Dadansoddiad o Anghenion Datblygu

Beth yw Dadansoddiad o Anghenion Datblygu?
Dadansoddiad o Anghenion Datblygu yw dull o asesu anghenion hyfforddiant ymchwil myfyrwyr yn seiliedig ar eu prosiect ymchwil unigol a’u nodau proffesiynol. Mae’r broses yn sicrhau bod myfyrwyr yn ymwybodol o’u hanghenion hyfforddiant ac yn eu cefnogi i ddod o hyd i’r ddarpariaeth hyfforddiant briodol yn y brifysgol a thu hwnt. Mae’r broses yn cael ei hwyluso trwy MyPGR, a chewch gais i gwblhau holiadur yn ystod sgwrs â’ch goruchwylwyr.

 

I gael rhagor o wybodaeth am y Dadansoddiad o Anghenion Datblygu, gwyliwch ein fideo hyfforddi.

Beth yw’r Cynllun Hyfforddi Unigol? 
Cynllun Hyfforddi Unigol yw’r adroddiad (neu’r allbwn) sy’n deillio o lenwi’r ffurflen Dadansoddiad o Anghenion Datblygu trwy MyPGR. Mae ei elfennau allweddol yn cynnwys: (1) nodi meysydd allweddol lle mae angen hyfforddiant, (2) ffynonellau posibl o ddarpariaeth hyfforddiant a (3) cofnod o’r hyfforddiant a gwblhawyd.

 

Ble mae dod o hyd i’r Cynllun Hyfforddi Unigol? 
Bydd eich Cynllun Hyfforddi Unigol yn cael ei anfon at fyfyrwyr a goruchwylwyr gan eich Arweinydd Ymchwil Ôl-raddedig adrannol. Dylai myfyrwyr gyfarfod â’u goruchwylwyr i’w cwblhau a’u cyflwyno yn ôl i’w hadrannau perthnasol cyn gynted â phosibl. 

Oes modd golygu’r Cynllun Hyfforddi Unigol? 
Oes. Gall myfyrwyr a staff olygu’r cynllun fel eu bod yn cyd-fynd â’u hanghenion hyfforddiant. Mae’r templed wedi’i gynllunio i fod yn ddogfen bwrpasol sy’n addasadwy i wahanol draddodiadau a dulliau disgyblaethol. 
 

Oes modd newid y Cynllun Hyfforddi Unigol wrth i amser fynd rhagddo? 
Oes, mae’r templed wedi’i gynllunio i fod yn ddogfen ‘fyw’ a fydd yn addasu ac yn newid gyda chynnydd myfyrwyr. Yn yr un modd ag y mae prosiect myfyriwr yn newid ac yn addasu, felly hefyd ei anghenion hyfforddiant. Mae’r Cynllun Hyfforddi Unigol wedi cael ei gynllunio i hwyluso’r newidiadau hyn. 

Sut mae cwblhau’r Cynllun Hyfforddi Unigol? 
Pwrpas y Cynllun Hyfforddi Unigol yw cyfateb anghenion hyfforddi â’r ddarpariaeth hyfforddiant. Tra bod y Dadansoddiad o Anghenion Datblygu yn canolbwyntio ar yr anghenion, mae gan y myfyriwr ryddid sylweddol mewn perthynas â’r ddarpariaeth. Fel cam cyntaf, dylai myfyrwyr ystyried yr opsiynau hyfforddi sy’n cael eu darparu gan yr Academi Ddoethurol. Fodd bynnag, rydyn ni’n barod i dderbyn ystod o opsiynau fel darpariaeth hyfforddiant (gweler y dudalen Hyfforddiant).