Arlunio Taith y Porthmyn

 

Cwrs ymarferol yw hwn yn y Gymraeg a fydd yn cynnwys delweddu'r ardal leol gan ddefnyddio deunyddiau lluniadu amrywiol.

Ffeithiau Allweddol

 

Iaith: Cymraeg

Hyd: 5 Sesiwn 

Nifer y Credydau: 10

Tiwtor: Eurfryn Lewis  

Dull Dysgu: Wyneb yn wyneb

Lefel: Mae'r modiwl hwn ar Lefel 4 FfCChC

Cod y Modiwl: YD15810

Ffi: £140 - Cynllun Hepgor Ffioedd (gweler yr amodau isod)

Diolch i gefnogaeth ariannol gan Medr trwy'r Cynllun Hepgor Ffioedd, caiff ddysgwyr a siaradwyr Cymraeg sy’n byw yng Nghymru (a sydd ddim yn astudio mewn prifysgol), astudio’r cwrs hwn am ddim.

Oherwydd natur y cwrs, nifer cyfyngedig sydd ar gael felly y cyntaf i’r felin fydd hi!

I ddechrau eich cais, cwblhewch y ffurflen gais Hepgor Ffioedd: Ffurflen Gais Cynllun Hepgor Ffioedd Dysgu Gydol Oes (Blwyddyn Academaidd 2024 - 2025)

 

 

 

Amlinell 

Cwrs ymarferol yw hwn yn y Gymraeg a fydd yn cynnwys delweddu'r ardal leol gan ddefnyddio deunyddiau lluniadu amrywiol. Ceir gweithdai i ddysgu sgiliau ymarferol a fydd yn cael eu hategu gan drafodaethau damcaniaethol am y lleoliadau a’r gwaith celf a ysbrydolwyd gan fywyd Y Porthmyn yn Nhregaron a’u hanes. Byddwn yn edrych ar waith artistiaid sydd wedi defnyddio nifer o wahanol ddeunyddiau lluniadu a thrwy gydol y cwrs byddwn yn cyfeirio at Artistiaid lleol a’r cysylltiad sydd rhyngddynt â hanes y Porthmyn.

Rhaglen y Cwrs

Cychwyn yn: Neuadd Goffa Tregaron 

30/08/2025 (10yb - 3.30yp)

Gweithgaredd i dorri’r iâ ac yna rhagarweiniad i'r modiwl a chyflwyniad/trafodaeth yn hen dref y Porthmyn, sef Tregaron. Rhywfaint o luniadu!
Cyflwyniad i gefndir stori'r Porthmyn a'i hanes diddorol. Trafodaeth am brofiadau personol y myfyrwyr a gwybodaeth am y Porthmyn. Taith gerdded i fannau cyfarwydd yn Nhregaron sydd â chysylltiadau â’r Porthmyn.

Astudiaeth bersonol:
Mae'r bwlch hwn o bythefnos wedi ei roi er mwyn i chi ddechrau gweithio ar eich asesiad cyntaf sydd yn cyfrif am 40% o’ch asesiad.

Sesiwn Dau: Ar leoliad: Soar y Mynydd

13/09/2025 (10yb - 3.30yp)

Astudio yn yr awyr agored, ymweliad â 3 lleoliad gwahanol ym mynyddoedd y Cambria: Llyn Berwyn, Y blwch ffôn yn Nantymaen a Chapel Soar y Mynydd.

Sesiwn Tri: Hostel Ieuenctid Tregaron

20/09/2025 - (yr hwyr - amser i gael ei gadarnhau)

Astudio yn yr awyr agored, ymweliad â'r Hostel Ieuenctid Tregaron. Dosbarth lluniadu gyda'r nos!

Sesiwn Pedwar: Neuadd Llanwrtyd 

11/10/2025 (10yb - 3.30yp)

Neuadd Victoria Llanwrtyd a’r Cylch. Cyflwyniad i'r archifau, parhau â’r astudiaeth ar y Porthmyn. Tiwtorial. Tasg i'r myfyrwyr ei chwblhau yn eu hamser eu hunain. Dysgu yn seiliedig ar wrthrychau

Astudio ar-lein er mwyn cwblhau'r uned gyfan o waith.
Gweithio ar eich llyfr olaf am Y Porthmyn.

Sesiwn olaf: Neuadd Goffa Tregaron 

08/11/2025 (10yb - 3.30yp)

Dychwelyd i Neuadd Goffa Dregaron

Canlyniadau Dysgu 

  1. Dangos amrywiaeth o dechnegau gan ddefnyddio pastelau i a) gofnodi ar leoliad a b) gwneud paentiad stiwdio.
  2. Darganfod a chofnodi a defnyddio tirweddau a motifau arwyddocaol gan gynllunio yn y dyddiadur gweledol a’r poster.
  3. Dychmygu a chyflawni peintiad o dirwedd mewn pastel a chyfryngau eraill o amrywiol ddeunyddiau ffynhonnell.
  4. Creu llyfr ‘codi fflap’ a fydd yn canolbwyntio ar eich astudiaethau o'r Porthmyn.
  5. Ymchwilio a defnyddio gwybodaeth a delweddau o genres tirwedd perthnasol yn y dyddiadur gweledol.

Asesiadau 

  1. Portffolio - 60%
  2. Poster - 20%
  3. Dyddiadur Gweledol

Beth sydd ei angen arnaf? 

Cyn i’r cwrs ddechrau gallech fynd ati i gasglu delweddau o olygfeydd amaethyddol, yn enwedig anifeiliaid fferm ac astudiaethau tirwedd. Gallai’r rhain gynnwys copïau o waith artistiaid, cardiau post, ffotograffau, printiadau o’r rhyngrwyd, darluniau ac ati - unrhyw ddeunydd gweledol, mewn gwirionedd, sy’n dal eich sylw. Bydd y deunyddiau hyn yn gychwyn i’ch llyfr braslunio/dyddiadur personol ac ychwanegir ato trwy gydol y cwrs.
Bydd yr artistiaid a astudir yn cynnwys: Ogwyn Davies, Margaret Jones, Aneurin Jones, Mike Jones, Sidney Nolan, John Tennant, David Cox yr Ieuengaf a llawer mwy o artistiaid a ddarluniodd y Porthmyn. Yn ogystal â'r llenyddiaeth leol gan "Joseph Evans, Y Swagman"