Cyflwyniad i Argraffu

Rhaglen y Cwrs

Mae'r cwrs cyfrwng Cymraeg hwn yn cynnig taith gynhwysfawr o ddulliau argraffu 'relief' ac 'intaglio' ac yn annog dysgwyr i ddatblygu technegau traddodiadol ac arbrofol. Yn ystod y cwrs hwn, a fydd yn cael ei gyflwyno gan artist a gwneuthurwr printiau profiadol, bydd dysgwyr yn astudio ac yn datblygu gwahanol dechnegau argraffu gan gynnwys monoprint, argraffu tetrapack a thorri lino. Trwy waith unigol a gwaith grŵp, caiff ddysgwyr gyflwyniad i wahanol dechnegau a sgiliau megis lliw, tôn a chymysgu yn ogystal â chyfle i ddatblygu syniadau ar themâu a syniadau penodol sy'n gysylltiedig â'r pwnc. Bydd yr holl waith a grëir yn cael ei gynllunio o amgylch llun gwreiddiol o ffotograffau, llyfrau neu fywyd llonydd. Bydd dysgwyr yn cael eu hannog i arbrofi a gwthio'r ffiniau wrth ddysgu'r gwahanol dechnegau, gan ennill yr hyder a'r wybodaeth i barhau â'r prosesau yn y dyfodol.

Manylion y Cwrs

Yn ystod y cwrs, bydd y dysgwr yn astudio'r canlynol:

• Dull argraffu monoargraffu
• Dull argraffu Tetrapack ac incio intaglioCyflwyniad i dermau celfyddol a chyfryngau
• Cyflwyniad i wahanol dechnegau a sgiliau megis lliw, tôn a chymysgu
• Astudiaethau o artistiaid a’u gwaith
• Gwaith grŵp i ddatblygu syniadau ar themâu a syniadau penodol sy'n gysylltiedig â'r pwnc
• Dogfennu gweithgareddau, dulliau a deunyddiau.

Canlyniadau Dysgu

1. Trafod a chyflwyno eu syniadau creadigol gyda lluniadau i gefnogi gwaith pellach.
2. Paratoi'r ardal waith a chwblhau monoprintParatoi platiau ac argraffu print tetrapack.
3. Paratoi platiau ac argraffu print lino amlliw.
4. Ymgyfarwyddo â'r offer, yr inciau a'r toddyddion cywir ar gyfer glanhau.

Asesiadau

1. Portffolio o ddulliau printio a'r delweddau a wnaed yn y dosbarth a thrwy astudiaethau hunangyfeiriedig. (100%)

Gofynion Mynediad 

Mae hwn yn gwrs i bawb. Nid oes angen unrhyw brofiad blaenorol ac nid oes unrhyw ofynion mynediad ffurfiol. Mae’r cwrs yn addas i ddysgwyr a siaradwyr Cymraeg.