Gwasanaethau

Rydym yn falch o fod yn rhan o'r brifysgol orau yng Nghymru o ran profiad myfyrwyr, ac yn cymryd o ddifrif ein rôl wrth weithio gyda sefydliadau o bob siâp a maint, i'w hysbysu a'u cefnogi.

Rydym yn gwneud hyn trwy ein hymchwilwyr blaenllaw sy'n cynnig y gefnogaeth a'r hyfforddiant diweddaraf sy'n seiliedig ar ymchwil; a'n haelodau tîm ymarferwyr busnes hirdymor sydd â phrofiad ar bob lefel, mewn amrywiaeth o gwmnïau/sectorau, a all gynnig cefnogaeth ymarferol, datrys problemau a hyfforddiant o'r ansawdd uchaf.

Mae ein Meysydd Cydweithredu gyda rhanddeiliaid lleol, rhanbarthol, cenedlaethol a byd-eang yn cynnwys:

Gwasanaethau Ymgynghori a Chymhwyso

Rydym yn cynnig cyngor sy’n seiliedig ar dystiolaeth ac ymchwil, wedi’i deilwra i anghenion eich sefydliad. Mae ein harbenigedd yn cynnwys:

Cynllunio strategol a thwf busnes
Marchnata a datblygu’r farchnad
Rheolaeth ariannol a threthiant
Arweinyddiaeth, llywodraethu a datblygu sefydliadol
Cynaliadwyedd, materion Amgylcheddol, Cymdeithasol a Llywodraethu, ac arferion busnes cyfrifol
Cynllunio dilyniant a gwytnwch hirdymor

Mae ein dull yn cyfuno trylwyredd academaidd â dealltwriaeth ymarferol, gan ddarparu atebion sy’n arloesol ac yn canolbwyntio ar ymarferwyr.

Partneriaethau SMART a Chyfnewid Gwybodaeth

Rydym yn gweithio mewn partneriaeth â busnesau, cymdeithasau diwydiant a chyrff cyhoeddus i gyd-greu gwybodaeth ac atebion drwy:

Prosiectau ymchwil cydweithredol
Partneriaethau Trosglwyddo Gwybodaeth
Cydweithio ar arloesi
Ymwneud â pholisi a darparu cyngor yn seiliedig ar dystiolaeth
Mewnwelediadau sy’n canolbwyntio ar y sector trwy bartneriaethau SMART

Mae’r partneriaethau hyn yn galluogi sefydliadau i fanteisio ar ymchwil flaengar a’i llunio ar yr un pryd drwy ei defnyddio yn y byd go iawn.

Addysg Weithredol a Datblygiad Proffesiynol

Rydym yn cynnig cyfleoedd dysgu hyblyg, wedi’u harwain gan ymchwil ac wedi’u cynllunio o amgylch anghenion sefydliadau a’u gweithlu:

Cyrsiau byr i weithredwyr a rhaglenni wedi’u teilwra i gwmnïau
Datblygu arweinyddiaeth a rheolaeth
Cyrsiau MBA, DProf a rhaglenni uwchsgilio arbenigol eraill
Hyfforddiant sy’n canolbwyntio ar gynaliadwyedd a materion Amgylcheddol, Cymdeithasol a Llywodraethu
Llwybrau gradd a dilyniant ar gyfer datblygu’r gweithlu

Mae ein rhaglenni yn cyfuno rhagoriaeth academaidd â pherthnasedd ymarferol, gan roi sgiliau i unigolion a thimau sy’n trosi’n uniongyrchol i berfformiad busnes.

Cyfleoedd i Fyfyrwyr wneud Gwaith Ymgynghorol a gweithio ar Brosiectau Byw

Gall ein myfyrwyr weithio gyda sefydliadau ar heriau’r byd go iawn yn rhan o’u hastudiaethau, o dan oruchwyliaeth arbenigwyr academaidd, drwy:

Strategaeth fusnes a phrosiectau ymchwil i’r farchnad
Aseiniadau arloesi a datblygu cynnyrch
Dadansoddiad ariannol a gweithredol
Asesiadau cynaliadwyedd ac effaith (gan gynnwys asesiadau ar faterion amgylcheddol, cymdeithasol a llywodraethu)

Mae hyn yn darparu safbwyntiau ffres a mewnwelediadau sy’n seiliedig ar dystiolaeth i fusnesau, wrth ddatblygu’r genhedlaeth nesaf o raddedigion medrus.

Ein Harbenigedd

Mae ein tîm academaidd yn cynnwys ymchwilwyr ac ymarferwyr o fri rhyngwladol, sydd â phrofiad yn y diwydiant ar lefel ryngwladol a rhanbarthol, y mae eu gwaith yn dylanwadu ar bolisi, yn llywio arferion y diwydiant, ac yn siapio canlyniadau i gymdeithas a’r farchnad. Rydym yn cynnig:

Arbenigedd disgyblaethol dwfn ar draws feysydd cyfrifeg, economeg, cyllid, marchnata, rheolaeth ac entrepreneuriaeth
Cysylltiadau cryf â’r diwydiant, y llywodraeth a rhanddeiliaid yn y gymuned
Profiad sy’n cwmpasu corfforaethau byd-eang, busnesau bach a chanolig a mentrau rhanbarthol

Mae’r cyfuniad unigryw hwn yn ein galluogi i drosi ymchwil a phrofiad ymarferol yn effaith wirioneddol i fusnesau a sefydliadau.

Cysylltwch â Ni

Rydym yn cynnal dosbarthiadau meistr, sesiynau briffio’r diwydiant a digwyddiadau meithrin cyswllt â’r cyhoedd yn rheolaidd, gan rannu gwybodaeth ar ddatblygiadau allweddol – o bolisi economaidd i heriau a chyfleoedd sy’n benodol i’r sector. Cliciwch yma i ddarganfod recordiadau, papurau a deunyddiau perthnasol eraill.

I gael gwybod sut y gallwn weithio gyda’n gilydd:

Cyswllt: Dr Julie Jones – jum1@aber.ac.uk