Aberystwyth i Gynnal Cyfarfod Rhyngwladol ar Fioleg Myxobacteria.

Aberystwyth i Gynnal Cyfarfod Rhyngwladol ar Fioleg Myxobacteria.

Mae myxobacteria yn facteria hynod ddiddorol. Maent yn cynhyrchu ystod eang o gyfansoddion meddyginiaethol a phan gânt eu llwgu, maent yn grwpio gyda'i gilydd ac yn cydlynu eu hymddygiad i adeiladu strwythurau amlgellog mawr. Mae cymuned ryngwladol o ymchwilwyr yn astudio bioleg myxobacteria, ac maent hefyd yn grwpio gyda'i gilydd ac yn cydlynu eu hymddygiad, yng nghynhadledd flynyddol myxobacteria, a elwir yn anffurfiol yn Gyfarfod Myxo.

Eleni cynhelir Cyfarfod Myxo ym Mhrifysgol Aberystwyth, wedi'i gynnal gan y grŵp ymchwil myxobacteria sydd wedi'i leoli yn yr Adran Gwyddorau Bywyd. Mae'r chwe myfyriwr PhD sy'n ffurfio'r grŵp yn chwarae rhan allweddol wrth drefnu'r gynhadledd, sy'n canolbwyntio'n benodol ar myxobacteriolegwyr gyrfa gynnar.

Er mwyn sicrhau bod y gynhadledd yn denu ymchwilwyr o bob cwr o'r byd, cynhaliodd y myfyrwyr chwiliad cynhwysfawr o'r llenyddiaeth wyddonol, gan nodi pob grŵp yn y byd sy'n cyhoeddi ymchwil myxobacteria a'u gwahodd yn uniongyrchol i Gyfarfod Myxo. Fe wnaethant hefyd helpu i wneud cais am grantiau i leihau cost cofrestru ar gyfer ymchwilwyr gyrfa gynnar, gan argyhoeddi FEMS a Chwmni'r Biolegwyr yn llwyddiannus i gefnogi'r gynhadledd yn hael. Trefnodd aelodau'r tîm wefan ar gyfer y cyfarfod a siop ar-lein hefyd i gynrychiolwyr gofrestru ar gyfer y cyfarfod.

Cynhelir 51ain Gyfarfod Myxo blynyddol ddechrau mis Mehefin, ac rydym yn edrych ymlaen yn fawr at siarad am myxobacteria am dridiau gyda chydweithwyr o bob cwr o'r byd.

Ceir fanylion am gofrestru I’r gynhadledd yma: https://wp-research.aber.ac.uk/myxomeeting-2026/