4 mewn Addysg Gofal Iechyd

Tiwtor cyswllt addysgol ar gyfer lleoliadau gofal sylfaenol

Uwch Diwtor ar gyfer Amgylchiadau eithriadol

Yn ogystal, bydd Betty yn arwain y Ganolfan Addysg Gofal Iechyd yn y meysydd canlynol:

‘Learning@Wales ’(cyrsiau ar-lein ar gyfer myfyrwyr nyrsio)

Arweinydd y Gymraeg

Addysg ryngbroffesiynol

Diogelu

Gwybodaeth Ychwanegol

Ganwyd Betty yn Aberystwyth a bu'n byw yng Ngheredigion drwy gydol ei phlentyndod nes iddi symud i Dde Cymru i ddechrau ei hyfforddiant nyrsio.

Cymraeg yw iaith gyntaf Betty, ac felly bydd yn gallu cefnogi'r myfyrwyr yn academaidd ac yn glinigol drwy gyfrwng y Gymraeg a'r Saesneg.

Ar hyn o bryd mae Betty yn ymgymryd â'i chwrs TUAAU ym Mhrifysgol Aberystwyth i'w chefnogi yn ei rôl fel Darlithydd Cymunedol ac yn ddiweddar mae wedi ennill statws Cymrawd Cyswllt.

Cyflwynodd Betty yn ddiweddar yng Nghynhadledd Iechyd a Gofal Gwledig Cymru 2024 ar 'Cyfleoedd/lleoliadau dysgu newydd i nyrsys dan hyfforddiant sy'n gweithio mewn lleoliadau ymarfer cyffredinol yng Nghymru Wledig'.