Rhag-Gofrestru
Cyfarwyddiadau Gam wrth Gam
Mae'r wybodaeth isod yn ymwneud â'r cyfarwyddiadau ar y sgrin ar gyfer y dasg Rhag-Gofrestru o dan y cerdyn "Fy Nhasgau" ar eich Cofnod Myfyriwr. Dilynwch y camau isod i rhag-gofrestru'ch modiwlau dewisol ar gyfer y sesiwn nesaf (blwyddyn academaidd 2026/2027).
Noder: y modiwlau sy'n ymddangos ar eich Cofnod Myfyriwr cyn i chi gwblhau Cam 5 o'r broses Rhag-Gofrestru ar gyfer y sesiwn nesaf yw'r modiwlau craidd ar gyfer eich cynllun astudio.
Cofiwch: Mae Rhag-Gofrestru wedi'i rannu'n ddwy ran - Cyfnod Ymgynghori a Chyfnod Cofrestru Modiwlau.
| Dechrau | Gorffen | Cyfnod | Tasg |
|---|---|---|---|
| Dydd Llun, 20 Ebrill 2026 | Dydd Mercher, 22 Ebrill 2026 | Cyfnod Ymgynghori |
Cwblhewch Gamau 1-4. Yn ystod y cyfnod hwn bydd y data ar eich cofnod mewn fformad 'darllen yn unig', ac ni fyddwch yn gallu dewis unrhyw fodiwlau. |
| Dydd Iau, 23 Ebrill 2026 |
Dydd Gwener, 01 Mai 2026 |
Cyfnod Cofrestru Modiwlau |
Cwblhewch Cam 5. Bydd y cam hwn ar agor o 9yb ar 23 Ebrill. Cofnodwch eich modiwlau dewisol ar eich Cofnod Myfyriwr. |
Cyfnod Ymgynghori: Dydd Llun 20, Ebrill – Dydd Mercher, 22 Ebrill 2026
Yn ystod y cyfnod hwn bydd y data ar eich cofnod wedi'u gloi ac ni fyddwch yn gallu cofnodi unrhyw fodiwlau (Cam 5), ond dylech defnyddio'r wybodaeth wrth ymgynghori â'r wybodaeth ar y cronfeydd data, a mynychu unrhyw gyfarfodydd adrannol.
Mae'n bwysig eich bod yn mynychu unrhyw gyfarfodydd a drefnir gan eich adran(nau) ynghylch Rhag-Gofrestru ac yn defnyddio'r amser i drafod/adolygu'r dewisiadau modiwl y sesiwn nesaf yn ystod y cyfnod hwn.
CAM 1 - Darllenwch y Wybodaeth Gyffredinol am Rhag Gofrestru.
CAM 2 - Edrychwch ar y Gofynion Adrannol ar gyfer yr holl adrannau y bwriadwch astudio ynddynt y sesiwn nesaf er mwyn sicrhau eich bod yn bodloni eu gofynion.
CAM 3 - Edrychwch ar y Gronfa Ddata Cynlluniau Astudio er mwyn gwirio beth yw gofynion eich cynllun.
CAM 4 - Edrychwch ar y Gronfa Ddata Modiwlau i gael manylion am yr holl fodiwlau a ddysgir y sesiwn nesaf.
Newid eich Cynllun Astudio
Os ydych chi am newid eich cynllun astudio, rhaid i chi ei drafod gyda'ch adran yn gyntaf, ac yna prosesu cais Newid Cofrestriad ar y we trwy eich Cofnod Myfyriwr cyn i chi allu cwblhau Rhag-Gofrestru. Ewch i'r cerdyn "Gwneud Newidiadau i Fy Nghwrs", yna dewiswch "Rwyf am newid fy nghynllun neu fy modiwlau". Dylai ffenestr naid ymddangos i'ch ailgyfeirio i sgrin wahanol. O'r fan hon, dilynwch y cyfarwyddiadau ar y sgrin. Mae rhagor o ganllawiau ar gael ar y dudalen Newid Cynllun Astudio neu Fodiwl.
Cyfnod Cofrestru ar gyfer modiwlau: Dydd Iau, 23 Ebrill – Dydd Gwener, 1 Mai 2026
Bydd eich cofnod yn cael ei ddatgloi am 9 y.b. ar y 23 Ebrill. Yn ystod y cyfnod cofrestru byddwch yn medru cofnodi eich dewis o fodiwlau ar gyfer y sesiwn nesaf ar ôl i chi ymgynghori â’ch adran(nau).
CAM 5 - Mewnbynnwch eich dewisiadau modiwl a chliciwch ar y botwm "Cadarnhau Dewisiadau Cyn-Gofrestru" i gwblhau'r broses a derbyn cyfarwyddyd pellach.
Noder:
- Efallai y byddwch yn gweld dau fotwm yn ystod y broses - "Cadw Newidiadau" a "Cadarnhau Dewisiadau Cyn-Gofrestru". Nid yw cadw newidiadau yn unig yn cyflwyno eich dewisiadau - rhaid i chi sicrhau eich bod yn dewis "Cadarnhau Dewisiadau Cyn-Gofrestru" i gyflwyno eich dewisiadau a chwblhau'r broses.
- Gwnewch yn siŵr eich bod wedi dewis y nifer gofynnol o gredydau sy'n angenrheidiol ar gyfer eich cynllun (fel arfer 120, gan gynnwys modiwlau craidd).
- Mae'n bosibl na fydd rhai modiwlau dewisol yn rhedeg - er enghraifft, os yw niferoedd cofrestru yn rhy isel neu os oes unrhyw newidiadau staffio annisgwyl yn dilyn diwedd Rhag-Gofrestru.
- Os ydych chi'n cael trafferth cwblhau'r tasgau, neu'n dod ar draws negeseuon gwall nad ydynt yn caniatáu ichi symud ymlaen, cysylltwch â'ch adran neu ugfstaff@aber.ac.uk mewn da bryd am gymorth ac arweiniad pellach.
CAM 6 - Sicrhewch eich bod yn cwblhau Rhag-Gofrestru ar-lein erbyn dydd Gwener 1 Mai 2026 fan bellaf.