Cymrodyr 2009

Mae'r Gwir Anrhydeddus Rhodri Morgan AC, Prif Weinidog Cymru, yn un o saith Cymrawd er Anrhydedd a fydd yn cael eu hurddo gan Brifysgol Aberystwyth yn ystod seremonïau graddio 2009.

Bydd Syr Emyr Jones Parry, Llywydd Prifysgol Aberystwyth a chyn Gynrychiolydd Parhaol y Deyrnas Gyfunol i'r Cenhedloedd Unedig, yn cyflwyno’r Prif Weinidog fel Cymrawd er Anrhydedd brynhawn Iau 16eg Gorffennaf.

Cynhelir seremonïau graddio Prifysgol Aberystwyth yng Nghanolfan y Celfyddydau Aberystwyth, o ddydd Mawrth 14eg tan ddydd Gwener 17eg o Orffennaf.

Cymrodyr Prifysgol Aberystwyth 2009
Mrs Mary Lloyd Jones        
Artist Cymreig o enwogrwydd rhyngwladol a chenhadydd ar gyfer celf a diwylliant Cymreig ar draws y byd.

Yr Athro Clyde Williams OBE        
Athro Gwyddor Chwaraeon ac Ymarfer Corff ym Mhrifysgol Loughborough. Sefydlodd labordai cyntaf gwyddor chwaraeon y DG yn Loughborough ac Aberystwyth. Cyn-fyfyriwr o Brifysgol Aberystwyth.

Mr Dyfrig John        
Prif-weithredwr Banc HSBC.

Yr Athro Ching Fai Ng        
Llywydd ac Is-ganghellor Prifysgol Bedyddwyr Hong Kong, Athro Cemeg, Dirprwy Cyngres Genedlaethol Pobl Tseina, cyn gymrawd ôl-raddedig Nuffield ym Mhrifysgol Cymru Aberystwyth.

Gwir Anhr Rhodri Morgan AC       
Prif Weinidog Cymru.

Y Fonesig Athro Jean Thomas FRS          
Meistr Coleg St. Catharine, Caergrawnt, Athro Biocemeg Macromoleciwlaidd, Prifysgol Caergrawnt.

Mr Huw Eurig Davies         
Prif-weithredwr a sylfaenydd cwmni teledu Boomerang.
Cyflwynir y teitl Cymrawd er Anrhydedd i unigolion sydd naill ai'n gyn fyfyrwyr o fri neu sydd â chysylltiad agos â Phrifysgol Aberystwyth, neu â bywyd Cymru.