Hyb Ymchwil Meysydd y Dyfodol
Ysgogi arloesi mewn ffermio trwy ymchwil, technoleg a chydweithredu
Seilwaith a Chyfleusterau Meysydd y Dyfodol
Mae Hyb Ymchwil Meysydd y Dyfodol yn dwyn ynghyd arbenigedd o bob rhan o Brifysgol Aberystwyth ac yn darparu mynediad at gyfuniad unigryw o gyfleusterau ymchwil, amgylcheddau amaethyddol a thechnolegau digidol sy'n cefnogi datblygu, profi a mabwysiadu datrysiadau ffermio'r genhedlaeth nesaf.
Mae ein cyfleusterau yn cynnwys:
Y Ganolfan Genedlaethol Ffenomeg Planhigion
Cyfleusterau ffenomeg planhigion o'r radd flaenaf sy'n cynnwys systemau tyfu awtomataidd, tai gwydr amgylchedd rheoledig, llwyfannau delweddu uwch a thechnolegau monitro cnydau yn y maes. https://www.aber.ac.uk/cy/ibers/cyfleusterau-ymchwil/ffenoteipio-ar-draws-graddfeydd-gwahanol/
Dronau a Synhwyro o Bell
Dronau amaethyddol gradd ddiwydiannol, delweddu amlsbectrol a systemau monitro amgylcheddol ar gyfer asesu cnydau, mapio caeau ac ymchwil mewn amaethyddiaeth fanwl gywir.
 |
 |
|---|---|
 |
 |
Deallusrwydd Artiffisial, Roboteg ac Amaethyddiaeth Ddigidol
Arbenigedd amlddisgyblaethol mewn deallusrwydd artiffisial, gweledigaeth gyfrifiadurol, roboteg, systemau ymreolaethol a modelu amgylcheddol i gefnogi arloesedd amaethyddol sy'n seiliedig ar ddata.
Ffermydd Ymchwil a Llwyfannau Maes
Mwy na 1,000 hectar o dir ymchwil, gan gynnwys safleoedd iseldir ac ucheldir, sy'n darparu amgylcheddau byd go iawn ar gyfer profi technolegau, amrywogaethau cnydau a systemau ffermio cynaliadwy.
Labordai a Chyfleusterau Dadansoddi
Gweithio gyda ni
Yn ogystal â phrosiectau ymchwil cydweithredol, mae'r hyb yn cynnig gwasanaethau ymgynghori sy'n cynnwys:
- arolygon â dronau
- monitro amgylcheddol
- dadansoddi data
- cyfleoedd i dreialu offer a roboteg newydd ar y fferm
Cysylltwch â ni trwy anfon neges ebost at futurefields@aber.ac.uk.