Adran 8.4 - Cymorth, Cyfarwyddyd a Chyfrifoldebau

Oherwydd natur darpariaeth partner cydweithrediadol, sy'n amrywio o ran graddfa, cymhlethdod a risg, bydd nifer o staff academaidd a staff gwasanaethau proffesiynol yn ymwneud â phrosiectau cydweithrediadol er mwyn cynorthwyo gyda datblygiad a rheolaeth y ddarpariaeth. Mae'r prosesau a amlinellir yn y bennod hon wedi'u cynllunio i gynorthwyo adrannau academaidd a Chyfadrannau i ddatblygu cynigion mewn dull sy'n rheoli'r risgiau posibl ac yn hyrwyddo datblygiad cynaliadwy. Trwy gydol oes prosiect cydweithrediadol, bydd yr adrannau a'r Cyfadrannau'n cael eu cefnogi gan y Swyddfa Partneriaethau Academaidd yn y Gofrestrfa Academaidd.

 

Swyddogaethau Partneriaeth

Arweinydd Rhaglen Bartneriaeth: Fel arfer, aelod academaidd o staff sydd â digon o uwch swydd i gynrychioli'r rhaglen bartneriaeth. Yr Arweinydd Rhaglen Bartneriaeth yw'r prif gyswllt academaidd rhwng y Brifysgol a'r partner.

Tiwtor Cyswllt: Gyda chefnogaeth yr Arweinydd Rhaglen Bartneriaeth, mae'r Tiwtor Cyswllt yn chwarae rhan allweddol yn y broses sicrhau ansawdd. Nhw yw'r llinell gyfeirio gyntaf ar gyfer pob mater cymorth academaidd sy'n ymwneud â'r rhaglen(ni) partneriaeth.

Swyddfa Partneriaethau Academaidd: Cefnogi Arweinydd y Rhaglen Bartneriaethau a'r adran academaidd i gydlynu'r prosesau cymeradwyo, datblygu, monitro ac adolygu.

Partner Busnes Cyllid: Wedi'i benodi gan y Cyfarwyddwr Cyllid, bydd y Partner Busnes Cyllid yn arwain diwydrwydd dyladwy ariannol partner ac yn rheoli agweddau ariannol cyflawni partneriaeth.