Cynghorwyr Lles

Cwrdd â’r Tîm

Sara Childs - Arweinydd Lles

Gall cwnsela ddarparu cyfleoedd i berson ddod o hyd i dawelwch, i ddeall eu hunain yn well ac i ddarganfod ffyrdd mwy iach o gyfathrebu ag eraill. Rwy'n gwerthfawrogi gonestrwydd a chynhesrwydd ac yn cynnig y cyfle i arafu a thalu sylw i'r hyn sy'n digwydd o dan yr wyneb trwy sgwrs fwriadol, gan dynnu ar adnoddau mewnol ac allanol o fewn y brifysgol a thu hwnt.

Rwyf wedi gweithio yn y maes addysg ar hyd fy oes ac wedi bod yn cwnsela ers 2017. Mae gen i ddiddordeb cryf mewn dulliau sy'n croesawu niwroamrywiaeth ac sy'n canolbwyntio ar y myfyriwr, yn ogystal ag ysbrydolrwydd ac ymwybyddiaeth o'r corff. Cefais fy magu ac es i'r ysgol yn lleol, gwnes TAR yn Aberystwyth ac rwyf yn gwirfoddoli mewn clwb ieuenctid lleol a grŵp mam a babi yn fy amser hamdden. Er mwyn gofalu am fy lles, rwy'n gwneud ychydig o godi pwysau, cerdded a dawnsio. Roedd fy nhraethawd hir ar gyfer fy ymchwil Meistr mewn cwnsela dwyieithog, ac rwy'n gweithio yn y Gymraeg a'r Saesneg.

Alexandra Davies - Cynghorydd Lles

Gyda chefndir mewn Seicoleg, cymhwysais fel cwnselydd yn 2016 ac ers hynny rwyf wedi gweithio mewn ysgolion a’r brifysgol, gan gefnogi pobl ifanc ac oedolion trwy ystod eang o heriau. Mae fy ymagwedd wedi'i seilio mewn gwerthoedd dyneiddiol, ond rwy'n gweithio mewn ffordd ragweithiol a hyblyg i ymateb i anghenion unigol pob cleient.

Rwy'n credu y dylai'r awyrgylch therapiwtig deimlo'n groesawgar a chydweithredol. Fy nod yw cynnig man lle gallwch deimlo eich bod chi'n cael eich clywed, eich cefnogi, ac ystyried beth bynnag sydd ei angen arnoch ar eich cyflymder eich hun. Yn ein model un-ar-y-tro, mae pob sesiwn yn canolbwyntio ar yr hyn sy'n teimlo'n bwysicaf i chi. P'un a ydych chi'n wynebu newidiadau, yn profi heriau yn eich bywyd prifysgol, neu wrth wynebu emosiynau anodd, rwy'n cynnig profiad diogel a chyson i weithio trwy eich profiadau. Fy ffocws bob amser yw eich cefnogi i ddatblygu mewnwelediad, hyder a gwytnwch mewn ffordd sy'n teimlo'n berthnasol ac ystyrlon i chi, gyda phresenoldeb perthynol a chyson wrth wraidd y gwaith.

Daniel Onnen - Cynghorydd Lles

Helo, Daniel ydw i. Mae fy rôl yn ymwneud â chefnogi myfyrwyr i wynebu ystod eang o heriau sy'n gysylltiedig â bywyd prifysgol, gan gynnwys pwysau academaidd, pryderon lles ac anawsterau personol. Rwy'n gweithio ar y cyd â myfyrwyr i gytuno strategaethau ymarferol, cael mynediad at gymorth priodol, a meithrin hyder wrth reoli ein lles ein hunain.

Ochr yn ochr â fy rôl prifysgol, rwy'n gwnselydd cymwysedig (MBACP) ac rwy'n rhedeg fy ymarfer cwnsela fy hun. Mae fy ymagwedd yn canolbwyntio ar dosturi, yn canolbwyntio ar y person, gyda phwyslais ar ddatblygu hunan-ymwybyddiaeth, gwytnwch emosiynol a pherthynas garedig â ni ein hunain ac eraill.

Rwy'n anelu at greu awyrgylch cynnes, agored a di-feirniadol lle gall myfyrwyr siarad yn rhydd a theimlo'n wirioneddol eu bod wedi cael eu clywed. Rwy'n angerddol am greu mannau lle gall pobl archwilio hunaniaeth a lles emosiynol yn ddiogel ac rwy'n gwerthfawrogi ac yn dathlu gwahaniaeth ac amrywiaeth yn ei holl ffurfiau. Y tu allan i'r gwaith, i edrych ar ôl fy hun, rwy'n mwynhau chwarae cerddoriaeth, treulio amser y tu allan ym myd natur ac ymarfer Tai Chi.

 

Hussam Al-Nawab - Cynghorydd Lles  

Helo - Hussam ydw i, cwnselydd treftadaeth-gymysg a mentor iechyd meddwl gyda dros ddeng mlynedd o brofiad o gefnogi myfyrwyr yn y Tîm Llesiant ym Mhrifysgol Aber.

Rwy'n teimlo'n freintiedig i ddod â fy sgiliau therapiwtig a'm profiad bywyd at ein sesiynau. Rwy’n anelu at greu sgyrsiau defnyddiol gyda myfyrwyr yn ystod sesiynau cwnsela OAAT. Mae'r sgyrsiau hyn yn agored eu natur, ac yn eich cynorthwyo i ddod o hyd i ffyrdd defnyddiol o ymateb i'r problemau personol a'r amgylchiadau bywyd heriol rydych chi'n wynebu.

Yn ystod y sesiwn rydym yn gweithio gyda'n gilydd ar y cyd. Rwy’n eich parchu chi fel yr arbenigwr yn eich bywyd eich hun, tra bod y fframwaith cwnsela yn eich helpu i adolygu eich perthynas â'r broblem. Mae gan y broses hon y potensial i ganiatáu i safbwyntiau newydd godi ac i nodi camau defnyddiol i chi gymryd ar ôl i'r sesiwn ddod i ben.

Cefais fy hyfforddi'n wreiddiol mewn Therapi Canolbwyntio ar Arall - dull sy'n cyfuno dulliau seicolegol Dwyreiniol a Gorllewinol. Mae gen I hyfforddiant pellach mewn Therapi Canolbwyntio ar Atebion ac Un Sesiwn, cwnsela Cerdded a Siarad ac Eco-Therapi. Ar hyn o bryd rwy'n cael hyfforddiant ysbrydoledig mewn Therapi Naratif, dull ôl-fodernaidd, di-bathologeiddio o weithio'n therapiwtig gydag eraill. Rwy’n hoff iawn o gerddoriaeth ac rwy'n ysgrifennu caneuon ac yn perfformio gyda band lleol. Gellir dod o hyd i mi hefyd yn mwynhau teithiau cerdded ar hyd llwybrau'r arfordir ac ymdrochi yn y môr yn y gaeaf ym Mae Aberteifi. Rwy’n edrych ymlaen at eich cyfarfod am sgwrs ddefnyddiol