Argraffu Torri Leinio

 

Gellir astudio 'Argraffu Torri Leinio' fel cwrs annibynnol ac mae'n gwrs dewisol ar gyfer y Dystysgrif Addysg Uwch mewn Celf a Dylunio ym Mhrifysgol Aberystwyth.

Ffeithiau Allweddol

 

Iaith: Cymraeg

Hyd: 10 Wythnos

Nifer y Credydau: 10

Tiwtor: Elin Crowley 

Dull Dysgu: Wyneb i wyneb

Lefel: Mae'r modiwl hwn ar Lefel 4 FfCChC

Cod y Modiwl: YD11210

Ffi: Am Ddim - Cynllun Hepgor Ffioedd (gweler yr amodau isod).

Nid oes modd cadw lle ar y cwrs hwn ar hyn o bryd

Byddwch y cyntaf i gael gwybod pan gyhoeddir dyddiadau newydd trwy ymuno â’n rhestr bostio.

 

Diolch i gefnogaeth ariannol gan Medr trwy'r Cynllun Hepgor Ffioedd, caiff ddysgwyr a siaradwyr Cymraeg sy’n byw yng Nghymru (a sydd ddim yn astudio mewn prifysgol), astudio’r cwrs hwn am ddim. Cyn y gellir archebu eich lle ar y cwrs, rhaid i chi gwblhau cais Hepgor Ffioedd ac anfon prawf o'ch cyfeiriad yng Nghymru atom.

Oherwydd natur y cwrs, nifer cyfyngedig sydd ar gael felly y cyntaf i’r felin fydd hi!

 

Amlinell 

Mae'r cwrs cyfrwng Cymraeg hwn yn cynnig taith gynhwysfawr o ddull argraffu torri leino ac yn annog dysgwyr i ddatblygu technegau traddodiadol ac arbrofol. Yn ystod y cwrs hwn, a fydd yn cael ei gyflwyno gan artist a gwneuthurwr printiau profiadol, bydd dysgwyr yn astudio ac yn datblygu technegau argraffu torri leino. Trwy waith unigol a gwaith grŵp, caiff ddysgwyr gyflwyniad i wahanol dechnegau a sgiliau megis lliw, tôn a chymysgu yn ogystal â chyfle i ddatblygu syniadau ar themâu a syniadau penodol sy'n gysylltiedig â'r pwnc. Bydd yr holl waith a grëir yn cael ei gynllunio o amgylch llun gwreiddiol o ffotograffau, llyfrau neu fywyd llonydd. Bydd dysgwyr yn cael eu hannog i arbrofi a gwthio'r ffiniau wrth ddysgu'r gwahanol dechnegau, gan ennill yr hyder a'r wybodaeth i barhau â'r prosesau yn y dyfodol.

Rhaglen y Cwrs

Yn ystod y cwrs, bydd y dysgwr yn astudio'r canlynol:

  1. Dull argraffu torri leino
  2. Dull incio ‘relief’
  3. Cyflwyniad i dermau celfyddol a chyfryngau • Cyflwyniad i wahanol dechnegau a sgiliau megis lliw, tôn a chymysgu;
  4. Astudiaethau o artistiaid a’u gwaith
  5. Gwaith grŵp i ddatblygu syniadau ar themâu a syniadau penodol sy'n gysylltiedig â'r pwnc.
  6. Dogfennu gweithgareddau, dulliau a deunyddiau

Canlyniadau Dysgu

  1. Trafod a chyflwyno eu syniadau creadigol gyda lluniadau i gefnogi gwaith pellach.
  2. Paratoi'r ardal waith a’r defnydd o offer cywir ac addas.
  3. Paratoi platiau ac argraffu print lino amlliw.
  4. Ymgyfarwyddo â'r offer, yr inciau a'r toddyddion cywir ar gyfer glanhau.

Asesiadau

  1. Portffolio (2000 o eiriau) o ddulliau printio a'r delweddau a wnaed yn y dosbarth a thrwy astudiaethau hunangyfeiriedig. (100%)

Gofynion Mynediad 

Mae hwn yn gwrs i bawb. Nid oes angen unrhyw brofiad blaenorol ac nid oes unrhyw ofynion mynediad ffurfiol.