Estyn allan
Mae staff a myfyrwyr o’r Adran Fathemateg yn cydweithio er mwyn ymgysylltu â chymunedau y tu allan i’r Brifysgol.
Mae aelodau o’r adran yn ymweld ag ysgolion lleol yn gyson, cefnogir yn aml gan fyfyrwyr MathSoc, gan geisio adlonni ac addysgu mewn amrywiaeth o bynciau mathemategol.
Cyswllt Ysgolion
Rydym yn cynnig y cyflwyniadau a gweithgareddau canlynol er mwyn hybu diddordeb disgyblion ac athrawon; gellir eu teilwra i grwpiau oedran gwahanol, a'u gwneud yn addas ar gyfer y maes llafur priodol.
- Pam astudio Mathemateg?
- Taith Corryn i’r Gwe: cyflwyniad Mathemateg Bur ar symio cyfresi anfeidraidd o rifau
- Mathemateg Swigod Sebon: cymhwysiad mathemateg er mwyn datrys problemau geometreg (gall gynnwys calcwlws). Mae'r gweithgaredd hwn bellach ar gael ar lein.
- Teilsio anghyfnodol: Ydyw'n bosib teilsio'r plân anfeidraidd fel nad yw'r patrwm yn ailadrodd? Gwneir defnydd o syniadau sy'n cynnwys cymesuredd a dychweliad.
- Mathemateg mewn Chwaraeon: pam fod geometreg a mecaneg yn bwysig mewn nifer o gemau chwaraeon? Mae gweithgaredd ar sut gall algebra a chalcwlws fod o ddefnydd er mwyn optimeiddio strategaeth ras geir ar gael ar lein.
- Ffractalau: sut ddylem gyfrifo dimensiwn siâp? Gwneir cymwysiadau o ffracsiynau a/neu logarithmau i geometreg.
Rydym hefyd yn cynnig deunydd wedi'i recordio o ddigwyddiadau o'r gorffennol:
- Cyfrifiadura Cwantwm
- Defnyddio Hafaliadau Differol er mwyn datrys dirgelwch llofruddiaeth
- Y Llyffant Stocastig
- Modelu a Profi Lledaeniad Afiechyd
- Geometreg y darn punt.
Cysylltwch â ni am fwy o fanylion, neu er mwyn gofyn am gyflwyniadau posib eraill.
