Croeso Welcome
Llongyfarchiadau a chroeso i deulu Prifysgol Aberystwyth!
Rydym yn falch iawn eich bod wedi dewis ymuno â'n cymuned brifysgol ac edrychwn ymlaen at gwrdd â chi cyn hir. Bydd y tudalennau hyn, yn rhoi’r holl wybodaeth sydd ei hangen arnoch am y cyfnod cyn i chi gyrraedd, pan ydych yn cyrraedd a beth bydd yn cymryd lle yn ystod yr wythnosau cyntaf yma yn Aber…
Sgroliwch lawr lle gallwch ddod o hyd i wybodaeth sy'n ymwneud â gweithgareddau rhyngwladol CroesoAber, i lawlyfr sy'n rhoi canllawiau i chi am yr wythnosau cyntaf fel myfyriwr rhyngwladol ac arweiniad a chyngor ar fisas.
Amserlen Croeso Ionawr 2026
Gallwch ddod o hyd i Amserlen Croesawu ac Ymgartrefu mis Ionawr yma sy'n eich galluogi i weld y gwahanol ddigwyddiadau a gweithgareddau wedi ei trefnu gan: Y Tîm Croeso Canolog, Eich Adran ac UndebAber.
Mae'r amserlen yn canolbwyntio ar y cyfnod rhwng dydd Mercher, 21 Medi a dydd Gwener, 23 Medi.
Am wybodaeth fanylach ynghylch y digwyddiadau a'r gweithgareddau amrywiol, cofiwch fynd i’ch Cynllunydd Ymgartrefu Personol.
Croeso gan yr Is-Ganghellor
Llongyfarchiadau a chroeso cynnes iawn i chi i Brifysgol Aberystwyth.
Dymunaf yn dda i chi dros y dyddiau a’r wythnosau cyntaf yn Aber, a gobeithio y caf eich croesawu, wyneb yn wyneb, pan gyrhaeddwch chi fis Ionawr.
Dyddiadau allweddol ar gyfer CyrraeddAber
- Wythnos Groeso Myfyrwyr Newydd: 21 Ionawr i 23 Ionawr 2026
- Undeb Aber (Undeb Myfyrwyr) – Ffair Reffreshars: 27 a 28 Ionawr 2026
Cyrraedd Aber
Dewch o hyd i wybodaeth i'ch helpu i baratoi i ymuno â ni ar y campws! Cofiwch hefyd bod modd darganfod gwybodaeth o fewn rhestrau gwirio CynAber a CyrraeddAber.
Bydd y wybodaeth a amlinellwyd yn ateb rhai o'r cwestiynau cyffredin fydd gennych o bosib ynghylch trefnu eich taith.
Eich Cynllunydd Ymgartrefu Personol
Defnyddiwch eich Cynllunydd Croeso ac Ymgartrefu personol i'ch helpu i ddarganfod y digwyddiadau sy'n benodol i’r cyfnod ymgartrefu.
Bydd gweithgareddau croeso eich adran yn ogystal a digwyddiadau eraill yn ymddangos yn awtomatig yn seiliedig ar eich cynlluniau gradd.
Ymgartrefu yn eich Adran
Mae eich Adran Academaidd methu aros i'ch croesawu ym mis Ionawr 2026.
Darganfyddwch yma am ble i fynd, gweithgareddau a digwyddiadau sydd wedi'u cynllunio i'ch helpu i ymgartrefu, gwneud ffrindiau ac addasu i fywyd yn rhan o'ch adran newydd.
Bydd cyfleoedd yn ystod yr wythnos a thu hwnt i ddod i adnabod eich tiwtoriaid personol, a dysgu mwy am sut mae eich adran wedi ymrwymo i gefnogi eich llwyddiant academaidd a'ch datblygiad proffesiynol o'r cychwyn cyntaf.
Eich Canllaw Ryngwladol I’r Wythnosau Cyntaf yn Aberystwyth
Rydym yn falch iawn eich bod wedi dewis ymuno â’n cymuned prifysgol a rydym yn edrych ymlaen at eich cyfarfod. Gobeithiwn y bydd y llawlyfr hwn yn gwneud hi’n haws i chi ymgartrefu i fywyd yn Aberystwyth.
