Materion Uwchraddedigion

ARHOLIADAU SEMESTER UN 2025/2026

Bydd arholiadau semester un yn cael eu cynnal yn y prif leoliadau ar DDYDD LLUN 5 IONAWR 2026 ac yn gorffen ar DDYDD SADWRN 23 IONAWR 2026.

Mae manylion yr amserlen ar gael yma.

Amgylchiadau Arbennig

Os yw asesiadau eich modiwlau wedi'u heffeithio gan Amgylchiadau Arbennig (digwyddiadau annisgwyl ac afreolus) sy'n effeithio'n negyddol ar eich gallu i berfformio'n academaidd a chwblhau asesiadau, rhaid i chi roi gwybod yn ffurfiol am eich Amgylchiadau Arbennig i'r Brifysgol fel y gall y brifysgol eu hystyried i sicrhau triniaeth deg yn ystod arholiadau neu asesiadau gwaith cwrs.

I gwblhau cais Amgylchiadau Arbennig, dylech fewngofnodi i'ch Cofnod Myfyriwr ar y we a chlicio ar y cerdyn 'Amgylchiadau Arbennig' ar yr hafan. O'r fan honno, byddwch yn gallu creu cais trwy ateb cyfres o gwestiynau. Gwnewch yn siŵr eich bod yn ymateb yn llawn ac yn glir, fel bod gan y Brifysgol yr holl wybodaeth sydd ei hangen arni i wneud penderfyniad.

Fe'ch anogir i roi gwybod am amgylchiadau arbennig cyn gynted ag y bydd eich perfformiad mewn asesiad wedi'i effeithio, a RHAID i chi wneud hynny erbyn diwedd y cyfnod asesu cyn y byrddau arholi.

Canlyniadau Semester Un:

Yn dilyn cyfarfodydd y Byrddau Arholi bydd eich canlyniadau am semester un yn cael eu gosod ar eich “Cofnod Myfyriwr” https://studentrecord.aber.ac.uk  ar y we i chi eu gweld.  Bydd y canlyniadau ar gael fel a ganlyn:

RHAN UN (Blwyddyn Un):                                                  Dydd Iau 12 Chwefror

RHAN DAU (Blwyddyn Dau a uwch):                                 Dydd Iau 19 Chwefror