Croeso Welcome
Llongyfarchiadau a chroeso i Deulu Prifysgol Aberystwyth.
Rydym yn falch iawn eich bod wedi dewis ymuno â chymuned ein prifysgol ac edrychwn ymlaen at gwrdd â chi’n fuan. Bydd y tudalennau hyn yn cynnwys popeth sydd angen i chi ei wybod am y cyfnod cyn i chi gyrraedd, wedi i chi gyrraedd, a beth i’w ddisgwyl yn ystod eich wythnosau cyntaf yn Aber…
Amserlenni Canolog yr Wythnos Groeso 2026
Fe welwch amserlenni canolog yr Wythnos Groesawu yma, wedi'u teilwra i'r adeg y byddwch yn cyrraedd - p'un a ydych chi'n fyfyriwr Nyrsio sy’n cyrraedd ddechrau mis Medi, yn fyfyriwr rhyngwladol, neu'n ymuno yn ystod y prif gyfnod derbyn rhwng dydd Iau 17 Medi a dydd Sadwrn 26 Medi.
I gael gwybodaeth fanylach am ddigwyddiadau a gweithgareddau, gwnewch yn siŵr eich bod yn edrych ar eich Cynllunydd Ymgartrefu Personol, lle gallwch weld y rhain ochr yn ochr â sesiynau a drefnir gan eich Adran Academaidd.
Croeso gan yr Is-Ganghellor
Llongyfarchiadau, a chroeso cynnes iawn i Brifysgol Aberystwyth.
Dymunaf y gorau i chi ar gyfer eich diwrnodau a'ch wythnosau cyntaf yn Aber, ac rwy'n gobeithio eich croesawu'n bersonol pan fyddwch yn cyrraedd ym mis Medi.
Dyddiadau allweddol ar gyfer CyrraeddAber
- Wythnos Groeso Canolfan Addysg Gofal Iechyd: 7 Medi i 11 Medi 2026
- Wythnos Groeso Gwyddoniaeth Filfeddygol: 14 Medi i 18 Medi 2026
- Penwythnos Cyrraedd Myfyrwyr Newydd: 18 Medi i 20 Medi 2026
- Wythnos CroesoAber: 21 Medi i 25 Medi 2026
Ymgartrefu yn eich Adran
Mae eich Adran Academaidd yn edrych ymlaen yn fawr i'ch croesawu.
Darganfyddwch yma ble i fynd, ynghyd â manylion am weithgareddau a digwyddiadau sydd wedi'u cynllunio i'ch helpu i ymgartrefu, gwneud ffrindiau, ac addasu i fywyd yn eich adran newydd.
Bydd cyfleoedd yn ystod yr wythnos a thu hwnt i ddod i adnabod eich tiwtoriaid personol a dysgu mwy am sut mae eich adran wedi ymrwymo i gefnogi eich llwyddiant academaidd a'ch datblygiad proffesiynol o'r cychwyn cyntaf.
CynAber – Cyn Cyrraedd
Wrth baratoi ar gyfer cyrraedd Prifysgol Aberystwyth, edrychwch ar y tasgau hanfodol y bydd angen i chi eu cwblhau drwy ein rhestr wirio wedi'i theilwra, ynghyd â rhai fideos bach gan ein myfyrwyr presennol. Fe welwch hefyd wybodaeth ddefnyddiol i'ch helpu i baratoi i ymuno â'ch cymuned newydd.
Mae'r rhestrau gwirio a'r fideos wedi'u cynllunio i wneud pob cam o'ch taith i Aber mor llyfn â phosibl.
CyrraeddAber – Cyrraedd ac Ymgartrefu
Wedi cyrraedd Aber, edrychwch ar y tasgau hanfodol y bydd angen i chi eu cwblhau yn ystod eich diwrnodau cyntaf drwy ein rhestr wirio wedi'i theilwra, ynghyd â rhai fideos bach gan ein myfyrwyr presennol. Fe welwch hefyd wybodaeth ddefnyddiol i'ch helpu i baratoi i ymgartrefu yn eich cymuned newydd.
Mae'r rhestrau gwirio a'r fideos wedi'u cynllunio i wneud pob cam o'ch taith i Aberystwyth mor llyfn â phosibl.
CaruAber – Dod i adnabod y Brifysgol
Dyma’ch lle i ddarganfod, dysgu a thyfu.
Wrth i chi ddechrau ymgyfarwyddo â'r brifysgol rydym yma i’ch cefnogi yn ystod eich cyfnod pontio, a’ch helpu i ddod i adnabod Aberystwyth yn well. Mae ein themâu CaruAber yn canolbwyntio ar saith prif faes a fydd yn eich galluogi i fanteisio i’r eithaf ar eich amser gyda ni yn ystod eich cyfnod pontio.
Eich Cynllunydd Ymgartrefu Personol
Yn ystod yr Wythnos Groesawu, bydd amrywiaeth eang o ddigwyddiadau a gweithgareddau i chi gymryd rhan ynddynt. P'un a ydych chi'n chwilio am rywbeth hwyliog, defnyddiol, neu'r ddau, bydd rhywbeth i bawb.
Mae eich Cynllunydd Ymgartrefu Personol yma i'ch helpu i lywio'r digwyddiadau hyn ac amlygu'r rhai sydd wedi'u teilwra'n benodol i chi.
Eich Bywyd yn Byw ac yn Astudio Drwy’r Gymraeg
Neuadd Pantycelyn yw calon bywyd Cymraeg Prifysgol Aberystwyth a neuadd breswyl enwocaf Cymru. Mae Pantycelyn hefyd yn gartref i UMCA (Undeb Myfyrwyr Cymraeg Aberystwyth). Mae UMCA yn cefnogi nifer o gymdeithasau Cymraeg poblogaidd megis y Geltaidd (prif gymdeithas chwaraeon Gymraeg Prifysgol Aberystwyth), Plaid Cymru Ifanc, ac Aelwyd Pantycelyn i’r rheiny ohonoch sy’n mwynhau perfformio.
Mae gweithgareddau’r Undeb yn amrywio o drefnu adloniant a digwyddiadau i ymgyrchu dros faterion addysgiadol, cymdeithasol a ieithyddol yn y Brifysgol a’r tu hwnt. Yn bwysicaf oll mae UMCA yn awyddus i sicrhau eich bod chi’n gwneud yn fawr o’ch amser ym Mhrifysgol Aberystwyth, yn academaidd, yn gymdeithasol ac ym mhob ffordd, ac os fydd unrhyw beth yn eich poeni chi, bydd dim rhaid ichi fynd yn bell i ofyn am gyngor.
