Y Ganolfan Ôl-raddedigion
Mae’r Ganolfan Ôl-raddedigion yn ofod astudio 24 awr ar gyfer myfyrwyr ôl-raddedig. Ar wahân i ambell aelod o staff (staff yr Academi Ddoethurol yn bennaf), dim ond myfyrwyr ôl-raddedig sy’n gallu cael mynediad i’r ganolfan, a byddwch angen eich cerdyn myfyriwr i agor y drws. Os ydych chi’n cael unrhyw drafferth i gael mynediad, rhowch wybod i ni.
Mae’r Ganolfan Ôl-raddedigion ar lawr gwaelod adeilad Llandinam ger y fynedfa gefn.
Mae’r cyfleusterau yn cynnwys:
- Mannau astudio tawel (preifat a chynllun agored)
- Cyfleusterau argraffu
- Lolfa gymdeithasol a chegin
- Loceri storio personol
- Chwech o bodiau astudio preifat
- Ystafelloedd astudio grŵp
- Desgiau cyfrifiadur
- Ystafell bwydo ar y fron
- Bwrdd i grŵp mawr
- Bwrdd i grŵp bach
- Ystafell astudio hygyrch bwrpasol gyda desg eistedd-sefyll addasadwy a chadair
Loceri personol: Mae croeso i fyfyrwyr ymchwil ôl-raddedig ofyn am locer i storio llyfrau a deunyddiau astudio eraill. Gofynnwn i chi beidio â storio bwyd neu nwyddau darfodus eraill yn y mannau hyn (mae cegin ar gael ar gyfer eitemau o'r fath) ac i ddilyn yr un canllawiau ag ar gyfer y loceri yn Llyfrgell Hugh Owen.
Os hoffech ofyn am allwedd locer, ewch i'r ddesg ymholiadau yn Llyfrgell Hugh Owen neu cysylltwch ag askaber@aber.ac.uk / holiaber@aber.ac.uk.
Podiau astudio preifat: Mae chwech o bodiau astudio preifat, ynghyd ag ystafell bwydo ar y fron ychwanegol ac ystafell hygyrch i gadeiriau olwyn. Mae'r ystafelloedd hyn ar gael i'w harchebu trwy eich cyfrif ar-lein ar gyfer gwaith unigol neu waith grŵp.
Mae croeso i fyfyrwyr ddefnyddio podiau astudio gwag, ar yr amod eu bod yn symud i wneud lle i fyfyrwyr sydd wedi archebu ac, yn achos yr ystafell hygyrch i gadeiriau olwyn a'r ystafell bwydo ar y fron, i'r rhai sydd â’r cyfryw anghenion.
Mae'r Ganolfan Ôl-raddedigion yn amgylchedd gwaith proffesiynol, ac rydyn ni'n cymryd y bydd myfyrwyr yn ei defnyddio'n briodol ac yn trin eraill â pharch. Os oes gennych chi unrhyw gwynion, cysylltwch â Phennaeth yr Academi Ddoethurol.