Charlotte Lewis: Clwb Ffermwyr Ifanc a Gwyddor Filfeddygol

Yn ddiweddar, cystadlais yn Niwrnod Siarad Cyhoeddus Ffederasiwn Cenedlaethol Clybiau Ffermwyr Ifanc yn Swydd Stafford. Roeddwn i'n rhan o Dîm Panel Adran Ganol Clwb Ffermwyr Ifanc Sir Benfro (CFfI) yn cystadlu fel cadeirydd ar banel bu’n trafod 3 phwnc a roddwyd i ni ar y diwrnod - roeddem wrth ein bodd i gael ein rhoi’n gyntaf ac roeddwn i'n ffodus iawn i gael fy nyfarnu'n Gadeirydd Gorau. Hefyd, y diwrnod hwnnw, cystadlais yn y gystadleuaeth Ymgeisio am Swydd a oedd yn cynnwys mynd trwy broses ymgeisio ffug am swydd o'm dewis, ac roeddwn i'n falch o gael fy rhoi yn y 4ydd safle ynddi.

Mae’r CFfI yn fudiad ieuenctid gwledig i bobl ifanc 10-28 oed, lle gall aelodau ymuno â'u clwb lleol a chael mynediad at gynifer o gyfleoedd anhygoel o deithiau clwb, i gystadlaethau, cyfleoedd teithio a digwyddiadau cymdeithasol - mae'r mudiad yn darparu rhywbeth i bawb.

Rwyf wedi bod yn aelod o CFfI De Sir Benfro am yr 8 mlynedd diwethaf lle rwyf wedi cael y fraint o gael llawer o gyfleoedd anhygoel o fod yn gadeirydd y clwb ychydig flynyddoedd yn ôl i gystadlu ar lefelau Cymru a chenedlaethol mewn cystadlaethau gan gynnwys siarad cyhoeddus a barnu stoc, gan ganiatáu i mi ddatblygu sgiliau amhrisiadwy.

Mae sgiliau o'r fath wedi bod yn hynod fuddiol i mi fel myfyriwr. Yn benodol, mae profiadau a gafwyd wrth siarad yn gyhoeddus, rhoi rhesymau, barnu stoc a pherfformio mewn cystadlaethau drama wedi caniatáu i mi ddatblygu sgiliau cyfathrebu'n effeithiol sydd wedi bod yn hynod gefnogol o gyfweliadau Prifysgol i'r cwrs Gwyddor Filfeddygol bresennol mewn sefyllfaoedd arholiadau llafar. Yn ogystal, rwyf wedi gallu defnyddio gwybodaeth am y diwydiant amaethyddol a ddysgais yn y CFfI o deithiau, sgyrsiau a chystadlaethau yn fy nghwrs. Yn olaf, mae'r hyder a'r parodrwydd i roi cynnig ar wahanol bethau yn rhywbeth y mae mudiad y CFfI yn ei annog yn fawr, ac rwy'n teimlo ei fod wedi bod o fudd mawr i mi, yn enwedig wrth ddechrau yn y brifysgol.

Rwy'n edrych ymlaen at y 10 mlynedd nesaf sydd gennyf fel aelod o'r CFfI ac rwy'n gyffrous i weld sut y gall barhau i'm helpu yng ngweddill fy addysg filfeddygol ac yn fy nyfodol.

Dysgwch mwy am ein cyrsiau Gwyddor Filfeddygol YMA.