Mae'n cynnwys gwybodaeth ddefnyddiol i chi fel myfyriwr rhyngwladol ar sut i ymgartrefu yn y brifysgol drwy ddarganfod ein cyfleusterau campws a manylu ymhellach ar eich astudiaethau. Byddwch hefyd yn dysgu mwy am ymgartrefu yn y DU a gwybodaeth am agor cyfrif banc yn y DU er enghraifft.
Mae mwy o wybodaeth am ymgartrefu yn ein tref hefyd, a rhai awgrymiadau o ran cyrraedd llefydd a siopa bwyd!
CaruAber – Dod i adnabod y Brifysgol
Dyma dy le i ddarganfod, i ddysgu ac i ddatblygu.
Wrth i chi ddechrau ymgyfarwyddo â'r brifysgol rydym am gefnogi eich cyfnod pontio i'r brifysgol, ac i chi ddod i adnabod y Brifysgol yn well. Mae ein themâu CaruAber yn canolbwyntio ar saith elfen allweddol a fydd yn eich galluogi i wneud y gorau o'ch amser gyda ni yn ystod eich cyfnod pontio.
Academi Ddoethurol
Mae'r Academi Ddoethurol yn goruchwylio ac yn cefnogi datblygiad pellach myfyrwyr ôl-raddedig (myfyrwyr ymchwil yn ogystal â’r rhai a ddysgir trwy gwrs) trwy ddarparu adnoddau i ôl-raddedigion, y Rhaglen Datblygu Ymchwilwyr, y rhaglen ehangu gyrfaoedd, a’r rhaglen hyfforddi athrawon.
Bydd yr Academi Ddoethurol yn cefnogi pob agwedd ar eich cyfnod ym Mhrifysgol Aberystwyth ac yn cyfoethogi eich profiad fel myfyriwr ôl-raddedig. Mae gan yr Academi Ddoethurol gysylltiadau cryf â'r Uned Datblygu Dysgu ac Addysgu a rhaglen y Dystysgrif Uwchraddedig Addysgu mewn Addysg Uwch (TUAAU).
Cwestiynau Cyffredin Croeso
Gwyliwch ein amrywiaeth o Gwestiynau Cyffredin ar gyfer eich cyfnod Croesawu ac Ymsefydlu yma’n Aber. Mae’r cwestiynau wedi eu dylunio ac wedi eu cyflwyno gan ein myfyrwyr ni yn dilyn eu profiadau nhw a’r cwestiynau y bydden nhw wedi eisiau gwybod. Maent wedi eu cyflwyno mewn ffurf fideos fer hefyd.
Gwasanaeth Cymorth a Chyngor Fisâu
Mae'r Cynghorydd Myfyrwyr Rhyngwladol yn darparu cyngor mewnfudo arbenigol, yn unol â Rheolau Mewnfudo’r Swyddfa Gartref. Gall hwn gynnwys cyngor ar sut i wneud cais am fisa myfyriwr 'o fewn' neu 'y tu allan' i’r DU, i ddiogelu statws mewnfudo tra yma, a opsiynau fisa ôl-astudio i fyfyrwyr sy'n dymuno dilyn astudiaethau pellach neu weithio yn y DU.
Rhyngwladol Aberystwyth
Gallwch ddod o hyd i amrywiaeth eang o wybodaeth yma gan ein Tîm Rhyngwladol ac mae'r cysylltiadau o fewn y tudalennau yn cynnwys gwybodaeth benodol i wlad/rhanbarth, yn ogystal â gwybodaeth bwysig am ffioedd a chyfraddau byw a gwybodaeth CAS a blaendaliadau sydd ei hangen cyn cyrraedd.
Cyfnewid yn Aber
Rydym wedi creu rhestr wirio wedi’i teilwra i chi yma os ydych chi ar rhaglen cyfnewid yn Aberystwyth. O gwblhau eich cytundeb dysgu i weithredu eich cyfrif myfyriwr a pharatoi ar gyfer eich amser yn Aber, darganfyddwch wybodaeth a fydd yn eich helpu gyda’r broses.
Canolfan Saesneg Rhyngwladol
Mae’r Ganolfan Saesneg Ryngwladol wedi ei hachredu gan y Cyngor Prydeinig ac mae'n ymfalchïo mewn cynnig cyrsiau o ansawdd uchel a gofal breswyl rhagorol.
Darganfyddwch ragor am gyrsiau a allai fod o ddiddordeb i chi yma.
