Sgiliau Dwyieithog i’r Gweithle 1

 

Nod y modiwl hwn yw galluogi myfyrwyr i adnabod a datblygu sgiliau craidd sydd eu hangen yn y gweithle.

Ffeithiau Allweddol

 

Iaith: Cymraeg

Hyd: 14 Wythnos 

Nifer y Credydau: 10

Tiwtor: Dr Tamsin Davies

Dull Dysgu: Ar-lein

Lefel: Mae'r modiwl hwn ar Lefel 4 FfCChC

Cod y Modiwl: YD11510

Ffi: £140.00 - Cynllun Hepgor Ffioedd

Gellir archebu lle ar y cwrs yma.

Diolch i gefnogaeth ariannol gan Medr trwy'r Cynllun Hepgor Ffioedd, caiff ddysgwyr a siaradwyr Cymraeg sy’n byw yng Nghymru (a sydd ddim yn astudio mewn prifysgol), astudio’r cwrs hwn am ddim. Cyn y gellir archebu eich lle ar y cwrs, rhaid i chi gwblhau cais Hepgor Ffioedd ac anfon prawf o'ch cyfeiriad yng Nghymru atom.

Oherwydd natur y cwrs, nifer cyfyngedig sydd ar gael felly y cyntaf i’r felin fydd hi!

 

Disgrifiad

Nod y modiwl hwn yw galluogi myfyrwyr i adnabod a datblygu sgiliau craidd sydd eu hangen yn y gweithle.  Bydd rhaid i fyfyrwyr gwblhau gweithgareddau sy’n dangos sgiliau cyflogadwyedd craidd, megis gweithdai, gwaith gwirfoddol a hyfforddiant ar-lein, ac ysgrifennu dyddlyfr adfyfyriol (reflective journal) anffurfiol. Mae’r modiwl hwn yn cydnabod pum sgil graidd sy’n bwysig i’r gweithle:

  • Hunan-ymwybyddiaeth
  • Cyfathrebu
  • Meddwl yn feirniadol
  • Llythrennedd ddigidol a gwybodaeth
  • Proffesiynoldeb

Bydd y modiwl hefyd yn darparu cefnogaeth i'r rhai llai hyderus eu Cymraeg i gryfhau eu sgiliau dwyieithog i'r gweithle.

Dyddiadau

13 Hydref 2026 – 29 Ionawr 2027

Canlyniadau Dysgu 

1. Gwerthuso eu perfformiad eu hunain a chynyddu eu hymwybyddiaeth o’u sgiliau eu hunain.

2. Myfyrio ar wybodaeth a phrofiadau a gawsant yn ystod y modiwl.

3. Datbygu eu gallu mewn ystod eang o sgiliau trosglwyddadwy sy’n cynnwys darllen, cymathu, archwilio a meddwl yn feirniadol.

4. Cymhwyso eu sgiliau dwyieithog i'r gweithle

Asesiadau 

Dyddlyfr hunan-fyfyrio - 100%

 

Cynnwys

    1.Parod am yrfa
    Hunan-ymwybyddiaeth o sgiliau a rhinweddau personol
    Rhaid dewis 2 weithgaredd tuag at y portffolio:
    o Gweithdy SgiliauAber
    o Adnabod eich Sgiliau Byd Gwaith
    o Cwis Paru Gyrfa Gyrfa Cymru
    o Cwis Sgiliau Byd Gwaith Profi
    o Rhestr wirio GraddedigionAber

    2. Proffesiynoldeb
    Rhaid dewis 2 weithgaredd tuag at y portffolio:
    Sesiynau SgiliauAber:
    o Defnyddio LinkedIn i wella cyflogadwyedd
    o Golygu a phrawf-ddarllen
    NEU
    o Lleoliad gwaith neu waith gwirfoddoli

    3. Ymwybyddiaeth o amgylcheddau gwaith gwahanol
    Rhaid dangos 2 weithgaredd tuag at y portffolio:
    o Ffug gyfweliad
    o Gweithdy SgiliauAber
    o Creu ac addasu CV
    o Ymweld â ffeiriau gyrfaoedd/digwyddiadau cyflogwyr
    NEU
    o Cwrs datblygiad proffesiynol parhaus priodol
    Datryswyr problemau dadansoddol

    4. Cyfathrebu
    Rhaid dewis 2 weithgaredd tuag at y portffolio:
    o Gweithdai SgiliauAber
    o Ysgrifennu ffurfiol
    o Trawsieithu
    o Sgiliau darllen
    o Cyflwyniadau llafar
    NEU
    o Cwblhau sesiynau’r DSI
    Cymwys yn ddigidol

    5. Cymwys yn ddigidol
    Rhaid dewis 2 weithgaredd tuag at y portffolio:
    o Gweithdai SgiliauAber
    o Cymraeg ar y cyfrifiadur
    o Porth Adnoddau:
    o Cwrs ar ddefnyddio’r Cyfryngau Cymdeithasol ‘Sbia ar hwn’
    o Offeryn Darganfod Digidol